1 Peteli 5:8 - ULufingwi uLupwa

⁸ Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

Tesitamenti Umupwa 1965

⁸ Muteshelʼiṿintu, musilimushe, shʼumululusi winyu uMukwalanzi akuzyungula mwonti mwonti fwe nsama ye yikuvuluma. Akwanzʼuwa kumumila.

1 Peteli 5:8 ပူးပေါင်းရင်းမြစ်များ

Matayi 13:39

Umulugu we ávhwaye indezye, wu mukwalanzi. Kuvuna, lisiku ilya kumpeleela ilya vhulonzi uvhwa nsi. Vhe vhakuvuna vhe vhahavhizya.

Matayi 24:42

Pe ishi, muvhanje minso, mwe pe mutamanyile isiku lye ne Mwene wiinyu ndiyinza.

Matayi 25:41

“Pe vhoope vhe vhali ku luvhazu lwane ulwa kumongo ndivhavhuuzya ndiiti, ‘Yeepi ipa imwe mwe mutifiilwe! Mwinjile mu mwoto uwa shiima we uMulungu ámusenganiziinye uMukwalanzi na vhahavhizya vhaakwe.

Matayi 4:1

Pe uMupepo uMufinjile ahamulongola uYeesu kusogola mu luugwa, inga uMukwalanzi amulinje.

Matayi 4:11

Pe uMukwalanzi ahamuleha uYeesu pepaala, naluvhiilo avhahavhizya avha Mulungu vhahinza kumuvhombela.

Maliko 4:15

Imbeyu zye zyágwiliiye pa luvhazu pi idala, lizwi lye avhantu vhakulyivwa, ileelo naluvhiilo uSeetano akwefwa izwi ilyo kufuma mu mooyo gaavho.

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

uLuuka 21:36

Ishi, muvhanje minso ahavhaliilizyo honti, mumulaavhaje uMulungu, inga avhapanje amaha aga kupoota mu zyonti zye zilifumila, inga muhimiilile ku luseshelo pilongolela lyane ine ne Mwana wa Aadamu.”

uLuuka 22:31

UYeesu ahati, “Siimoni, Siimoni! Umanye ahinza kuuti uSeetano amulaavile uMulungu nu kwitishilwa kuvhalinga imwe, inza uhavuna uwa ngana vwe akupementa ingana yaakwe.

Yohani 8:44

Imwe utaata wiinyu wu Mukwalanzi. Havhili mukwanza kuvhomba zye utaata wiinyu uyo akwanza. USeetano mugozi kufuma hali, havhili atakwanza kuvhulandata uvhwanalyoli, mwe pe uvhwanalyoli vhutali mu mwoyo waakwe. Uweene kuluma ilenga, we mwata waakwe, mwe pe uweene ali ni ilenga, havhili wu taata uwa vhe vhakuluma ilenga vhonti.

2 VaKolinti 2:11

Mbomvile vhwevhulo, inga uSeetano atahinze atupoote, mwe pe tumumanyile uvhushevu vhwakwe.

VaEfeso 4:27

Mutahasheele muumupe uMukwalanzi uvhuzilo.

VaEfeso 6:11

Muzwale ivizwalo vwonti ivwa kulwila uvhulugu vwe mukupeelwa nu Mulungu, inga muyipinjishe nu lukasamo lwonti ulwa Mukwalanzi lwe lwa vhushevu.

1 Timoti 2:15

Ileelo avhantanda vhalivhwaga uvhuposhi kwi idala lya kupaapa kwavho, inga vhakujendeelela kuvha nu lwitiho ni shikunzi, nu lujendo nu mwoyo umuzelu nu kuyikonzya.

1 Timoti 2:9

Vhoope avhantanda, nkwanza kuuti vhayikonzyaje, nu kuvha nu mushinzi, kuzwala kwavho amenda, kuvhanje kwi idala lye lihondeeye pilongolela ilya vhantu. Kuyiyemvwa kwavho kutahavhanje kwi idala ilya kutavha insisi, poosye kuzwala amayembo aga sahaabu ge gakunyengʼenyela, poosye amenda aga nsavho.

1 Timoti 3:11

Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

2 Timoti 4:17

Ileelo uMwene uYeesu áamile pooka niine, ahampa amaha. Nkakumusya Izwi iLyinza mu vhantu vhe te Vhayuuda, lihavhafishila vhonti vhahiivwa. Pooka niizyo, ahampoha ku vhe vhándonjeleeye kuuti vhangoje inza kufwula ishintu mwi ilomu ilya nsama.

uTiiti 1:8

Ileelo akwanzilwa kuuti avhanje muntu we mutesi na we akuzisungwa nyinza. Havhili akwanzilwa kuuti avhanje muntu we akuyikonzya nu kuvhomba ingolosu nu kuvha mufinjile na we akuyidinda ku mbiivhi.

uTiiti 2:12

Uvhwila uvhwo vhukutusambiilizya kuzihaana zyonti zye te zya Mulungu ni mpapilo izya mu nsi. Pe lwe tukutendama ahavhaliilizyo iha, tukuvha twe vhantu twe tukuyikonzya nu kuvha twe vhagolosu nu kuvhomba inyinza pilongolela ilya Mulungu.

uTiiti 2:2

Avhanaavuli avhagoosi, uvhasambilizyaje kuuti vhavhanje vhantu vhe vhakuyikonzya nu kushindikwa, havhili vhavhanje nu vhutimvu. Vhagomaje mu lwitiho, nu kuvha ni shikunzi nu vhujimbiilizu.

uTiiti 2:4

inga vhavhasambilizyaje avhantanda avhalindu, kuuti vhavhakundaje avhalume vhaavho na vhaana vhaavho.

uTiiti 2:6

Vhoope avhajaaha, uvhasohaje kuuti vhayikonzyaje.

Yakobu 4:7

Kuli izyo, mumushindihaje uMulungu. Mumuhaanaje nu kumudinda uMukwalanzi, woope kwe avhashimbilaje.

1 Peteli 1:13

Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

Ishitushizya 12:10

Pe nkiivwa izwi ipiti kufuma ku mwanya likuti, “Ishi, uMulungu wiitu avhaposile avhantu vhaakwe! Ishi alolesya amaha gaakwe nu kukonzya fwe wu mwene! Havhili uChilisiti waakwe alolesya amaha gaakwe! Yeenya, uMikayeeli na vhahavhizya vhaakwe vhamusumbiiye pansi umulonjeelezi uwa vhamwitu, uweene we akuvhalonjeelela kwa Mulungu wiitu, uvhusiku nu musanya.

Ishitushizya 12:12

Ishi pe seshelaaji, imwe mwe mwanya, na mwe mukutendama muumwo! Yasheela insi nu sumbi! Mwe pe uMukwalanzi ayiisile kuli imwe nu mulaha umupiti nkaani, amanyile kuuti ali na havhaliilizyo hansi vhweleele.”

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 20:10

Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.

Ishitushizya 20:2

Ahalilema iyoha ilyo, injoha iya hali, ye wu Mukwalanzi, poosye wu Seetano, ahalikunga ku havhaliilizyo aha maaha 1,000.