1 Timoti 3:3 - ULufingwi uLupwa

³ Atahaavhe wu shimwela, poosye kuvha wa ivho, nkandi avhe muntu we mutonsu. Havhili atahaavhe mupapizi uwa mpiiya.

Tesitamenti Umupwa 1965

³ Pakuti atavanje wushingwʼezi, nga wʼivo, avanje mutelefu, umusitakulwa, atavanje mupapilampiya,

1 Timoti 3:3 ပူးပေါင်းရင်းမြစ်များ

Matayi 21:13

UYeesu ahavhavhuuzya ahati, “Yisimviilwe mu Vhusimbe uVhufinjile kuuti, ‘INyumba yaane yiliivha Nyumba iya kupuutila.’ Ileelo imwe muyivhiisile kuvha lishembo ilya vhapumula vintu.”

iMbombo izya Vhatumwa 20:33

Ine ntányonyiilwe naalumo impiiya, poosye amenda aga muntu wonti.

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

VaEfeso 5:18

Havhili mutaholwaje, mwe pe uvhwashimwela vhukunanganya uvhulanzi uvhwa muntu. Ileelo mukwanzilwa mwizule uMupepo uwa Mulungu.

1 VaTesaloniki 5:14

Vhamwitu, tukuvhalambiilizya kuuti muvhasohaje avhahata nu kuvhagomwa vhe vhavunzisile amooyo. Havhili muvhagomwaje vhe vhatali na maha nu kuvhajimbiilila avhantu vhonti.

1 Timoti 3:8

Vhwevhulo, avhatuuli avha shivhanza vhakwanzilwa kuuti avhantu vhavhashindihaje. Vhatavhanje ni ilenga, havhili vhatavhanje vhe vhashimwela, poosye kuvha vhapapizi avha mpiiya.

2 Timoti 3:2

Avhantu vhaliyisajilaga vhuuvho vheeka nu kuzisungwa impiiya. Havhili vhaliyitiimaga nu kuyibaada nu kuligana. Te vhahavhashindihaje avhapaafi vhaavho, poosye kusalifwa, poosye kusaajila izya Mulungu.

uTiiti 1:11

mwe pe vhakuvhapuvwa avhantu mu nyumba inyinji, lwe vhakusambiilizya zye zitakwanzilwa. Vhakuvhomba izyo, inga vhazyaje impiiya!

uTiiti 1:7

Mwe pe umwimiilizi akuyimililila imbombo iya Mulungu, akwanzilwa kuuti avhanje muntu we atakukwinkwinwa naashimo. Atakwanzilwa kuuti avhanje muntu we akuyitumvwa, poosye we ali nu mulaha, poosye we wu shimwela, poosye we wa ivho. Havhili atakwanzilwa kuuti avhanje nu lupapilo ulwa mpiiya.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

uTiiti 3:2

Patahaavhe avhantu vhe vhakuligana, poosye avha ivho, nkandi vhajimbililaje nu kulolesya uvhutonsu ku vhantu vhonti.

VaHebuli 13:5

Mutavhanje nu lupapilo ulwa mpiiya, nkandi amooyo giinyu gitihaje kuuti vikwiliiye vwe muli navwo. Nkuvhavhuuzya vhwevhulo, mwe pe uMulungu áyanzile átili, “Te nkakuleshe, poosye kukuluvwa naalumo.”

Yakobu 4:1

Ivho na madali ge gali muli imwe vikufuma kwoshi? Vikufuma mu mpapilo zyinyu imbiivhi zye zikulwana muhati zyinyu!

1 Peteli 5:2

muyidiimaje ahinza impuga iya Mulungu ye yili kuli imwe. Mutavhombaje vhwevhulo fwe wumo akuvhavijiilizya, nkandi muvhombaje ku mwoyo uwa kuyifumwa mweneemwe, inza vwe uMulungu akwanza. Havhili mutavhombaje imbombo iyo kuzya kulonshela impiiya izya nsoni, nkandi ku mwoyo uwa luseshelo.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

uYuuda 1:11

Vhasheela! Mwe pe vhakulandata idala ilya Kaayini ilya vhutalamalandu, havhili kuzya vhulonsi vhakutala umulandu uwa Baalamu ishisita kuyidinda. Vhoope vhakusambuha inza uKoola, nu kulovha inza uweene.

Ishitushizya 1:9

Ine ne Yoohani, ne wamwinyu havhili ne indi pooka niimwe, kuzya kumulandata uYeesu Chilisiti mu mayimba na mu vhumwene na mu vhujimbiilizu. Nákunziilwe mu nsi inyuumu, ye vhakuti Paatimo ye yáamile pahati pa sumbi, kuzya mayimba. Amayimba igo gáfumiliine nu kulumbiilila izwi ilya Mulungu, nu kufumwa uvhwahoome uvhwa Yeesu Chilisiti.