1 Timoti 1:16 - ULufingwi uLupwa

¹⁶ Ileelo uMulungu ámfwiliiye uvhwila, inga uYeesu Chilisiti avhalolesye uvhujimbiilizu vhwakwe vhwonti ku kwane, kuuti mbe ne shiholanyo ku vhaala vhonti vhe vhalimwitiha, inga vhahavhwaje uvhulanzi uvhwa shiima.

Tesitamenti Umupwa 1965

¹⁶ Zye zizyo ahampepelezya ukuti mulʼine ne wa kwanda uYesu Chilisiti alolesyʼulupepelezyo lwakwe lwonti, imbe ne shimanyilo kuli ve valimwitiha pisinda ukuti tuvwagaje uvulanzi vwa shimashima.

1 Timoti 1:16 ပူးပေါင်းရင်းမြစ်များ

uLuuka 15:10

“Nkuvhavhuuzya kuuti, vhwevhulo vwe uMulungu akuseshela pilongolela ilya vhahavhizya vhaakwe, lwe umutalamalandu wooka akutonta uvhutalamalandu vhwakwe.”

uLuuka 23:43

UYeesu ahamwamula ahati, “Nalyoli nkukuvhuuzya kuuti, ileelo ili, kuuti uvhe pooka niine ku Paladiiso.”

uLuuka 7:47

Kuli izyo, nalyoli nkukuvhuuzya kuuti, aswililiilwe uvhutalamalandu vhwakwe uvhwinji, pe akulolesya ishikunzi shaakwe ishipiti. Ileelo wonti we akuswilwa hansi, akuvha ni shikunzi ishinsi.”

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

Yohani 5:24

“Nalyoli nkuvhavhuuzya kuuti, avhantu vhonti vhe vhakwivwa amazwi gaane nu kumwitiha uMulungu we ansonteleziizye ine, vhali nu vhulanzi uvhwa shiima. Te vhahalongwe ku vhutalamalandu vhwavho. Avheene vhatuusile kufuma mu vhufwe nu kwinjila mu vhulanzi uvhwa shiima.

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 6:40

Kwe kuuti ulukasamo ulwa Taata waane lwa kuuti umuntu wonti we amanyile kuuti ine ne Mwana wa Mulungu nu kuniitiha, avhe nu vhulanzi uvhwa shiima. Niine ndimuzyusya isiku ilya vhusililishilo.”

Yohani 6:54

Umuntu wonti we akulya umuvhili waane nu kumwela amavhanda gaane ali nu vhulanzi uvhwa shiima, niine ndimuzyusya isiku ilya vhusililishilo.

iMbombo izya Vhatumwa 13:39

Wonti we akumwitiha uweene, akuvhaazilwa kuuti mugolosu, inongwa zye zitangavhombeha kutuushila kuzilandata indajizyo izya Moose.

VaLoma 15:4

Zyonti zye zyásimviilwe hali, zyásimviilwe kuvha nsambiilizyo zyitu. UVhusimbe uvhwo vhukutwavwa kujimbiilila nu kutusuvhaalizya, lwe tukuguliilila kuuti zilunjishe zye uMulungu áfinzile.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

1 VaKolinti 7:25

Ishi, avhalindu vhe vhatimaliilwe, ntali nu lulajizyo kufuma kwa Mwene uYeesu. Ileelo nkuvhapanzya ku nsiivho zyane ine ne uMulungu ambiisile kuvha ne mutungamu kwi idala ilya vhwila uvhwa Mwene uYeesu.

2 VaKolinti 4:1

Ishi, mwe pe uMulungu ku vhwila vhwakwe atupiiye imbombo ino, tutakuvunziha umwoyo.

VaEfeso 1:12

Ávhomvile vhwevhulo, inga ku zyitu iswe swe vhatanzi kumusuuvhila uChilisiti, uMulungu ashindikwaje ku vhushindamu vhwakwe.

VaEfeso 1:6

inga swenti tumutiime uMulungu ku vhwila vhwakwe uvhwa kusukumizya. Uvhwila uvhwo átufwiliiye kutuushila kwa Mwana waakwe unkundwa.

VaEfeso 2:7

UMulungu ávhomvile inongwa zyonti izyo, inga ahavhaliilizyo he hakwinza alolesye kwonti uvhwila vhwakwe uvhupiti kuli iswe, havhili vhwe vhukusukumizya. Akuvhulolesya uvhwila uvhwo ku vhwinza vhwakwe vhwe akutulolesya kutuushila kwa Chilisiti uYeesu.

2 VaTesaloniki 1:10

Isunde ilyo liliivha isiku liila lye uMwene uYeesu aliyinza, kuposheela uvhushindamu kufuma ku vhafinjile vhaakwe, kwe kuuti aliposheela umushinzi kufuma ku vhonti vhe vhamwitisile. Niimwe vhuulo muliivha pooka navho, mwe pe muvhwitisile uvhwahoome vhuula vhwe twávhaleteeye.

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

1 Peteli 3:20

Avhafwe ivho vhe hali lwe uNoowa ahagombaga imbogooso, vháhaanile kumushindiha uMulungu. UMulungu ájimbiliiye kuzya vhutalamalandu vhwavho kufishila ahavhaliilizyo he imbogooso yagombwa. Mu mbogooso umwo vhínjiiye avhantu vhansi vhweleele, vháamile 8. Ivho vhe uMulungu ávhaposile na minzi.

2 Peteli 3:15

Mukumbushe kuuti uMwene akuvhajimbiilila, inga muhavhwaje uvhuposhi. Vhwevhulo, vwe uwamwitu uPaavhuli unkundwa ávhasimbiiye ukalaata ku vhushindamu uvhwa njeele inza vwe uMulungu ámupiiye.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.