1 Timoti 4:16 - ULufingwi uLupwa

¹⁶ Uyenyaaje vwe ukulandila na mazwi ge ukusambiilizya. Inga ukuvhomba izyo, pe kwe uyiposhe nu kuvhapoha vhe vhakukutejeelezya.

Tesitamenti Umupwa 1965

¹⁶ Uyenyajʼahinza wewe weka ninsambilizyo vovulo, mwʼuvanje muli zizyo, shʼingʼukuhonzya vovulo pʼukuyipoha wewe nave vakutejelezya vwelele.

1 Timoti 4:16 ပူးပေါင်းရင်းမြစ်များ

Maliko 13:9

“Muvhe minso, mwe pe vhalivhatwalaga kulongwa pa lukuvhato nu kuhomwa mu masinagoogi. Havhili vhalivhatwalaga ku vhamwene na ku vhantu avhanji vhe vhali na maha kuuti mulongwe, mwe pe imwe mwe vhasundikwa vhaane. Ileelo kuli imwe, iho he haliivha havhaliilizyo aha kufumwa uvhwahoome uvhwa lwitiho lwinyu ku kwavho.

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

iMbombo izya Vhatumwa 26:22

Ileelo, mwe pe uMulungu anavwizye kufishila isiku ilya ileelo ili, nimiliiye pilongolela ilya vhapiti na vhansi, kufumwa uvhwahoome. Gataliipo amazwi aganji ge nkuyanga, nkandi gegaala ge avhakuvhwi nu Moose vháyanzile, kuuti galifumila.

iMbombo izya Vhatumwa 6:4

niiswe tujendeelele kumulaavha uMulungu, nu kusambiilizya avhantu izwi lyakwe.”

VaLoma 11:14

Nkusuuvhila kuuti, pamo vhaala vhe tuli amavhanda gooka, kwe vhavhalolele umwone imwe ku ziila zye uMulungu akuvhavhombela, inga vhamo muli vhuuvho vhapokwe.

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

1 VaKolinti 9:22

Havhili lwe náali ku vhayeyevhazu mu lwitiho, náali inza umuyeyevhazu mu lwitiho, inga mbaaje vhamwitishe uChilisiti. Ku vhantu vhonti náyivhiisile kuvha ne wamwavho, inga ku madala gonti imbaposhe vhamo.

1 VaKolinti 9:27

Ileelo nkuwuyimvwa nu kuwuvheelezya umuvhili waane kujimbiilila, inga lwe navhakumusizya avhanji Izwi iLyinza, uMulungu atahinze ankaane.

VaEfeso 4:14

Pe te tuhaavhe inza avhaana, vhe vhali inza ivhooti lye amavhilingwa ni nkungu vikulipempenusya uku nuukwo. Kwe kuuti, avhasambiilizi avha ilenga te vhahatulunzaanye ku vhushevu ni ilenga lyavho.

Kolosi 4:17

Mumuvhuuzye uAlikiipo kuuti amale ahinza imbombo ye uMwene ámupiiye.

1 VaTesaloniki 2:16

mwe pe vhakutuhaana kuvhalumbiilila avhantu vhe te Vhayuuda Izwi iLyinza. Vhakwanza kuuti avhantu vhatahaapokwe. Shiniisho vwe vhakujendeelela kulunjisya uvhutalamalandu vhwonti vhwe vhakuvhomba amanda gonti. Ileelo ishi uvhuhalazu vhwa Mulungu vhwavhafishila!

1 Timoti 1:3

Nkwanza kuuti usyale kunuukwo mu nkaaya iya Hefeeso, inza vwe nákuhomeleziizye ahavhaliilizyo he násogooye ku shigavho isha nsi isha Makedooniya. Nátili uvhalajizye avhantu kuuti vhatasambilizyaje insambiilizyo izya ilenga.

1 Timoti 4:15

Uvhombaje izyo ku mute waaho wonti, shiima ulujendo lwaho luvhanje apazelu ku vhantu vhonti.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

2 Timoti 3:14

Ileelo iwe ugalemaje amazwi ge wásambiliiye nu kuhomeshezya kuuti ga nalyoli, mwe pe uvhamanyile vhe vhakusambiliziizye.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.

uTiiti 1:9

Havhili akwanzilwa kuuti avhanje muntu we akugalema amazwi aga nalyoli, inza vwe asambiliiye, inga avhagomwaje avhanji ku nsambiilizyo izya nalyoli nu kuvhapoota vhe vhakuzidindanjizya.

uTiiti 2:15

Amazwi iga ge uvhasambilizyaje avhantu. Uvhagomwaje amooyo nu kuvhasoha ku vhudandamazu. Utahiitishe kuuti pavhe umuntu wonti uwa kukusuufwa.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

Filemoni 1:19

Ine ne Paavhuli nkusimba izi neneene ni nyoovhe yaane, kuuti ine kwe nkulipe. Pooka niizyo, yitahondeeye kuuti nkukumbusye, iwe umanyile kuuti uli nu mulandu kuli ine uwa vhulanzi vhwaho.

VaHebuli 12:15

Muvhanje minso, atahaavhe umuntu inga wooka uwa kusovhelwa uvhwila uvhwa Mulungu. Atahaavhe umuntu we ali ngati lizi ihali. Umuntu inza uyo akutamwa nu kugahandamanya amooyo aga vhantu avhinji.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

Yakobu 5:20

Mumanye ahinza kuuti umuntu wonti we akumugalusya umutalamalandu kufuma kwi idala ilya vhunanjisu, akumupoha uvhulanzi vhwakwe kufuma mu vhufwe. Havhili akumuvhiiha umutalamalandu uyo kuuti aswilwe uvhutalamalandu vhwakwe uvhwinji.