1 Timoti 3:4 - ULufingwi uLupwa

⁴ Akwanzilwa ayimilililaje inyumba yaakwe ahinza, nu kuvhasambiilizya avhaana vhaakwe ulujendo ulwinza nu kuuti vhavhanje nu mushinzi.

Tesitamenti Umupwa 1965

⁴ avanje muntu wʼakwenyelezyʼahinza inyumba yakwe, wʼali navana ve vali nulusajilo muvunyilaMulungu vwonti.

1 Timoti 3:4 ပူးပေါင်းရင်းမြစ်များ

iMbombo izya Vhatumwa 10:2

Havhili áamile muntu umugolosu, uweene pooka na vhantu vhonti avha mu nyumba yaakwe vhahamunyilaga uMulungu. Ahamulaavhaga uMulungu amanda gonti nu kuvhaavwa nkaani avhapiina.

VaEfeso 5:24

Pe ishi, mwe vhantanda mukwanzilwa muvhashindihaje avhalume vhiinyu mu zyonti, inza vwe ishivhanza shikumushindiha uChilisiti.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

1 Timoti 3:12

Umutuuli wonti uwa shivhanza avhanje nu mushi wooka vhweleele. Havhili akwanzilwa avhimilililaje avhaana vhaakwe ahinza, pooka na vhanji vhonti avha mu nyumba yaakwe.

uTiiti 1:6

Usongo uwa shivhanza akwanzilwa kuuti avhanje muntu we atakukwinkwinwa naashimo. Havhili akwanzilwa avhe nu mushi wooka vhweleele. Avhaana vhaakwe vhakwanzilwa kuuti vhavhanje nu lwitiho, vhatalongwaje kuuti vhali ni ivho, poosye kuuti vhatali nu mushinzi.

uTiiti 2:2

Avhanaavuli avhagoosi, uvhasambilizyaje kuuti vhavhanje vhantu vhe vhakuyikonzya nu kushindikwa, havhili vhavhanje nu vhutimvu. Vhagomaje mu lwitiho, nu kuvha ni shikunzi nu vhujimbiilizu.

uTiiti 2:7

Niiwe weneewe uvhombaje ahinza mu zyonti, ufishile kuvha we shiholanyo ishinza kuli ivho. Ahavhaliilizyo he ukuvhasambiilizya avhantu, uvhasambilizyaje mu vhwanalyoli, ishisita isuufwo.