1 Timoti 5:10 - ULufingwi uLupwa

¹⁰ Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

Tesitamenti Umupwa 1965

¹⁰ wʼavantu vonti vakumuhomeshezya zye mbombʼinyinza, wengʼakuzizyʼavana, wenga navajeni avateteyʼahinza, wenga avozizye navafinjile muṿinama, wengʼavatuye ve vakuyimṿilwa, wengʼalandite imbombʼinyinza zyonti.

1 Timoti 5:10 ပူးပေါင်းရင်းမြစ်များ

Matayi 25:17

Woope we vhámupiiye italanta zivhili, ahasogola kuzitaanania, ahambulila izyamwavho zivhili.

Matayi 5:16

Vhwevhulo, vwe uvhuzelu vhwinyu vhukwanzilwa vhuvhahozezyaje avhantu, inga vhazilolaje imbombo zyinyu inyinza, pe vhamushindihaje uTaata wiitu uwa ku mwanya.”

uLuuka 7:38

Ahimiilila kwisinda kwa Yeesu, papiipi ni vinama vwakwe. Ahanda kukuuta, na mansozi gaakwe gahazwilaga pa vinama ivwa Yeesu. Pe ahavha akumusyumula ni nsisi zyakwe uku akumufipa mu vinama vwakwe, nu kuvipahazya amafuta igo ge gakununshila.

uLuuka 7:44

Pe uYeesu ahagalunkana aheenya kwa mwantanda ula, ahamuvhuuzya uSiimoni ahati, “Ukumulola umwantanda uno? Ninjiiye mu nyumba yaaho, utampiiye aminzi aga kugeeza mu vinama vwane. Ileelo uweene anoozya ivinama vwane na mansozi gaakwe, nu kunsyumula ni nsisi zyakwe.

iMbombo izya Vhatumwa 10:22

Vhahamwamula vhahati, “Umupiti wumo uwa vhasikaali we izina lyakwe wu Kolineeliyo, atusonteleziizye. Uweene muntu umugolosu, havhili we akumunyila uMulungu na Vhayuuda vhonti vhakumutiima. Ishi, uhavhizya umufinjile amulajiziizye kuuti akwite, usogole mu nyumba yaakwe, inga atejeelezye amazwi ge kwe umuvhuuzye.”

iMbombo izya Vhatumwa 22:12

“Mu nkaaya iyo mwámile umuntu wumo we izina lyakwe vhahatinji uAnaniya. Uweene ahamushindihaga uMulungu, havhili ázilemile nkaani indajizyo zyitu. AVhayuuda vhonti vhe vhahatendamaga umwo, vhahamuyanjilaga inyinza.

iMbombo izya Vhatumwa 6:3

Ishi vhamwitu, kuli imwe musevhe avhantu 7 vhe muhomesheziizye kuuti vhali nu lujendo ulwinza, havhili vhizuuye uMupepo uMufinjile nu kuvha nu vhushindamu uvhwa njeele nkaani. Ivho vhe tuvhavhiishe mu mbombo ino iya kugavhanya ivwakulya,

iMbombo izya Vhatumwa 9:36

Mu nkaaya iyamwavho ye vhahatinji iYaafa áliipo umwantanda wumo, umulandati uwa Yeesu, izina lyakwe vhahatinji uTaabita. (Mu njango iya Shiyunaani, wu Dolikaasi.) UDolikaasi ahavhavwaga avhapiina nu kuvhomba imbombo izinji inyinza.

iMbombo izya Vhatumwa 9:39

Pe uPeeteli ahasogola pooka navho. Lwe vhaafiha mu Yaafa, vhahamutwala mu shumba sheshiila she vhámuvhiisile uDolikaasi. Avhaziishe vhonti vhahamuvhungatila uku vhakukuuta amansozi. Vhahamusontela inkanzu, na menda aganji ge uDolikaasi ávhasoneeye lwe mupuuma.

