1 Peteli 5:5 - ULufingwi uLupwa

⁵ Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”

Tesitamenti Umupwa 1965

⁵ Namwe mwe valumendo vovulo muyikonzyaje kuvasongo vinyu. Mukonzelanaje mwenti mwe vuvo vatupu, musyelemetele muvwahayiṿizye. Shʼavahayivale uMulungu akuvenyezya pe pala, nkandʼavenʼavahayiṿizye, vʼakuvakunjilʼuvwila.

1 Peteli 5:5 ပူးပေါင်းရင်းမြစ်များ

uLuuka 22:26

“Ileelo imwe, mutahasheele kuvhomba isho. Umuntu we mupiti kuli imwe, uyo avhanje ngati munsi ku vhonti. We akuvhalongozya avhantu, avhanje ngati muntu we muvhomvi wa vhanji.

VaLoma 12:10

Mukundanaje inza avhanine vwe vhakukundana. Uvhashindihaje avhamwinyu kuluusya vwe ukuyishindiha weneewe.

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

VaEfeso 5:21

Havhili mushindinkanaje, mwe pe mukumushindiha uChilisiti.

Filipi 2:3

Havhili mutavhombelaje ishintu shonti ku lutumvanyo, poosye kuzya kuyitumvwa, nkandi ku vhwahayiisye. Umuntu amushindihaje uwamwavho kuluusya uweene.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

1 Timoti 5:1

Utamupililaje umwanaavuli umugoosi, nkandi umusohaje ngati wu taata waaho. Uvhasohaje avhajaaha ngati vhanine vhaaho na

VaHebuli 13:17

Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

Yakobu 4:6

Pooka niizyo, uweene akwonjezya kutufwila uvhwila. Ye nongwa yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo vhe vhakuyiisya, akuvhafwila uvhwila.”

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

1 Peteli 4:1

Mwe pe uChilisiti áyimviliilwe mu muvhili waakwe, niimwe vhweleele muyisengaanye kuyimvilwa inza uweene. Nkuyanga vhwevhulo, mwe pe umuntu we akuyimvilwa umuvhili, akulehaana nu vhutalamalandu.

1 Peteli 4:5

Ileelo vhaliyiyanjila vhuuvho pilongolela ilya Mulungu, we ayisengiinye kuvhalonga avhantu vhonti avhalanzi na vhafwe.