1 Timoti 1:9 - ULufingwi uLupwa

⁹ Havhili tumanyile kuuti indajizyo zitavhisiilwe ku vhantu avhagolosu, nkandi ku vhapuvi vhe vhatakusaajila na ku vhe vhatakumushindiha uMulungu, na vhe vhakuvhomba uvhutalamalandu. Havhili zivhisiilwe ku vhe vhakuviitilwa imbombo iya Mulungu nu kusungwa imbombo izya mu nsi, na ku vhe vhakugoga avhayise na vhanyina, na vhagozi avhanji vhonti.

Tesitamenti Umupwa 1965

⁹ ingʼazimanyilʼinkomelezyo ukuti te zya mugolosu nkandi zya vasitankomelezyo navasitakusajila, zya vasitakunyilʼuMulungu avatalamalandu, zya vasitavufinjile navapopo, zya vagogavayise navagogavanyina, zya vagogavantu,

1 Timoti 1:9 ပူးပေါင်းရင်းမြစ်များ

Matayi 10:21

“Umunine alimwaniila uwamwavho, inga amugoje. Woope utaata alimwaniila umwana waakwe, inga amugoje. Vhoope avhaana vhalisambuha ku vhapaafi vhaavho nu kuvhagoga.

VaLoma 1:30

ni ndigo. Vhakumuviisya uMulungu, vhatakuvhasaajila avhamwavho, havhili vhantu vhe vhakuyitumvwa nu kuyitiima. Ahavhaliilizyo honti vhakulondola idala ipwa ilya kuvhomba imbiivhi. Vhatakuvhashindiha avhapaafi vhaavho,

VaLoma 4:13

UMulungu áfinzile nu Aabulahamu na vhantu avha mu luho lwakwe kuuti, aliivhapa insi yonti kuuti yivhe vhupwano vhwavho. UMulungu atáfinzile isho nu Aabulahamu, mwe pe ahazilandataga indajizyo, nkandi, mwe pe ámwitisile uMulungu. Pe uweene uMulungu ahamuvhaazya uAabulahamu kuuti mugolosu.

VaLoma 5:20

Indajizyo izya Moose zyínzile, inga amaha gonti aga vhutalamalandu galoleshe. Ileelo lwe amaha aga vhutalamalandu galoleha, vhwope uvhwila uvhwa Mulungu vhuhonjela kuvha na maha nkaani.

VaLoma 6:14

Yeenya, uvhutalamalandu vhutaliivha na maha kuli imwe, mwe pe indajizyo zitakuvhakonzya, nkandi uvhwila uvhwa Mulungu.

VaGalati 3:19

Ishi indajizyo zili ni mbombo vhuli? Zyónjeziilwe mu lufingwi lwe ahavhaliilizyo ahatali hatuuha, kulolesya kuuti avhantu vhali nu vhutalamalandu, kufishila lwe ayinza umuntu ula uwa mu mpaapo izya Aabulahamu, we uMulungu áfinzile. UMulungu ámupiiye indajizyo uMoose kutuushila ku vhahavhizya, nu Moose ahavha pahati kuvhakundanya avhantu nu Mulungu.

VaGalati 5:18

Ileelo inga mukulongolwa nu Mupepo, mutakuvha mwe vhazya avha ndajizyo.

VaGalati 5:21

nu mwone nu vhwashimwela nu vhupafu ni zinji zye zikuholana niizyo. Nkuvhavhuuzya havhili inza vwe návhavhuziizye kuuti, avhantu vhe vhakuvhomba izyo, te vhahinjile mu vhumwene uvhwa Mulungu.

VaGalati 5:23

nu vhutonsu nu kuyikonzya. Lutaliipo ululajizyo lwe lukuhaana izyo!

2 VaTesaloniki 2:8

Ipo pe uMusambusu uyo aliloleha, ileelo uMwene uYeesu lwe akwinza alimugoga nu mwuyu kufuma mwi ilomu lyakwe. Havhili alimulovwa ku vhuzelu uvhwa vhushindamu uvhwa kwinza kwakwe.

