1 Timoti 2:7 - ULufingwi uLupwa

⁷ Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

Tesitamenti Umupwa 1965

⁷ Zye nane nimisilwe ukuti inzikumusyaje, ne mwapositili. Nkuyanga zya nalyoli, te zyʼilenga. Ne musambilizi wa vakunzi mulwitiho namuvwanalyoli.

1 Timoti 2:7 ပူးပေါင်းရင်းမြစ်များ

Yohani 7:35

Pe avhalongozi avha Vhayuuda vhahapanzanya vhahati, “Vhuli, umuntu uno akwanza kusogola kwoshi kwe akuti iswe tutangamwaga? Vhuli, akwanza kusogola ku Vhayuuda vhe vhasaasite mu nkaaya izya vhe te Vhayuuda kuvhasambiilizya?

iMbombo izya Vhatumwa 14:27

Lwe vhaafiha pa Antiyookiya, vhahavhavhungaaniha avhantu avha mu shivhanza. Vhahavhavhuuzya zyonti zye uMulungu ávhomvile kutuushila ku kwavho nu kuuti avhalolesiizye vhe te Vhayuuda, idala ilya kumwitiha uYeesu.

iMbombo izya Vhatumwa 22:21

UMwene ahanaamula ahati, ‘Sogoola! Kuuti nkusonteelezye ukutali, ku vhantu vhe te Vhayuuda.’”

iMbombo izya Vhatumwa 26:20

Nkanda kulumbiilila avhantu avha mu Damaasiki suuti, kuuti vhatonte imbiivhi zyavho, vhamulandate uMulungu nu kuvhomba zye zikulolesya kuuti vhapindusile mu mooyo gaavho. Pisinda, nkalumbiilila amazwi ganaago na ku vhantu avha mu Yelusaleemu na vha mu nsi yonti iya mu Yudeeya na ku vhantu vhe te Vhayuuda.

iMbombo izya Vhatumwa 9:15

Ileelo uMwene ahamuvhuuzya uAnaniya ahati, “Sogoola vhweleele! Umuntu uyo, musavhuuye kuuti avhe muvhomvi waane, akumusye izina lyane ku vhe te Vhayuuda na ku vhamwene, havhili na ku Vhayuuda vhweleele.

VaLoma 1:9

UMulungu we nkumuvhombela ku mwoyo waane wonti, lwe nkuvhalumbiilila avhantu avhanji Izwi iLyinza ilya Mwana waakwe, wu hoome waane. Amanyile vwe nkuvhalaavhila imwe ahavhaliilizyo honti ishisita kulita.

VaLoma 10:14

Ileelo ishi vhangamulaavha vhuli we vhatamwitisile? Havhili vhangamwitiha vhuli we vhativuuye izwi lyakwe? Havhili, vhangiivwa vhuli ishisita kukumusya?

VaLoma 11:13

Ishi nkuyanga niimwe mwe te mwe Vhayuuda. Mwe pe uMulungu ansavhuuye ine kuvha ne mutumwa wiinyu, ine nkuyimwamiha imbombo iyo ye uMulungu akuvhavhombela imwe kutuushila kuli ine.

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

VaLoma 9:1

Nkuyanga uvhwanalyoli, mwe pe nkumwitiha uChilisiti. Havhili umwoyo waane we wukulongolwa nu Mupepo uMufinjile, woope wukuhomeshezya kuuti nkuyanga uvhwanalyoli, ntakuluma ilenga.

1 VaKolinti 9:1

Vhuli, ine te ne musatushe? Havhili ine te ne mutumwa? Ine ntámuvhwenyi uMwene wiitu uYeesu? Havhili imbombo ye návhomvile te ye yivhavhiisile imwe kumwitiha uMwene?

2 VaKolinti 11:31

UMulungu, uTaata uwa Mwene uYeesu we akwanzilwa kushindikwa shiima, amanyile kuuti ntakuluma ilenga.

VaGalati 1:16

Ávhwenyi kuuti hinza andolesezye uMwana waakwe vwe ali, inga ndumbiilile izwi lyakwe ku vhantu vhe te Vhayuuda. Ahavhaliilizyo haala ntásogooye naluvhiilo kwa muntu wonti kumuvhuziilizya zye nkwanzilwa kuvhomba.

VaGalati 1:20

Nkulapa pilongolela ilya Mulungu, kuuti izi zye nkuvhasimbila, ntakuluma ilenga.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

VaGalati 2:9

Havhili uYaakobu nu Keefa nu Yoohani vhe vhakuloleha kuuti vhalongozi avhapiti, vhámanyile kuuti uMulungu ku vhwila vhwakwe, ámpiiye imbombo ino. Pe vhahatulema inyoovhe nu Balinaaba, kuvha shilolesyo isha vhuliilani. Twítinkiine kuuti iswe tukwanzilwa kuvhomba imbombo ku vhe te Vhayuuda, avheene ku Vhayuuda.

VaGalati 3:9

Pe vhaala vhe vhakumwitiha uMulungu vhakulootwa, inza uAabulahamu we ámwitisile.

2 Timoti 1:11

Kuzya Izwi iLyinza ilyo uMulungu aniisite ine kuuti mbe ne hakumusya, havhili ne mutumwa nu kuvha ne musambiilizi.

2 Peteli 2:5

Havhili ahavhaliilizyo aha Noowa uMulungu atávhafwiliiye uvhwila avhantu vhe vhatahamushindihaga, ávhalovwizye vhonti na mahavha aminji, ileelo ámuposile uNoowa pooka na vhantu avhanji 7. Lwe zyonti izyo zishiili kuvhombeha, uNoowa ahavhakumusizyaga avhantu kuuti vhavhombaje zye zikwanzilwa pilongolela ilya Mulungu.