1 Timoti 2:8 - ULufingwi uLupwa

⁸ Ishi, ponti pe muvhungiine kupuuta, nkwanza avhanaavuli vhavhusyaje inyoovhe zyavho zye zizelufile kumulaavha uMulungu ku mwoyo umwinza ishisita umulaha na madali.

Tesitamenti Umupwa 1965

⁸ Nkasime lelo ukuti munkaya zyonti avanaṿuli vaputaje lwe vakuvusyʼinyovʼimfinjile, avasitavuhalazu navasitamadali.

1 Timoti 2:8 ပူးပေါင်းရင်းမြစ်များ

Matayi 21:21

UYeesu ahavhaamula ahati, “Nalyoli nkuvhavhuuzya kuuti, inga muli nu lwitiho ishisita amaganigani, niimwe mulizivhomba inza zye zyavhombeha kwi ikwi ili. Te ziniizyo vhweleele, poosye inga mungalivhuuzya igamba ili kuuti, ‘Kumpuuha ipa, uyisumbe mwa sumbi muula,’ zyope zilivhombeha.

Matayi 5:44

Ileelo ine nkuvhavhuuzya kuuti, muvhakundaje avhalugu vhiinyu. Havhili, muvhalavhilaje uvhuloote kwa Mulungu vhonti vhe vhakuvhayimvwa.

Matayi 6:12

Utuswile uvhutalamalandu vhwitu, inza vwe niiswe tuvhaswiliiye vhe vhakutuvhombela uvhutalamalandu.

uLuuka 23:34

UYeesu ahati, “We Taata! Uvhaswile, mwe pe vhatazimanyile zye vhakuvhomba.” Avhasikaali vhaala vhahagavhana amenda aga Yeesu, kwi idala ilya kugahomela ulutambu.

uLuuka 24:50

Pisinda, uYeesu ahafuma navho mu nkaaya, ahasogola ku luvhazu kwe kwápalamiine nu lutala ulwa Besaniya. Lwe vhaafiha paala, ahavhuusya inyoovhe zyakwe kumwanya, ahavhaloota.

Yohani 4:21

UYeesu ahamwamula ahati, “We maayi, yitiiha zye nkuyanga kuuti zya nalyoli, ahavhaliilizyo hakwinza he te muhamupuutaje uTaata mwi igamba ili, poosye ku Nyumba iMfinjile iya ku Yelusaleemu.

iMbombo izya Vhatumwa 10:2

Havhili áamile muntu umugolosu, uweene pooka na vhantu vhonti avha mu nyumba yaakwe vhahamunyilaga uMulungu. Ahamulaavhaga uMulungu amanda gonti nu kuvhaavwa nkaani avhapiina.

iMbombo izya Vhatumwa 10:31

Ahambuuzya ahati, ‘We Kolineeliyo! UMulungu ayiivwa kulaavha kwaho nu kuzyitishila impuutile zyaho zye ukuvhaavwa avhapiina.

iMbombo izya Vhatumwa 10:4

UKolineeliyo ahamutontomela uhavhizya uyo kwi lyoga, ahamuvhuziilizya ahati, “We mwene, kuli shooni?” Uhavhizya ahamuvhuuzya ahati, “UMulungu ayiivwa kulaavha kwaho, havhili azyitiha impuutile zyaho zye ukuvhaavwa avhapiina. Zyonti izyo azimanyile, akuzikumbuha ku mwanya.

iMbombo izya Vhatumwa 21:5

Ileelo lwe ahavhaliilizyo iho haasila, tuheepa. Avhalandati ivho, pooka na vhashi vhaavho na vhaana vhaavho, vhahatusindishila kunzi ku nkaaya, vhahatufisya pa luvhazu pa sumbi. Ipo tuhasugamila tuhamulaavha uMulungu.

iMbombo izya Vhatumwa 7:60

Pe ahasugamila pansi, ahahoola kwi izwi ahati, “We Mwene, utahavhalonje ku vhutalamalandu uvhu vhwe vhavhomba.” Lwe ayanga izyo, ahafwa. Woope uSaavhuli ahalola hinza kumugoga.

1 VaKolinti 1:2

tukuvhalamuha imwe, mwe vha mu shivhanza isha Mulungu, she shili mu nkaaya iya Kolinto, imwe mwe uMulungu avhasavhuuye kuvha nu vhuliilani nu Chilisiti uYeesu. Mwisiitwe kuvha mwe vhafinjile pooka na vhantu vhonti avha mu mbazu zyonti vhe vhakumulaavha uYeesu Chilisiti, uweene we wu Mwene waavho havhili wiitu niiswe.

1 VaKolinti 7:7

Ine naasungwilwe kuuti, avhantu vhonti vhavhe inza ine, ileelo te vwe zili, mwe pe uMulungu avhapiiye avhantu vhonti ivikunjilwa vwavho, wumo ishikunjilwa ishi, uwamwavho shiila.

2 VaKolinti 2:14

Tukumusalifwa uMulungu, mwe pe mwa Chilisiti akutulongola ahavhaliilizyo honti kuvhapoota avhalugu. Havhili akutuvhiiha iswe kuuti tukumusyaje izwi ilya Chilisiti imbazu zyonti, inza umununsi umwinza vwe wukusaata kwonti.

Filipi 1:12

Mwe vhamwitu, nkwanza mumanye kuuti, amayimba gonti ge ganaazile gavwizye nkaani kukumusya Izwi iLyinza.

1 VaTesaloniki 1:8

Kufumiilana niimwe, avhantu vhivuuye izwi ilya Mwene uYeesu. Te ku vhantu avha ku Makedooniya na vha ku Akaaya vhweleele, ulwitiho lwinyu kwa Mulungu lumanyisile kwonti. Mwe pe izya lwitiho lwinyu zimanyisile kwonti, tutakuyitamwa kuyanga zyenezyo.

1 Timoti 5:14

Izyo zye zikumbiiha injanje kuuti avhaziishe vhe vhalindu vhanyatulwaje. Vhapaapaje avhaana nu kusunga inyumba zyavho, inga vhatahinze vhaamupe umulugu idala ilya kutusaamula.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

Yakobu 4:8

Mumupalamilaje uMulungu, woope kwe avhapalamilaje. Muleshe kuvhomba imbiivhi, imwe mwe vhatalamalandu! Havhili mugazelufwaje amooyo giinyu, imwe mwe vha nsiivho pavhili!

1 Peteli 3:7

Niimwe mwe vhanaavuli mwe mwimaaye, mukwanzilwa mutendamaje ku njeele na vhashi vhiinyu, mwe pe mumanyile kuuti vhatali na maha inza imwe. Havhili muvhasunjililaje ku mushinzi, mwe pe uMulungu akuuvhapa mwenti uvhulanzi uvhwa shiima. Muvhombaje vhwevhulo, inga impuuto zyinyu zitadindilwaje.