1 Timoti 5:17 - ULufingwi uLupwa

¹⁷ Avhasongo vhe vhakulongozya ishivhanza ahinza, yikwanzilwa kuuti vhashindikwaje nu kupeelwa amalipilo aminza ku mbombo zyavho. Zivhombehaje vhwevhulo, inkaani ku vhaala vhe vhakuyifumwa kuvhalumbiilila nu kuvhasambiilizya avhantu izwi ilya Mulungu.

Tesitamenti Umupwa 1965

¹⁷ Avenʼavasongo ve vakunonelezyʼishivanza ahinza ve vahondeye ukuposhelʼumushinzi umulusyi, inkani vuvo ve vakuyikungula kunongwa na kunsambilizyo.

1 Timoti 5:17 ပူးပေါင်းရင်းမြစ်များ

Matayi 24:25

Muvhanje minso, ine navhasoha nziila she zishiili kufumila.

uLuuka 10:7

Mutasaamaje-saamaje, inyumba ye vhavhaposheela mutendamaje munuumwo, mumwelaje nu kulya ishaakulya she vhakuuvhapa, mwe pe umuvhomvi akwanzilwa kuposheela amalipilo kufuma mu mbombo yaakwe.

uLuuka 12:42

UMwene ahamwamula ahati, “Pe ishi, wu naanu umwimiilizi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

Yohani 4:38

Ine návhasonteleziizye imwe kuvuna vwe mutávhwaye. Avhantu avhanji vhávhomvile imbombo yonti ingomu. Imwe mukulyaga ilonka kuzya mbombo yaavho.”

iMbombo izya Vhatumwa 11:30

Vhahavivhungaaniha nu kuuvhapa avha Balinaaba nu Saavhuli, vhoope vhahavitwala ku vhasongo avha shivhanza isha ku Yelusaleemu.

iMbombo izya Vhatumwa 20:35

Mu zyonti zye nkavhombaga, nkavhalolesyaga imwe kuuti, muvhombaje imbombo ku mute, mwe pe tukwanzilwa kuvhaavwa avhayeyevhazu. Tukumbuhaje amazwi ge uMwene uYeesu wuuyo áyanzile átili, ‘Vhuloote nkaani kufumwa kuluusya kuposheela.’”

iMbombo izya Vhatumwa 28:10

Avhantu avha paala vhahatushindiha nkaani. Lwe tukuyisengaanya kwepa ni meeli iyinji, vhahatupashiilila ivintu vwonti vwe twásovheliilwe.

VaLoma 12:8

We ali ni shikunjilwa isha kuvhasuvhaalizya avhanji, avhombaje vhwevhulo, woope umutesi ku vhantu, afumwaje ivintu ku mwoyo wonti. We ali ni shikunjilwa isha kuvhalongozya avhanji, avhombaje ku mute, woope we ali ni shikunjilwa isha kuvhafwila avhanji uvhwila, avhombaje vhwevhulo ku luseshelo.

VaLoma 15:27

Avhiitisi ivho vhaavhomvile izyo ku luseshelo, havhili nalyoli vhakudaayilwa kuvhaavwa avhapiina ivho. Yeenya, inga avhantu vhe te Vhayuuda vhali nu vhuliilani mu vhuloote uvhwa Mupepo uMufinjile, kutuushila ku Vhayuuda, pe vhoope vhakwanzilwa kuvhaavwa aVhayuuda ivintu vwavho vwe vhali navwo.

VaLoma 16:12

Mundamushile uTilifaayina nu Tilifoosa. Avhantanda ivho vhakuvhomba ku mute nkaani imbombo iya Mwene uYeesu. Havhili, mundamushile unkundwa waane uPeelesi. Uno woope mwantanda we ávhomvile ku mute nkaani imbombo iya Mwene uYeesu.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

1 VaKolinti 16:16

Niimwe muvhashindihaje avhantu inza ivho, na vhanji vhonti vhe vhakuyikungula kuvhomba imbombo ino.

1 VaKolinti 3:9

Yeenya, imbombo ye tukuvhomba ine nu Apoolo, ya Mulungu. Imwe muli ngati mwe mugunda uwa Mulungu, havhili muli ngati mwe nyumba yaakwe.

2 VaKolinti 6:1

Ishi, mwe pe tukuvhomba imbombo pooka nu Mulungu, tukuvhalambiilizya kuuti uvhwila uvhwa Mulungu vhwe muposheleeye, mutahaaleshe vhuteeje vhweleele.

VaGalati 6:6

Umuntu we akusambiilila izwi ilya Mulungu, amugavhilaje umusambiilizi waakwe ivintu ivwinza vimo vwe akulonka.

Filipi 2:16

Mugalemaje amazwi aga vhulanzi. Kuli izyo, pe niine ndiyitumvwa isiku liila lye uChilisiti aligaluha, mwe pe yililoleha kuuti, umute waane ni mbombo yaane vitáali vhweleele.

Filipi 2:29

Mumuposheele ngati wamwitu mwa Mwene ku luseshelo ulupiti. Mukwanzilwa kuvhashindiha avhantu vhe vhali inza uweene,

Filipi 4:3

Niiwe wamwitu, muvhomvi umutungamu, nkukulaavha kuuti, uvhaavwe avhamaayi ivho vhavhili. Nkulaavha vhwevhulo, mwe pe ivho tuhayimvilwaga pooka navho kuliyanjila Izwi iLyinza izya kulipoha. Twámile pooka nu Kelementi na vhavhomvi avhamwitu avhanji, vhe amazina gaavho gasimviilwe mwi ikalaata ilya vhulanzi.

1 Timoti 3:5

Inga umuntu akupootwa kuyimililila inyumba yaakwe, angashimililila vhuli ishivhanza isha Mulungu?

1 Timoti 4:10

Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.

1 Timoti 4:14

Utahaaleshe kushivhombela ishikunjilwa she uMulungu akupiiye, ku mazwi aga vhakuvhwi, ahavhaliilizyo he avhasongo vhákuvhishiiye inyoovhe zyavho.

1 Timoti 4:16

Uyenyaaje vwe ukulandila na mazwi ge ukusambiilizya. Inga ukuvhomba izyo, pe kwe uyiposhe nu kuvhapoha vhe vhakukutejeelezya.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

1 Timoti 5:19

Inga usongo uwa shivhanza akuyangwa ku nongwa zimo, utazyitihaje she vhashiili kuhomeshezya avhantu vhavhili, poosye vhatatu.

1 Timoti 5:3

Avhaziishe vhe vhatali na vha kuvhaavwa vhe uvhavwaje.

2 Timoti 2:6

Woope umulimi we akulima ku mute, akwanzilwa kuuti avhanje wa kwanda kutomola ivwa mu magunda.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.

VaHebuli 13:17

Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

VaHebuli 13:24

Muvhalamushe avhalongozi vhonti na vhafinjile vhonti vhe muli navho ukwo. Avhiitisi avha mu nsi iya Itaaliya vhakuvhalamuha.

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.