1 Timoti 4:6 - ULufingwi uLupwa

⁶ Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

Tesitamenti Umupwa 1965

⁶ Ingʼukuvatevetezanya zinizi avamwitu pe we muvomṿi umwinza wa Chilisiti Yesu, shʼamazwi ga lwitiho naga nsambilizyʼinyinza zyʼuzilandite gakukuzizye.

1 Timoti 4:6 ပူးပေါင်းရင်းမြစ်များ

Matayi 13:52

Pe woope ahavhaamula ahati, “Umusambiilizi uwa ndajizyo izya Moose we musundikwa mu vhumwene uvhwa Mulungu, akuvha inza umuhaata nyumba we akufumwa ivintu ivipwa ni vikaali mu nkoma yaakwe.”

uLuuka 1:3

Ishi niine naalola kuuti hinza kukusimbila izi zyonti inza vwe zyálandatiine, mwe pe nkomesheziizye ahinza uvhwanalyoli uvhwa nongwa izya Yeesu kufuma ku vhwandilo.

iMbombo izya Vhatumwa 1:15

Isiku limo, avhantu 120 ishi vhe vhámwitisile uYeesu vhávhungiine pooka. Pe uPeeteli ahimiilila pahati yaavho,

iMbombo izya Vhatumwa 20:31

Pe ishi, muvhe minso! Mukumbushe kuuti, ntálisite kuvhasoha mwenti ku mansozi uvhusiku nu musanya ku havhaliilizyo aha maaha gatatu.

iMbombo izya Vhatumwa 20:35

Mu zyonti zye nkavhombaga, nkavhalolesyaga imwe kuuti, muvhombaje imbombo ku mute, mwe pe tukwanzilwa kuvhaavwa avhayeyevhazu. Tukumbuhaje amazwi ge uMwene uYeesu wuuyo áyanzile átili, ‘Vhuloote nkaani kufumwa kuluusya kuposheela.’”

VaLoma 15:15

Ileelo inongwa zimo mbasimbiiye ku vhudandamazu nkaani, inga mbakumbusye zyenezyo. Mbomvile vhwevhulo kulandatana nu vhwila vhwe uMulungu ampiiye,

1 VaKolinti 4:17

Ilyo lye limbiisile kumusonteelezya uTiimoti, umwana waane unkundwa, havhili umutungamu mu mbombo iya Mwene uYeesu. Uweene kwe avhakumbusye ulujendo lwane mwa Chilisiti, inza vwe nkusambiilizya mu vivhanza mwonti.

2 VaKolinti 11:23

Ishi injanje ngati mpenile! Inga avheene vhavhomvi vha Chilisiti, ine ne muvhomvi uwa Chilisiti kuluusya avheene. Ine mbomvile imbombo ku mute kuluusya avheene, ulwinji nkunziilwe mu jeela, havhili nkomwilwe nkaani, havhili ulwinji mpulumusile kufwa.

2 VaKolinti 3:6

Uweene we atupiiye amaha aga kuvha twe vhavhomvi avha lufingwi ulupwa, lwe lukufuma kwa Mupepo uMufinjile. Ulufingwi ulwo te ndajizyo zye zisimviilwe, mwe pe indajizyo zye zisimviilwe zikuleeta uvhufwe, ileelo uMupepo uMufinjile akuleeta uvhulanzi.

2 VaKolinti 6:4

Ileelo mu zyonti tukulolesya kuuti twe vhavhomvi avha Mulungu. Tukulolesya ilyo kwi idala ilya kujimbiilila nkaani mu mayimba na mu ntamwo na mu ngomu.

VaEfeso 6:21

Uwamwitu unkundwa uTikiiko, umuvhomvi umutungamu uwa Mwene uYeesu alivhavhuuzya inongwa zyane zyonti, inga niimwe mumanye vwe nkujendeelela na zye nkuvhomba ishi.

Filipi 2:20

Nkusuuvhila kumusonteelezya uweene, mwe pe ntali nu muntu uwamwavho inza uweene we angavhasaajila.

