1 Timoti 2:1 - ULufingwi uLupwa

¹ Ululajizyo lwane ulwa kwanda, nkuvhalajizya kuuti mumulaavhaje uMulungu, musalifwaje ku mpuuto na ku ndaavho zyonti ku vhantu vhonti.

Tesitamenti Umupwa 1965

¹ Ilelo nkuvayinzanya ukuti zitalihaje kuli zyonti izya kuvaputilʼavantu vonti imputo zya kulambilizya nizya kutiniha nizya kulava nizya kusalifwa,

1 Timoti 2:1 ပူးပေါင်းရင်းမြစ်များ

iMbombo izya Vhatumwa 17:30

Amanda aga hali, ge avhantu vhahavhombaga uvhupukupuuku uvhwo, uMulungu áyivhiisile fwe atahalolaga. Ileelo ishi akuvhalajizya avhantu vhonti kwonti kuuti vhapindushe.

VaLoma 1:8

Isuuti, nkumusalifwa uMulungu kutuushila kwa Yeesu Chilisiti ku zyinyu mwenti, mwe pe ulwitiho lwinyu lukumusile mu nsi zyonti.

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

1 VaKolinti 15:3

Ine návhasambiliziizye insambiilizyo imwamu zye náposheleeye, inza vwe yisimviilwe mu Vhusimbe uVhufinjile, kuuti uChilisiti áfuuye kuzya vhutalamalandu vhwitu.

2 VaKolinti 8:6

Ishi twaamulambiliziizye uTiiti kuuti ayinze avhaavwe kumala imbombo iyo iya vhwila, mwe pe we áyanzite imbombo iyo kuli imwe.

VaEfeso 3:13

Ishi nkulaavha mutahavunzishe amooyo kuzya mayimba ge nkuyimba ku zyinyu. Amayimba igo gakuvhaleetela uvhushindamu shiima shiima.

VaEfeso 5:20

Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Filipi 1:3

Nkumusalifwa uMulungu waane, amanda gonti ge nkuvhasamba.

Filipi 4:6

Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

1 VaTesaloniki 3:12

UMwene aavhape ishikunzi isha kukundana mweka nu kuvhakunda avhanji vhonti, inza iswe vwe tuvhakunzite imwe.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

1 Timoti 2:4

Uweene akwanza avhantu vhonti vhapokwe nu kuuti vhavhumanye uvhwanalyoli.

1 Timoti 5:5

Umuziishe wonti we atali na vha kumwavwa, uweene avhiisile ulusuuvhilo lwakwe kwa Mulungu weeka, akulaavha kuuti amwavwaje uvhusiku nu musanya.

2 Timoti 2:24

Umuvhomvi uwa Mwene uYeesu atakwanzilwa kuvha muntu wa ivho, nkandi kuvha mutonsu ku vhantu vhonti. Havhili akwanzilwa amanye kusambiilizya izwi ilya Mulungu nu kuvha mujimbiilizu.

uTiiti 2:11

Uvhasambilizyaje izyo, mwe pe uMulungu alolesiizye uvhwila uvhwa vhuposhi vhwakwe ku vhantu vhonti.

uTiiti 3:2

Patahaavhe avhantu vhe vhakuligana, poosye avha ivho, nkandi vhajimbililaje nu kulolesya uvhutonsu ku vhantu vhonti.

VaHebuli 6:11

Tukwanza nkaani kuuti mwenti mujendeelele kuvha nu mute kufishila kumpeleela, inga muposheele zyonti zye mukuzisuuvhila.

Yakobu 5:16

Kuli izyo, mupemulilanaje uvhutalamalandu vhwinyu nu kulavhilana, inga uMwene avhaponiaje. Kulaavha ukwa muntu umugolosu kuli na maha, havhili kukuvhomba imbombo.