1 Timoti 1:15 - ULufingwi uLupwa

¹⁵ Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

Tesitamenti Umupwa 1965

¹⁵ Litungamu izwi linili, lihondeye ukuposhelwa, lye likuti uChilisiti Yesu ayinzile munsʼumu ukupohʼavatalamalandu, ve njipezilʼukuva ne ululusyi wavo vonti.

1 Timoti 1:15 ပူးပေါင်းရင်းမြစ်များ

Matayi 1:21

Kwe apaape umwana umwanaavuli, niiwe kwe umwite izina ilya Yeesu, mwe pe umwana uyo alivhapoha avhantu vhaakwe mu vhutalamalandu vhwavho.”

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Matayi 18:11

Yeenya, ne Mwana wa Aadamu ninzile mu nsi kuvhapoha vhe vhateezile.

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Matayi 9:13

Ishi sogooli musambiilile amazwi ge gakuti, ‘Nkwanza uvhwila kuluusya kufumwa impuutile.’ Nkuvhavhuuzya vhwevhulo, mwe pe ntinzile kuvhiita avhantu avhagolosu, nkandi kuvhiita avhatalamalandu, inga vhapindushe.”

Maliko 2:17

Lwe uYeesu ayiivwa amazwi igo, ahavhaamula ahati, “Avhapuuma vhatakumwanza umuganga, nkandi vhe vhavhinile vhe vhakumwanza. Ine ntinzile kuvhiita avhagolosu, nkandi kuvhiita avhatalamalandu, inga vhapindushe.”

uLuuka 15:2

Pe aVhafalisaayi na vhasambiilizi avha ndajizyo vhahanda kukwinkwina kuuti, “Yeenya umuntu uno! Akuvhaposheela avhatalamalandu nu kulya pooka navho.”

uLuuka 19:10

Mukumbushe kuuti, ne Mwana wa Aadamu ninzile kulondola nu kuvhapoha avhantu vhe vhateezile.”

uLuuka 5:32

Ine ntinzile kuvhiita avhantu avhagolosu, nkandi kuvhiita avhatalamalandu, inga vhapindushe.”

Yohani 1:12

Ileelo vhaala vhe vhámuposheleeye nu kumwitiha, ávhavhiisile kuvha vhaana vha Mulungu.

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 12:47

Umuntu we akugiivwa amazwi gaane, ileelo atakugalema, te nkamulonje, mwe pe ntínzile kuvhalonga avhantu, nkandi nínzile kuvhapoha.

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

iMbombo izya Vhatumwa 11:1

Avhatumwa avha Yeesu na vhamwavho avhanji vhe vhahatendamaga mu Yudeeya, vhahiivwa kuuti, vhe te Vhayuuda vhoope vhitisile izwi ilya Mulungu.

iMbombo izya Vhatumwa 11:18

AVhayuuda vhe vhámwitisile uYeesu lwe vhiivwa izyo, vhahaleha kudalisya. Vhahamutiima uMulungu vhahati, “Fwandi uMulungu avhapiiye vhoope avhantu vhe te Vhayuuda idala lye vhangatonta imbiivhi zyavho, inga vhavhwaje uvhulanzi uvhwa shiima!”

iMbombo izya Vhatumwa 3:26

Pe lwe uMulungu amusevha umuvhomvi waakwe uYeesu, ahamusonteelezya kuli imwe suuti, inga avhaloote kwi idala ilya kuvheefwa mu mbiivhi zyinyu.”

VaLoma 11:14

Nkusuuvhila kuuti, pamo vhaala vhe tuli amavhanda gooka, kwe vhavhalolele umwone imwe ku ziila zye uMulungu akuvhavhombela, inga vhamo muli vhuuvho vhapokwe.

VaLoma 5:6

Yeenya, lwe twápezile tuli she swe vhayeyevhazu, lwe ahavhaliilizyo haafiha uChilisiti ahinza, ahatufwila iswe twe tutáali swe vhagolosu.

1 VaKolinti 15:9

Ine ne munsi mu vhatumwa, ntahondeeye poosye nu kwitwa kuuti ne mutumwa, mwe pe náshiyimvwizye ishivhanza isha Mulungu.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.

1 Timoti 1:19

Ululemaje ulwitiho lwaho, nu kuvha nu mwoyo umwinza. Izyo, vhamo vhatázisajiiye, pe zihaazya ulwitiho lwavho kuuti lunanjishe lwonti.

1 Timoti 3:1

Kuli izwi ilya nalyoli lye likuti, “Inga umuntu akunyonywa imbombo iya kuvha mwimiilizi uwa shivhanza, akunyonywa imbombo inyinza.”

1 Timoti 4:9

Ili lizwi lya nalyoli lye tukwanzilwa tulyitihaje ku mwoyo wonti.

1 Timoti 6:13

Nkukulajizya pilongolela ilya Mulungu we akuuvipa vwonti uvhulanzi, na pilongolela ilya Chilisiti uYeesu, we áfumwizye uvhwahoome uvhwa nalyoli pilongolela ilya Pontiyo uPilaato ishisita ilyoga kuuti,

2 Timoti 2:11

Kuli izwi ilya nalyoli lye likuti, “Inga twafwa pooka nu Chilisiti, tulitendama pooka nawo.

uTiiti 3:8

Ilyo lizwi lya nalyoli. Nkwanza kuuti uhomelezyaje ku vhe vhakumwitiha uMulungu, kuuti vhayifumwaje nkaani kuvhomba imbombo inyinza, mwe pe amazwi igo minza, havhili gakuvhaavwa avhantu vhonti.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

1 Yohani 5:11

Uvhwahoome uvhwo vhwe vhuno: UMulungu atupiiye uvhulanzi uvhwa shiima shiima, uvhulanzi uvhwo tukuvhwaga kwa Mwana waakwe.

Ishitushizya 21:5

Pe uMulungu, uweene we átendiime pa shitengo isha vhumwene ahati, “Yeenya, naakuzivhomba zyonti kuvha impwa.” Havhili ahati, “Simba inongwa izi, mwe pe amazwi iga ga kwitishilwa havhili ga nalyoli!”

Ishitushizya 22:6

Uhavhizya ahambuuzya ahati, “Amazwi iga ga nalyoli havhili ga kwitishilwa. UMWENE uMulungu we akuuvhapa avhakuvhwi uMupepo waakwe uMufinjile, amusonteleziizye uhavhizya waakwe avhalolesye avhavhomvi vhaakwe zye kuuti zivhombeshe ishisita kuhaavha.”

Ishitushizya 5:9

Vhahimba ulwimbo ulujeni vhahati, “Uhondeeye iwe kulinyatula ikalaata ilyo nu kuvunza ivilemezanyo vwakwe. Mwe pe wávholiilwe, na ku mavhanda gaaho uhamukalila uMulungu, avhantu kufuma mu nkolo zyonti na mu njango zyonti, havhili kufuma mu mpuga zyonti na mu nsi zyonti.