1 Peteli 5:14 - ULufingwi uLupwa

¹⁴ Mulamunkane ku lwofwanyo ulwa shikunzi. UMulungu avhapanje uvhutehamu imwe mwenti mwe muli mwa Chilisiti.

Tesitamenti Umupwa 1965

¹⁴ Mulamunkanaje nulufivpo lwa shikunzi. Uvwihalo vuvanje namwe mwenti mwe muli mwa Chilisiti Yesu. Amen.

1 Peteli 5:14 ပူးပေါင်းရင်းမြစ်များ

Matayi 5:47

Havhili, inga mukuvhalamuha vhe vhamwinyu vhweleele, pe mukuvhomba ishooni isha kuluusya? Yeenya, vhe te Vhayuuda vhoope vhakuvhomba vhwevhulo!

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

Yohani 20:19

Isiku lyeliila ilya Pamulungu hamazuuvha, lye lisiku ilya kwanda ilya mulungu, avhasundikwa avha Yeesu vhávhungiine mu nyumba yimo, nu kugalila amalyango, mwe pe vhahavhogopaga avhalongozi avha Vhayuuda. Poosye she amalyango gáamile magalile, uYeesu ahavhaloleshela, nu kwimiilila pahati yaavho, ahavhalamuha ahati, “Muvhe nu vhutehamu!”

Yohani 20:26

Lwe zyatuuha insiku 8 kufuma pe uYeesu ávhalolesheeye, avhasundikwa vhávhungiine pooka havhili mu nyumba yimo. Isiku ilyo uToomasi áamile pooka navho. Amalyango gáamile magalile, uYeesu ahavhaloleshela havhili, ahimiilila pahati yaavho, ahavhalamuha ahati, “Uvhutehamu vhuvhe pooka niimwe!”

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaLoma 16:16

Ku vhusililishilo, mulamunkane mwenti ku lwofwanyo ulwa shikunzi. Avhiitisi vhonti avha mu vivhanza ivwa Chilisiti vwe vili uku vhakuvhalamuha.

VaLoma 8:1

Pe ishi, kwandila ahavhaliilizyo iha uMulungu te aavhape isunde vhaala vhe vhasopenkiine nu Chilisiti uYeesu.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

1 VaKolinti 16:20

Avhamwitu vhonti vhe vhali ipa, vhakuvhalamuha. Mulamunkane ku lwofwanyo ulwa shikunzi.

2 VaKolinti 13:12

Mulamunkane ku lwofwanyo ulwa shikunzi.

2 VaKolinti 5:17

Kuli izyo, umuntu wonti we akumwitiha uChilisiti, akuvha shipelwa ishipwa, izya hali zikutuuha, uvhuntu vhwakwe vhukuvha vhupwa!

VaEfeso 6:23

Vhamwitu, uTaata uMulungu nu Mwene wiitu uYeesu Chilisiti vhaavhape uvhutehamu, havhili vhavhaloote mujendeelele kumwitiha nu kukundana.

1 VaTesaloniki 5:26

Muvhalamushe avhamwitu vhonti ku lwofwanyo ulwa shikunzi.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

3 Yohani 1:14

nkandi nkusuuvhila kukuvuula shiniishi, inga tuhayanje lwe twalolana.