1 Peteli 5:10 - ULufingwi uLupwa

¹⁰ Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

Tesitamenti Umupwa 1965

¹⁰ Uwene nyenʼuMulungu umuhatavwila vwonti, wʼavisitʼimwe ukwinjila muvumwamu vwakwe vwa shimashima mwe mwa Chilisiti, wʼalivapela wuyo ukuva mwe vila, alivagomwʼamaha, alivapʼinguṿu, alivasimfwʼimwe mwe muyimṿile amanda mansi.

1 Peteli 5:10 ပူးပေါင်းရင်းမြစ်များ

uLuuka 22:32

Ileelo ine, nkulavhiiye kwa Mulungu, inga utahinze uleshe ulwitiho lwaho kuli ine. Niiwe lwe wangalushila ine, uvhagomwe na vhamwinyu.”

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 15:5

UMulungu we akuutupa uvhujimbiilizu nu kutusuvhaalizya amooyo giitu, avhavhiishe kuuti muvhe ni nsiivho zyoka lwe mukumulandata uChilisiti uYeesu.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

VaLoma 9:11

Ileelo avhaana ivho she vhashiili kupaapwa, havhili she vhashiili kuvhomba ishintu shonti, shivhe shinza, poosye shivhiivhi, uMulungu ahamuvhuuzya uLebeka ahati, “Usongo alimuvhombela umwana.” Izi zikulolesya kuuti uMulungu akusaavhula umuntu kulandatana nu lukasamo ulwa Mulungu, yitakuvha kulandatana ni mbombo izya muntu uyo.

VaLoma 9:24

átusavhuuye swenti, swe Vhayuuda na vhe te Vhayuuda, inga atufwile uvhwila, mwe pe átusengiinye kuuti tuvhe nu vhushindamu pooka nawo.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 1:9

UMulungu alivhomba izi, mwe pe uweene mutungamu. Uweene we ahavhiita imwe, kuuti muvhe nu vhuliilani nu Mwana waakwe uYeesu Chilisiti uMwene wiitu.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

2 VaKolinti 4:17

Nkuyanga vhwevhulo, mwe pe amayimba giitu mapupuusu, havhili ga havhaliilizyo hansi vhweleele. Amayimba igo, gakutusenganizanya uvhushindamu uvhwa shiima. Uvhushindamu uvhwo, vhupiti nkaani, vhukutuvhiiha kulola kuuti amayimba igo te shintu.

Filipi 4:13

Nkuvhwezya kuvhomba zyonti izyo, kwi idala ilya Chilisiti we akumpa amaha.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

2 VaTesaloniki 2:14

UMulungu ahavhiita, inga muposheele uvhuposhi uvhwo kwi idala ilya Izwi iLyinza lye twálumbiliiye kuli imwe. Pe muvhanje mu vhushindamu uvhwa Mwene wiitu uYeesu Chilisiti.

2 VaTesaloniki 2:17

avhasuvhaalizye amooyo nu kuvhagomwa, inga muvhombaje nu kuyanga zye nyinza.

2 VaTesaloniki 3:3

Ileelo uMwene uYeesu mutungamu, uweene alivhagomwa imwe nu kuvhaguulila kwa Muvhiivhi ula.

1 Timoti 6:12

Uyikungulaje nkaani ku vhulugu uvhwinza uvhwa kulwila ulwitiho lwitu, inga uhavhwaje uvhulanzi uvhwa shiima shiima. Uvhulanzi uvhwo vhwe uhiitilwa nu Mulungu, lwe wiitiha ulwitiho lwaho kwa Yeesu pilongolela ilya vhahoome avhinji.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

VaHebuli 9:15

Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.

1 Peteli 1:15

nkandi muvhanje mwe vhafinjile mu lujendo lwinyu lwonti, inza uMulungu we ávhiisite vwe mufinjile.

1 Peteli 4:10

UMulungu avhapiiye avhiitisi ivikunjilwa ivwa mavhiila mu mavhiila. Kuli izyo, vhonti vhakwanzilwa kuvhombela ivikunjilwa vwavho kuvhavhombela avhanji inza umwimiilizi umwinza uwa vipeelwa ivwa mavhiila mu mavhiila ivwa Mulungu.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

1 Yohani 2:25

Mwe pe tuli nu vhuliilani uvhwo, tuli nu lufingwi ulwa vhulanzi uvhwa shiima shiima, vhwe uChilisiti áfinzile kuuti, aliitupa.

uYuuda 1:24

UMulungu akuvhwezya kuvhuvhatila imwe, inga mutahapunule, havhili akuvhimiilisya ishisita ulukwinkwino pilongolela ilya vhushindamu vhwakwe, she muli nu luseshelo ulupiti.