1 Peteli 4:8 - ULufingwi uLupwa

⁸ Ipiti ku zyonti mukundanaje ku mwoyo wonti, mwe pe inga wamukunda umuntu kwe uvhanje ukumuswila, poosye inga akuvhombela uvhutalamalandu ulwinji.

Tesitamenti Umupwa 1965

⁸ Kwilongolela kuli zyonti mwumishizyajʼishikunzi sha kukundana nalyoli. Shʼishenʼishikunzi shikuziga imbivi nashenga nyinji.

1 Peteli 4:8 ပူးပေါင်းရင်းမြစ်များ

1 VaKolinti 13:1

Poosye inga indi ni shikunjilwa isha kuyanga injango zyonti izya vhantu ni zya vhahavhizya, ileelo inga ntali ni shikunzi, injango izyo zitangaavwa naashimo, nkuvha inza ibegeeti, poosye inza ipenga lye likuzuma ahalanga.

1 VaKolinti 13:4

Ishikunzi shikumupela umuntu kuvha nu vhujimbiilizu nu kuvha nu lwavwo nu kuuti atavhanje nu mwone na mabaado nu kuuti atayitumvwaje.

Kolosi 3:14

Ipiti kuluusya izyo zyonti mukundanaje, mwe pe ishikunzi she shikutuvhiiha swenti mu vhuliilani vhwe vhulunjisile.

1 VaTesaloniki 3:12

UMwene aavhape ishikunzi isha kukundana mweka nu kuvhakunda avhanji vhonti, inza iswe vwe tuvhakunzite imwe.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

VaHebuli 13:1

Ishi mujendeelele kukundana inza avhanine vwe vhakukundana.

Yakobu 5:12

Ipiti kuli izyo zyonti mwe vhamwitu, mutalapaje kwi izina ilya ku mwanya, poosye kwi izina ilya nsi, poosye ku shintu ishinji shonti. Inga mukwitiha ishintu, mutinji, “Eena” vhweleele, poosye inga mukuhaana, mutinji, “Ndaali” vhweleele. Ishisita kuvhomba vhwevhulo, mukwinza mukulongwa.

Yakobu 5:20

Mumanye ahinza kuuti umuntu wonti we akumugalusya umutalamalandu kufuma kwi idala ilya vhunanjisu, akumupoha uvhulanzi vhwakwe kufuma mu vhufwe. Havhili akumuvhiiha umutalamalandu uyo kuuti aswilwe uvhutalamalandu vhwakwe uvhwinji.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

3 Yohani 1:2

Nkundwa waane, nkukulaavhila kuuti ujendeelele ahinza ku zyonti mu vhulanzi vhwaho. Havhili nkukulaavhila kuuti umuvhili waaho wuvhe ahinza, inza vwe umwoyo waaho wukujendeelela ahinza mu vhuliilani nu Mulungu.