1 Timoti 4:7

Uvihaanaje ivwili ivwa vhasongo vwe vitali ni ilonka, nkandi uyiluvhizyaje weneewe kuvha nu lujendo ulwinza pilongolela ilya Mulungu.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

2 Timoti 2:16

Utantamaje ku mazwi aga kuyitumvwa ge gatakufuma kwa Mulungu, mwe pe gakuvhatwala avhantu ukutali nkaani nu Mulungu.

2 Timoti 3:2

Avhantu vhaliyisajilaga vhuuvho vheeka nu kuzisungwa impiiya. Havhili vhaliyitiimaga nu kuyibaada nu kuligana. Te vhahavhashindihaje avhapaafi vhaavho, poosye kusalifwa, poosye kusaajila izya Mulungu.

uTiiti 1:10

Nkuti avhanje vhwevhulo, mwe pe kuli avhinji vhe vhatakushindiha insambiilizyo izyo, inkaani avhiitisi vhamo vhe vhafumile mu Vhayuuda. Vhakuhomeelezya amaata gaavho na mazwi ge gatali ni ilonka nu kuhopenkanya. Ivho vhakwanzilwa vhahaanwe kusambiilizya,

uTiiti 1:16

Vhakupemula kuuti vhamumanyile uMulungu, ileelo vhakumuhaana mu lujendo lwavho. Vhakumuviisya, havhili vhasambusu, vhatahondeeye poosye na ku mbombo inyinza zyonti.

uTiiti 1:6

Usongo uwa shivhanza akwanzilwa kuuti avhanje muntu we atakukwinkwinwa naashimo. Havhili akwanzilwa avhe nu mushi wooka vhweleele. Avhaana vhaakwe vhakwanzilwa kuuti vhavhanje nu lwitiho, vhatalongwaje kuuti vhali ni ivho, poosye kuuti vhatali nu mushinzi.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

VaHebuli 11:31

Mwe pe uLaahabu we áamile wu malaaya ámwitisile uMulungu, áponile kumugoga inza avhanji vhe vháhaanile kumwitiha uMulungu. Uweene áponile kumugoga, mwe pe ávhaposheleeye ahinza avhahapenza aVhaisilayeeli.

VaHebuli 12:16

Muvhanje minso, inga atahaavhe umuntu we mulugusu, poosye we atakumushindiha uMulungu inza uEesavhu. Uweene ákaziizye uvhupwano vhwakwe uvhwa kuvha wu hatoote ku shaakulya isha kulya lwoka vhweleele.

1 Peteli 2:7

Ivhwe ilyo lya nsavho kuli imwe mwe mukwitiha, ileelo ku vhaala vhe vhatakwitiha, “Ivhwe lye avhazenzi vhálihaanile lye lyavha livhwe ipiti ilya pa shipembe isha nyumba.”

1 Peteli 3:20

Avhafwe ivho vhe hali lwe uNoowa ahagombaga imbogooso, vháhaanile kumushindiha uMulungu. UMulungu ájimbiliiye kuzya vhutalamalandu vhwavho kufishila ahavhaliilizyo he imbogooso yagombwa. Mu mbogooso umwo vhínjiiye avhantu vhansi vhweleele, vháamile 8. Ivho vhe uMulungu ávhaposile na minzi.

1 Peteli 4:18

Izyo zili inza vwe yisimviilwe mu Vhusimbe uVhufinjile kuuti, “Inga shigomu kwa mugolosu kupokwa, ziliivha vhuli kwa mutalamalandu we atakumunyila uMulungu?”

uYuuda 1:15

kuvhalonga avhantu vhonti, nu kuvhasunda vhonti vhe vhatakumushindiha uMulungu. Akuvhasunda kuzya mbombo zyavho zyonti izya vhupuvi na mazwi amagomu gonti ge avhatalamalandu ivho vhamuyanzile uweene.”

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.