1 Timoti 3:2 - ULufingwi uLupwa

² Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

Tesitamenti Umupwa 1965

² Uwenʼubishopo pe pakuti avanje muntu wʼatali nazyo nazimo izya kumuholela mumwo, we mulume wa mwantanda woka vwelele, wʼakuteshelʼiṿintu, umusilimusu, umusunde, umutesi kuvajeni, umuntu wʼamanyilʼukusambilizya.

1 Timoti 3:2 ပူးပေါင်းရင်းမြစ်များ

uLuuka 1:6

UZakaliya nu mushi vháamile vhagolosu pilongolela ilya Mulungu, vhahazilemaga ahinza indajizyo zyonti izya Mulungu ishisita ulukwinkwino.

uLuuka 2:36

Havhili áliipo umukuvhwi wumo umwantanda, we vhahatinji uAana, uweene áamile mugoosi. Áamile mwana wa Fanuweeli kufuma mu luho ulwa Aasheli. UAana átendiime nu mulume waakwe amaaha 7 kufuma pe vhímaliine.

VaLoma 12:13

Muvhavwaje avhafinjile ivintu vwe vhasovheliilwe, havhili muvhaposheelaje ahinza avhajeni mu nyumba zyinyu.

Filipi 2:15

Muvhe mwe vhaana avha Mulungu vhe vhalunjisile, havhili vhe vhazelufile. Mutahaavhe nu lukwinkwino, poosye uvhunanzi mu vhantu avha havhaliilizyo iha aha lukaani nu vhupuvi. Mu vhantu ivho, imwe mukuloleha inza uvhuzelu mu nsi.

1 Timoti 3:12

Umutuuli wonti uwa shivhanza avhanje nu mushi wooka vhweleele. Havhili akwanzilwa avhimilililaje avhaana vhaakwe ahinza, pooka na vhanji vhonti avha mu nyumba yaakwe.

1 Timoti 3:8

Vhwevhulo, avhatuuli avha shivhanza vhakwanzilwa kuuti avhantu vhavhashindihaje. Vhatavhanje ni ilenga, havhili vhatavhanje vhe vhashimwela, poosye kuvha vhapapizi avha mpiiya.

1 Timoti 4:3

Vhakuvhahaana avhanaavuli kuuti vhatimalaje, na vhantanda kuuti vhatimalwaje. Vhakuvhalajizya avhantu kuuti vhatalyanje ivwakulya vimo. Ileelo uMulungu ávipezile, inga avhantu vhe vhakumwitiha vhaviposheelaje nu kusalifwa, mwe pe avheene vhavhumanyile uvhwanalyoli.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

1 Timoti 5:22

Utahalambanaje kumuvhiishila umuntu inyoovhe kuvha wu songo. Inga umuntu uyo ali nu lujendo uluvhiivhi, pe niiwe ukuvha pooka nawo mu vhutalamalandu vhwakwe. Utayinjizyaje mu vhutalamalandu, pe kwe uvhe we muzelu.

1 Timoti 5:9

Umwantanda umuziishe we ahondeeye kusimbwa mwi ikalaata ilya vhaziishe we akwanzilwa kumwavwa. Avhanje afisiizye amaaha 60, havhili mwantanda we áali nu mulume wooka.

2 Timoti 2:24

Umuvhomvi uwa Mwene uYeesu atakwanzilwa kuvha muntu wa ivho, nkandi kuvha mutonsu ku vhantu vhonti. Havhili akwanzilwa amanye kusambiilizya izwi ilya Mulungu nu kuvha mujimbiilizu.

uTiiti 2:2

Avhanaavuli avhagoosi, uvhasambilizyaje kuuti vhavhanje vhantu vhe vhakuyikonzya nu kushindikwa, havhili vhavhanje nu vhutimvu. Vhagomaje mu lwitiho, nu kuvha ni shikunzi nu vhujimbiilizu.

VaHebuli 13:2

Havhili mujendeelele kuvhaposheela avhajeni mu nyumba zyinyu, mwe pe kwi idala ilyo, vhamo vhávhaposheleeye avhahavhizya ishisita kumanya.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

1 Peteli 4:9

Lwe mukuvuulana, mutetelanaje ishisita ulukwinkwino.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.