1 Timoti 3:6 - ULufingwi uLupwa

⁶ Atahaavhe muntu we ayinjiiye shiniishi mu lwitiho, inga atahinze ayitumvwe nu kugwila mu vhutalamalandu. Pe alongwe inza vwe uMukwalanzi woope álonziilwe.

Tesitamenti Umupwa 1965

⁶ Pe pakuti atavanje muntu wʼayinjiye mulwitiho shinishi vwelele, ukuti uvwahayivale vutamupelelajʼahamṿuve he hakumugwilizya muvutupulwa vwa Setano.

1 Timoti 3:6 ပူးပေါင်းရင်းမြစ်များ

uLuuka 10:18

UYeesu ahavhavhuuzya ahati, “Namulolaga uSeetano akugwa ngati lumesyo ulwa mvula intalala kufuma ku mwanya.

1 VaKolinti 3:1

Vhamwitu, lwe náali kuli imwe ntahayangaga niimwe fwe nkuyanga na vhantu vhe vhakulongolwa nu Mupepo uMufinjile, nkandi fwe nkuyanga na vhantu vhe vhakulongolwa nu vhuntu uvhwa vhutalamalandu, havhili fwe nkuyanga na vhaana avhacheeche kumwitiha uChilisiti.

1 VaKolinti 8:1

Ishi, naakuyanjila inongwa ziila zye mwaambuziliziizye izya shaakulya she vhafumwizye ku viholanyo. Mukuyanga mukuti, “Iswe swenti tuli nu vhumanyi.” Ileelo uvhumanyi uvhwo, vhukuvhavhiiha avhantu kuuti vhayitumvwaje. Nkandi ishikunzi she shikuvhazenga avhantu mu lwitiho.

2 VaKolinti 12:7

Ileelo inga ntahayitumvwe nkaani kuzya kusukumizya inyinji zye uMwene uYeesu ándolesiizye, nápeliilwe amayimba mu muvhili waane ge gali inza ilyimvwa. Amayimba igo gáfumile kwa havhizya uwa Seetano, átumiilwe inga anjimvwe, inga ndeshe kuyitumvwa nkaani.

1 Timoti 3:7

Havhili, yikwanzilwa vhe te vhiitisi vhamuyanjilaje inyinza, inga atahakwinkwinwe nu kugwila mwi ilivha ilya Mukwalanzi.

1 Timoti 6:4

Avhantu ivho vhakuyitumvwa vhweleele, vhatazimanyile naazimo, vhakwanza kudalinkana shaaha ku mazwi aga kuyitumvwa. Uvhwo vhwe vhwandilo uvhwa vhantu kuvha nu mwone ni ivho ni ndigo nu kuvhasivhiilila havhiivhi avhamwavho

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

1 Peteli 2:2

Inza avhaana avhacheeche vwe vhakusungwa kwonka, niimwe musungwaje nkaani kumwela izivha ilyinza lye lizwi lya Mulungu, inga mukule mu vhuposhi.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”

2 Peteli 2:4

UMulungu atávhafwiliiye uvhwila, avhahavhizya vhe vhávhomvile uvhutalamalandu, ávhasumvile mu shiisi, mwe vhakunziilwe na manyoloolo. Mu shiisi umwo vhakuguliilila isiku ilya kulongwa.

uYuuda 1:6

Havhili mukumbushe kuuti, vhoope avhahavhizya vhaala vhakunziilwe na manyoloolo aga shiima mu shiisi, ku vhulonzi uvhwa isiku liila ipiti. Vhakunziilwe, mwe pe vháyisufwizye imbombo yaavho, vhahavhuleha uvhutendamo vhwavho.