1 Timoti 3:11 - ULufingwi uLupwa

¹¹ Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

Tesitamenti Umupwa 1965

¹¹ Vope navashi vavo vovulo vavanje vatehamu, vatavanje vakwalanzi, vateshelʼiṿintu, vavanje vatungamu muli zyonti.

1 Timoti 3:11 ပူးပေါင်းရင်းမြစ်များ

Matayi 4:1

Pe uMupepo uMufinjile ahamulongola uYeesu kusogola mu luugwa, inga uMukwalanzi amulinje.

Yohani 6:70

Pe uYeesu ahavhavhuuzya ahati, “Návhasavhuuye imwe 12 kuuti muvhe mwe vhasundikwa vhaane, ileelo wooka pahati yiinyu akulongolwa nu Mukwalanzi.”

VaLoma 1:29

Vhahavha nu vhuvhiivhi uvhwa mavhiila mu mavhiila, vhahavha nu lupapilo nu mulaha. Havhili vhahiizula umwone nu vhugozi ni ivho. Vhahavha vhantu vhe vhakuhopenkanya. Vhali nu vhulumaluma ni isuufwo ni iyevho

1 Timoti 1:12

Nkumusalifwa uMwene wiitu uChilisiti uYeesu we ampiiye amaha, mwe pe ambwenyi kuuti ne mutungamu, nu kunsevha ku mbombo yaakwe.

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

1 Timoti 6:2

Inga avhamwene vhaavho vhiitisi, avhazya vhatavhasufwaje, mwe pe vhamwavho. Nalyoli vhakwanzilwa kuuti vhonjezyaje kuvhavhombela ahinza, mwe pe ivho vhe vhakulonka mu mbombo yaavho iya vhuzya, vhakuvha vhamwavho, havhili vhe vhankundwa vhaavho. Uvhasambilizyaje avhantu vhonti mu shivhanza amazwi igo nu kuvhasoha.

2 Timoti 3:3

Havhili vhaliivha vhantu vhe vhatakuvhakunda avha ku mwavho, poosye kwanza ulwivwano. Vhaliivha vhantu vhe vhakuvhalonjeelela avhamwavho izya ilenga nu kupootwa kuyikonzya. Vhaliivha vhahali, havhili te vhahasungwaje inyinza.

2 Timoti 4:5

Ileelo iwe uyikonzyaje mu zyonti. Ahavhaliilizyo aha mayimba, ujimbililaje. Uvhalumbililaje avhantu Izwi iLyinza nu kuvhomba zyonti izinji zye nyinza mu mbombo yaaho.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

uTiiti 3:2

Patahaavhe avhantu vhe vhakuligana, poosye avha ivho, nkandi vhajimbililaje nu kulolesya uvhutonsu ku vhantu vhonti.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.