1 Timoti 4:12 - ULufingwi uLupwa

¹² Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

Tesitamenti Umupwa 1965

¹² Numo atakusufwaje uvunsi ndali, nkandi uyipelajʼukuva we wa kwenyelezya mumwʼavitisi mumazwi namulujendo namushikunzi namulwitiho namuvuzelu.

1 Timoti 4:12 ပူးပေါင်းရင်းမြစ်များ

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

1 VaKolinti 11:1

Mundandataje ine, inza vwe niine nkumulandata uChilisiti.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

1 VaTesaloniki 1:6

Pooka nu kuuti mwámile mu mayimba kuzya lwitiho lwinyu, ileelo mwáposheleeye Izwi ilyo ku luseshelo lwe lukufuma kwa Mupepo uMufinjile. Vwe mwávhomvile vhwevhulo, mwálandasite ishiholanyo shiitu ni shiholanyo isha Mwene uYeesu.

1 VaTesaloniki 2:10

Imwe mwe vhahoome nu Mulungu woope wu hoome, kuuti ulujendo lwitu kuli imwe mwe mumwitisile uMulungu lwámile lugolosu havhili lwa nalyoli ishisita ulukwinkwino.

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

2 Timoti 2:15

Uyifumwaje ku mute kuyilolesya kuuti we muvhomvi we uyitishiliilwe nu Mulungu. Usambilizyaje izwi ilya nalyoli vwe uMulungu akwanza, nu kuvha we muvhomvi we atakulola insoni.

2 Timoti 2:22

Uzishimbilaje impapilo imbiivhi izya vhujaaha. Ulandataje uvhugolosu nu lwitiho ni shikunzi nu vhutehamu. Umulaavhaje uMwene uYeesu pooka na vhaala vhe vhakumulaavha ku mwoyo umuzelu.

2 Timoti 2:7

Izyo zye nkukuvhuuzya, uzilemaje nkaani, mwe pe uMwene uYeesu kwe aakupe injeele izya kuzimanya zyonti.

uTiiti 2:15

Amazwi iga ge uvhasambilizyaje avhantu. Uvhagomwaje amooyo nu kuvhasoha ku vhudandamazu. Utahiitishe kuuti pavhe umuntu wonti uwa kukusuufwa.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.

Yakobu 3:13

Ishi kuli limwe, inga kuli umuntu we ali nu vhushindamu uvhwa njeele, avhulolesye vhwenevhwo ku lujendo lwakwe ulwinza. Havhili avhombaje imbombo ku vhutonsu vhwe vhukufumiilana nu vhushindamu uvhwa njeele.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Peteli 5:3

Mutavhakonzyaje avhiitisi vhe mukuvhalongozya ku maha, nkandi uvhulanzi vhwinyu vhuvhanje shiholanyo ishinza ku kwavho.