1 Timoti 4:14 - ULufingwi uLupwa

¹⁴ Utahaaleshe kushivhombela ishikunjilwa she uMulungu akupiiye, ku mazwi aga vhakuvhwi, ahavhaliilizyo he avhasongo vhákuvhishiiye inyoovhe zyavho.

Tesitamenti Umupwa 1965

¹⁴ Ishikunjilwa sha vwila shʼuli nasho utashisufwaje, shisho shʼupelilwe muvukuvwi poka namukuvishilwʼinyove zya vasongo.

1 Timoti 4:14 ပူးပေါင်းရင်းမြစ်များ

iMbombo izya Vhatumwa 11:30

Vhahavivhungaaniha nu kuuvhapa avha Balinaaba nu Saavhuli, vhoope vhahavitwala ku vhasongo avha shivhanza isha ku Yelusaleemu.

iMbombo izya Vhatumwa 13:3

Lwe vhamupuuta uMulungu nu kuyiima kulya havhili, vhahavhavhiishila inyoovhe avha Balinaaba nu Saavhuli kuvhaloota, pe vhahavhaleha kuuti vhasogole.

iMbombo izya Vhatumwa 19:6

Pe uPaavhuli ahavhavhiishila inyoovhe kuvhaloota, uMupepo uMufinjile ahavhiishila, vhahanda kuyanga ku njango injeni nu kukuvhwa uvhukuvhwi.

iMbombo izya Vhatumwa 22:5

Umupuuti umupiti pooka na vhasongo avhamwavho vhonti avha mu lukuvhato lwinyu ulwa vhalongozi, vhangahomeshezya kuuti zye nkuvhavhuuzya zya nalyoli. Avheene vhámpiiye avhakalaata, inga mbatwalile aVhayuuda avhamwitu vhe vhakutendama mu nkaaya iya Damaasiki. Nkasogola ukwo, inga mbakunje avhantu vhe vhakumulandata uMwene uYeesu, nu kuvhaleeta ku Yelusaleemu, inga vhaavhape isunde.

iMbombo izya Vhatumwa 6:6

Vhahavhavhiiha pilongolela ilya vhatumwa. Pe avhatumwa ivho vhahavhapuutila, nu kuvhavhiishila inyoovhe pamwanya yaavho kuvhaloota.

iMbombo izya Vhatumwa 8:17

Pe avha Peeteli nu Yoohani vhahavhavhiishila inyoovhe izya shipuuto, vhoope vhahamuposheela uMupepo uMufinjile.

1 VaTesaloniki 5:19

Mutamudindaje uMupepo uMufinjile.

1 Timoti 1:18

Mwana waane Tiimoti, nkuukupa indajizyo izi zye zikufuma mu mazwi aga vhakuvhwi ge gáyanziilwe ku kwaho. Ugalandate amazwi igo gavhe shilwilo shaaho kulwa uvhulugu uvhwinza.

1 Timoti 4:15

Uvhombaje izyo ku mute waaho wonti, shiima ulujendo lwaho luvhanje apazelu ku vhantu vhonti.

1 Timoti 5:17

Avhasongo vhe vhakulongozya ishivhanza ahinza, yikwanzilwa kuuti vhashindikwaje nu kupeelwa amalipilo aminza ku mbombo zyavho. Zivhombehaje vhwevhulo, inkaani ku vhaala vhe vhakuyifumwa kuvhalumbiilila nu kuvhasambiilizya avhantu izwi ilya Mulungu.

1 Timoti 5:19

Inga usongo uwa shivhanza akuyangwa ku nongwa zimo, utazyitihaje she vhashiili kuhomeshezya avhantu vhavhili, poosye vhatatu.

1 Timoti 5:22

Utahalambanaje kumuvhiishila umuntu inyoovhe kuvha wu songo. Inga umuntu uyo ali nu lujendo uluvhiivhi, pe niiwe ukuvha pooka nawo mu vhutalamalandu vhwakwe. Utayinjizyaje mu vhutalamalandu, pe kwe uvhe we muzelu.

1 Timoti 6:12

Uyikungulaje nkaani ku vhulugu uvhwinza uvhwa kulwila ulwitiho lwitu, inga uhavhwaje uvhulanzi uvhwa shiima shiima. Uvhulanzi uvhwo vhwe uhiitilwa nu Mulungu, lwe wiitiha ulwitiho lwaho kwa Yeesu pilongolela ilya vhahoome avhinji.

2 Timoti 1:6

Kwi izwi ilyo nkukukumbusya kuuti usonshelezyaje ishikunjilwa isho she uMulungu ákupiiye, ahavhaliilizyo he nákuvhishiiye inyoovhe.