1 Timoti 4:10 - ULufingwi uLupwa

¹⁰ Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.

Tesitamenti Umupwa 1965

¹⁰ She zinizi zye tukuzivombela nukuyikungula fwe mwe muvulugu, she tukumusuvilʼuMulungu umulanzi uMuposhi wa vantu vonti, inkani wa vitisi.

1 Timoti 4:10 ပူးပေါင်းရင်းမြစ်များ

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Matayi 27:43

Uweene akumusuuvhila uMulungu, pe uMulungu amuposhe shiniishi inga amukunzite, mwe pe aayanzile aatili, ‘Ine ne Mwana wa Mulungu.’”

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 4:42

Vhahamuvhuuzya umwantanda uyo vhahati, “Ishi twamwitiha umuntu uno, te ku ziila zyeka zye utuvhuziizye, nkandi twamwitiha, mwe pe twivwa sweneeswe zye akuyanga. Havhili twamanya kuuti, nalyoli umuntu uno we Muposhi uwa nsi.”

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

2 VaKolinti 1:10

Uweene we átuposile mu vhufwe uvhwa kwogofwa nkaani, havhili kwe ajendeelele kutupoha. Iswe tukumusuuvhila uweene kuuti kwe avhombaje vhwevhulo ahavhaliilizyo honti,

1 Timoti 2:3

Izyo zye nyinza, havhili zye zikumuhondezya uMulungu uMuposhi wiitu.

1 Timoti 2:4

Uweene akwanza avhantu vhonti vhapokwe nu kuuti vhavhumanye uvhwanalyoli.

1 Timoti 2:6

Uweene áyifumwizye kuuti afwe kuvhatavhula avhantu vhonti. Uvhwo vhwe vhwahoome vhwe uMulungu ahomesheziizye ku havhaliilizyo he hahondeeye.

1 Timoti 3:15

Inga nahaavha, nkwanza kuuti umanye ahinza zyonti zye zikwanzilwa ku vhantu avha Mulungu. Ivho vhe shivhanza isha Mulungu uMulanzi, uweene we lupanda nu lwalo ulwa nalyoli.

1 Timoti 6:17

Uvhalajizye avhadumbwe mu nsi umu kuuti vhatayitumvwaje, nu kuuti vhatavhiihaje ulusuuvhilo lwavho mu vintu vwe vhali navwo, mwe pe ivwa mu nsi umu vikuvha vwavho ku havhaliilizyo hansi vhweleele. Uvhasohaje kuuti vhavhiihaje ulusuuvhilo lwavho kwa Mulungu, we akuutupa ivintu vwonti ku vhwinji, inga tuvhanje nu luseshelo.

VaHebuli 11:26

UMoose ávhwenyi kuuti kuyimvilwa kuzya Chilisiti lilonka nkaani kuluusya uvhwinza nu vhudumbwe uvhwa mu nsi iya Miisili. Ávhomvile vhwevhulo, mwe pe ahasuvhilaga ishipeelwa she uMulungu aliimupa insiku izya kwilongolela.

VaHebuli 13:13

Kuli izyo, niiswe tumulandate panzi iya shikwilo isho nu kujimbiilila kulola insoni inza uweene vwe ájimbiliiye.

1 Peteli 1:21

Kwi idala lyakwe mumwitishe uMulungu we ámuzyusiizye nu kuumupa uvhushindamu. Ye nongwa mukwitiha nu kumusuuvhila uMulungu.

1 Yohani 2:2

UYeesu we mpuutile iya kuvhoolwa, kwi idala ilyo, áyefwizye uvhutalamalandu vhwitu nu kutukundanya nu Mulungu. Havhili te kuuti áyefwizye vhwe vhutalamalandu vhwitu vhweka vhweleele, nkandi nu vhwa vhantu vhonti.

1 Yohani 4:14

Iswe tuvhwenyi nu kuvhahomeshezya avhanji kuuti uTaata uMulungu ámusonteleziizye uMwana waakwe mu nsi, kuuti avhe Muposhi wa vhantu.