Filipi 2:22

Ileelo imwe muhomesheziizye kuuti uTiimoti akuvhomba ahinza, ávhomvile imbombo iya kulumbiilila Izwi iLyinza pooka niine inza umwana vwe akumwavwa uyise.

Filipi 3:16

Ileelo she shikwanzilwa, tujendeelele kulandata zyonti ziila zye tufishiiye.

Kolosi 2:19

Uyo ayefwizye kwa Chilisiti we akulongozya avhantu vhaakwe inza itwe vwe likulongozya umuvhili. Itwe lisopenkiine nu muvhili kutuushila impinga ni nkole. Kufuma kwi itwe kwe umuvhili wonti wukuposheela ishaakulya nu kukula inza vwe uMulungu akwanza.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

Kolosi 4:7

Uwamwitu unkundwa uTikiiko, umuvhomvi umutungamu we tukuvhomba pooka imbombo iya Mwene uYeesu, alivhavhuuzya inongwa zyane zyonti.

1 VaTesaloniki 3:2

Tuhamusonteelezya uTiimoti umujenzi wiitu, havhili umuvhomvi uwamwitu uwa Mulungu kuzya kulumbiilila Izwi iLyinza ilya Chilisiti. Tuhamusonteelezya kuuti ayinze, inga avhagomwe amooyo nu kuvhasuvhaalizya mu lwitiho lwinyu.

1 Timoti 1:10

Indajizyo izyo zya vhalugusu, na vhe vhakuvhomba uvhuvhembu avhanaavuli ku vhanaavuli, vhe vhakuvhakazya avhazya, avha ilenga na vhe vhakulapa izya ilenga. Havhili zya vhanji vhonti vhe vhakuvhomba lyonti lye likusugaana ni nsambiilizyo izya nalyoli.

1 Timoti 4:16

Uyenyaaje vwe ukulandila na mazwi ge ukusambiilizya. Inga ukuvhomba izyo, pe kwe uyiposhe nu kuvhapoha vhe vhakukutejeelezya.

1 Timoti 6:3

Kuli avhantu vhe vhakusambiilizya amazwi aga ilenga, ge gatakuvhalilana na mazwi aga vhulanzi aga Mwene wiitu uYeesu Chilisiti, ni nsambiilizyo zye zitakuvhaavwa avhantu kuvha nu lujendo ulwinza pilongolela ilya Mulungu.

2 Timoti 1:6

Kwi izwi ilyo nkukukumbusya kuuti usonshelezyaje ishikunjilwa isho she uMulungu ákupiiye, ahavhaliilizyo he nákuvhishiiye inyoovhe.

2 Timoti 3:10

Ileelo iwe, ulandasite insambiilizyo zyane nu lujendo lwane ni nsiivho zyane nu lwitiho lwane nu vhujimbiilizu vhwane.

2 Timoti 4:3

Yeenya, ahavhaliilizyo he hakwinza, avhantu te vhahitihaje kutejeelezya insambiilizyo izya nalyoli. Ileelo vhalisungwaga kulandata impapilo zyavho, mwe pe vhalivhavhungaaniha avhasambiilizi avhinji vhweleele, vhe vhalivhavhuzyaga amazwi aga kuvhahondezya lwe vhakutejeelezya.

uTiiti 2:1

Ileelo iwe Tiiti, uvhasambilizyaje avhantu kulandatana ni nsambiilizyo izya nalyoli.

1 Peteli 2:2

Inza avhaana avhacheeche vwe vhakusungwa kwonka, niimwe musungwaje nkaani kumwela izivha ilyinza lye lizwi lya Mulungu, inga mukule mu vhuposhi.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.

uYuuda 1:5

Ishi, pooka nu kuuti mumanyile, nkwanza imbakumbusye kuuti uMWENE uMulungu lwe avhapoha aVhaisilayeeli kufuma mu nsi iya Miisili, pisinda ahavhalovwa vhaala vhe vhatáali nu lwitiho.