VaLoma 12:13

Muvhavwaje avhafinjile ivintu vwe vhasovheliilwe, havhili muvhaposheelaje ahinza avhajeni mu nyumba zyinyu.

VaEfeso 2:10

Iswe swe vipelwa ivipwa ivwa Mulungu. Uweene atupezile vhupwa kwi idala ilya kusopenkana nu Chilisiti uYeesu, inga tuvhombe imbombo inyinza. Imbombo izyo uMulungu ázisengiinye kufuma hali, inga iswe tuzivhombaje.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

1 Timoti 2:10

Ileelo kuyiyemvwa kwavho kuvhanje ku lujendo ulwinza, inza vwe yikwanzilwa ku vhantanda vhe vhakupemula kuuti vhakumunyila uMulungu.

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

1 Timoti 3:7

Havhili, yikwanzilwa vhe te vhiitisi vhamuyanjilaje inyinza, inga atahakwinkwinwe nu kugwila mwi ilivha ilya Mukwalanzi.

1 Timoti 5:16

Inga umwantanda we amwitisile uChilisiti ali na vhaziishe mu nyumba yaakwe, uyo akwanzilwa kuvhaavwa, inga vhatashisuvhalilaje ishivhanza. Pe ishivhanza shivhavwaje avhaziishe vhe vhatali na vha kuvhaavwa.

1 Timoti 5:25

Vhwevhulo, imbombo inyinza zikuloleha apazelu, zyope zye zizyihiime ziliivha apazelu.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

2 Timoti 1:5

Nkukumbuha vwe umwitisile uMulungu ishisita ishifumbo, inza vwe unyinakulu waaho uLooyisi, nu maayi waaho uEwuniike vhoope vhamwitisile. Ishi indi nu vhwanalyoli kuuti vhwevhulo, vwe niiwe uli.

2 Timoti 2:21

Vhwevhulo, inga umuntu akuyizelufwa mu vhutalamalandu uvhwo vhwonti, kwe avhe shiliilo she uwa nyumba kwe ashivhombele mu mbombo izya mushinzi. Kwe avhe asavhuliilwe nu Mwene uYeesu, havhili kwe avhe nu vhwinza ku kwakwe uvhwa kuvhomba imbombo zyonti inyinza zye zikwanzilwa.

2 Timoti 3:15

Kufuma ku vhwana vhwaho, wámanyile ahinza uVhusimbe uVhufinjile vhwe vhuli na maha aga kuukupa uvhushindamu uvhwa njeele, inga ufishile kuvhwaga uvhuposhi kwi idala ilya kumwitiha uChilisiti uYeesu.

2 Timoti 3:17

Kuli izyo, umuntu uwa Mulungu akuvha mulunjisu, havhili akuvha ayisengiinye kuvhomba imbombo inyinza zyonti.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

uTiiti 3:1

Uvhakumbusyaje avhantu kuuti vhayisyaje ku vha maha na vhapiti avha nsi nu kuvhashindiha. Vhavhanje vhayisengiinye kuvhomba imbombo zyonti inyinza.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 10:24

Havhili tukwanzilwa tusajilanaje nu kugomanya amooyo nu kukundana nu kuvhombelana inyinza.

VaHebuli 13:2

Havhili mujendeelele kuvhaposheela avhajeni mu nyumba zyinyu, mwe pe kwi idala ilyo, vhamo vhávhaposheleeye avhahavhizya ishisita kumanya.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 4:9

Lwe mukuvuulana, mutetelanaje ishisita ulukwinkwino.

3 Yohani 1:12

Avhantu vhonti vhakuhomeshezya kuuti uDemetiiyo muntu mwinza, ni mbombo zyakwe ingolosu, zikuhomeshezya kuuti muntu wa nalyoli. Poosye niiswe, tukuhomeshezya kuuti muntu mugolosu, niiwe umanyile kuuti uvhwahoome vhwitu vhwa nalyoli.