1 Timoti 1:17 - ULufingwi uLupwa

¹⁷ UMulungu wu Mwene uwa shiima, ataliifwa naalumo. Ataliipo umuntu we angamulola uMulungu, havhili ataliipo uMulungu uwunji naawumo. Uweene weeka vhweleele we ahondeeye kuposheela umushinzi, havhili ashindikwaje shiima shiima! Amina.

Tesitamenti Umupwa 1965

¹⁷ UMwene nyene wʼalipo shima, umusitakufwa nalumo, umusitakuloleha muminso, uMulungu wʼali woka mwene, avanje nulushindiho nulutimo shimashima shisitakusila. Amen.

1 Timoti 1:17 ပူးပေါင်းရင်းမြစ်များ

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

Matayi 6:13

Utulongole inga tutahinjile mu ndingo, havhili utuposhe nu Muvhiivhi ula, mwe pe uvhumwene na maha nu vhushindamu vwaho shiima! Amina!’”

Yohani 1:18

Ataliipo umuntu we amuvhwenyi uMulungu lumo, nkandi we Mwana imozi, we woope wu Mulungu, havhili ali nu vhuliilani uvhwa papiipi nkaani nu Taata uMulungu. Uyo we amulolesiizye uMulungu kuli iswe.

Yohani 5:44

Mukusungwa kushindikwa na vhanji, ileelo mutali nu mute uwa kulondola umushinzi we wukufuma kwa Mulungu wuuyo. Pe munganiitiha ine inza vhuli?

VaLoma 1:20

Kufuma ku vhwandilo uvhwa nsi, uMulungu ápezile ivintu vwonti kwi idala lye pooka nu kuuti vhatakumulola, vhangamumanya vwe ali. Ivintu vwe ápezile vikulolesya kuuti uMulungu ali na maha aga shiima, havhili uweene wu Mulungu wuuyo weeka, ataliipo uwunji. Kuli izyo, avhantu vhatangayanga kuuti vhatamumanyile.

VaLoma 1:23

Vhahaleha kumupuuta uMulungu uwa shiima, vhahavha vhakuvipuuta iviholanyo vwe viholiine na vhantu ni nyunyi ni nkanu na vwe vikukwesuha pansi, ivwo vwonti vwe vikufwa.

VaLoma 11:36

Ivintu vwonti vifumile ku kwakwe wuuyo. Havhili ku maha gaakwe vikujendeelela kuvha, vwonti viliipo, inga vilolesye uvhushindamu vhwakwe. UMulungu ashindikwaje shiima! Amina.

VaLoma 16:27

UMulungu weeka we ali nu vhushindamu uvhwa njeele vhwonti, ashindikwaje shiima kuzya Yeesu Chilisiti! Amina.

VaLoma 2:10

Ileelo vhonti vhe vhakuvhomba inyinza, uMulungu aliivhapa uvhushindamu nu mushinzi nu vhutehamu, kwandila ku Vhayuuda kufishila ku vhantu vhe te Vhayuuda.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

Kolosi 1:15

Mwa Mwana, uMulungu akuloleha apazelu vwe ali, pooka nu kuuti tutangamulola uMulungu wuuyo. UMwana ali na maha ku vipelwa vwonti.

VaHebuli 11:27

Mwe pe uMoose ámwitisile uMulungu, áyeefile mu nsi iya Miisili ishisita kwogopa uvhuhalazu uvhwa mwene uwa mu nsi iyo. Uweene ájimbiliiye, mwe pe áamile ngati amuvhwenyi uMulungu we atakuloleha na minso.

VaHebuli 2:7

Wámuvhiisile umuntu kuvha munsi kuluusya avhahavhizya ku havhaliilizyo hansi. Ileelo ishi umupiiye uvhushindamu nu mushinzi,

1 Peteli 5:11

Amaha gavhe nu weene shiima. Amina!

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

1 Yohani 4:12

Ataliipo umuntu wonti we amuvhwenyi uMulungu lumo. Ileelo inga tukukundana, uMulungu akulandila ku vhuliilani niiswe, havhili ishikunzi shaakwe shikulunjiha muli iswe.

uYuuda 1:25

Uweene wu Mulungu weeka, havhili Muposhi wiitu, kwi idala ilya Mwene wiitu uYeesu Chilisiti. Uvhushindamu nu vhupiti na maha amasisya na maha, vili nu weene kufuma hali, ishi, havhili poosye shiima. Amina.

Ishitushizya 15:3

Vhahimbaga ulwimbo ulwa Moose, umuvhomvi uwa Mulungu nu lwimbo ulwa Hagonzi aha MWENE uMulungu, vhahatinji, “MWENE Mulungu uwa Maha Gonti, imbombo zyaho mpiti, havhili zya kusukumizya nkaani! Iwe Mwene wa nsi zyonti, amadala gaaho ga muumwo, havhili ga nalyoli!

Ishitushizya 17:14

Vhaliilwa uvhulugu na Hagonzi aha MWENE uMulungu, ileelo aHagonzi aha MWENE uMulungu halivhapoota, mwe pe aheene he Hapiti aha vhapiti havhili he Hamwene aha vhamwene. Aheene haliivha na vhantu vhaakwe vhe hahavhiita nu kuvhasaavhula nu kuvhavhiiha kuvha vhalandati vhaakwe avhatungamu.”

Ishitushizya 19:1

Lwe zyatuuha izyo nkiivwa amazwi ngati mazwi aga ivhungaana ipiti ilya vhantu ku mwanya gakuti, “Haleluuya! Uvhuposhi nu vhushindamu na maha vikufuma kwa Mulungu wiitu.

Ishitushizya 19:16

Pa mwenda waakwe na pa shizima shaakwe asimviilwe izina ilya kuuti, “umupiti wa vhapiti nu mwene wa vhamwene.”

Ishitushizya 19:6

Pe nkiivwa izwi ngati lizwi lya ivhungaana ipiti ilya vhantu, havhili ngati lya minzi aminji ge gakwiha ku maha, havhili ngati lya kujilima ukupiti lihati, “Haleluuya! Mwe pe uMWENE wiitu uMulungu uwa Maha Gonti akonzya!

Ishitushizya 7:12

vhahati, “Amina! Intiimo nu vhushindamu nu vhushindamu uvhwa njeele, havhili insalifwo nu mushinzi na maha amasisya na maha, vili nu Mulungu wiitu shiima shiima. Amina!”