1 Peteli 4:7 - ULufingwi uLupwa

⁷ Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

Tesitamenti Umupwa 1965

⁷ Uvwene nyene uvusilo vwa tuntu twonti vwe vupalamiye. Mwe mumwo lelo musilimushe, muteshelʼiṿintu ukuti muputajʼahinza.

1 Peteli 4:7 ပူးပေါင်းရင်းမြစ်များ

Matayi 24:42

Pe ishi, muvhanje minso, mwe pe mutamanyile isiku lye ne Mwene wiinyu ndiyinza.

Matayi 25:13

UYeesu ahavhavhuuzya avhasundikwa vhaakwe ahati, “Ishi muvhanje minso, mwe pe mutamanyile isiku, poosye ahavhaliilizyo he ndigaluha.”

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

uLuuka 21:36

Ishi, muvhanje minso ahavhaliilizyo honti, mumulaavhaje uMulungu, inga avhapanje amaha aga kupoota mu zyonti zye zilifumila, inga muhimiilile ku luseshelo pilongolela lyane ine ne Mwana wa Aadamu.”

uLuuka 22:46

Ahavhavhuuzya ahati, “Shooni she mukaasite utulo? Damuuli! Mumulaavhaje uMulungu, kuuti aavhape amaha, inga indingo zitahinze zivhapoote.”

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

1 VaKolinti 15:24

Ipo pe vhuliyinza uvhusililishilo uvhwa vwonti, ahavhaliilizyo he uChilisiti aliimupa uTaata uMulungu uvhumwene vhwakwe, lwe uChilisiti aalovwa uvhulongozi vhwonti na maha gonti nu vhupiti vhwonti.

1 VaKolinti 7:29

Vhamwitu, nkuyanga kuuti ahavhaliilizyo he hasyaye, hansi. Ishi kufuma ahavhaliilizyo iha, vhaala vhe vhimaaye vhaleshe kuvhasiivha vhe vhashi vhaavho vhweleele, vhasiivhaje nkaani kumuvhombela uMwene uYeesu.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Filipi 4:5

Uvhutonsu vhwinyu vhumanyishe ku vhantu vhonti. UMwene uYeesu apalamiiye.

Kolosi 4:2

Mumulaavhaje uMulungu insiku zyonti, muvhanje minso ishisita kulita nu kumusalifwa uweene.

2 Timoti 4:5

Ileelo iwe uyikonzyaje mu zyonti. Ahavhaliilizyo aha mayimba, ujimbililaje. Uvhalumbililaje avhantu Izwi iLyinza nu kuvhomba zyonti izinji zye nyinza mu mbombo yaaho.

uTiiti 2:12

Uvhwila uvhwo vhukutusambiilizya kuzihaana zyonti zye te zya Mulungu ni mpapilo izya mu nsi. Pe lwe tukutendama ahavhaliilizyo iha, tukuvha twe vhantu twe tukuyikonzya nu kuvha twe vhagolosu nu kuvhomba inyinza pilongolela ilya Mulungu.

VaHebuli 10:25

Tutahagaleshe amaata giitu aga kuhomaana inza vwe avhantu avhanji vhalesile kuhomaana. Ileelo tujendeelele kugomanya amooyo, mwe pe tumanyile kuuti isiku ilya kugaluha uMwene uYeesu lipalamiiye.

VaHebuli 9:26

Inga uChilisiti ahanzilwaga kuyifumwa kuvha mpuutile ulwinji, inza vwe umupuuti umupiti ahafumwaga impuutile ulwinji, pe nkandi ahanzilwaga kuyimvilwa ulwinji kufuma pe uMulungu ápezile insi. Ileelo uweene amanda iga aga vhusililishilo, ayinzile nu kuyifumwa kuvha mpuutile lwoka vhweleele, inga atuzelufwe uvhutalamalandu vhwitu.

1 Peteli 1:13

Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

1 Peteli 3:7

Niimwe mwe vhanaavuli mwe mwimaaye, mukwanzilwa mutendamaje ku njeele na vhashi vhiinyu, mwe pe mumanyile kuuti vhatali na maha inza imwe. Havhili muvhasunjililaje ku mushinzi, mwe pe uMulungu akuuvhapa mwenti uvhulanzi uvhwa shiima. Muvhombaje vhwevhulo, inga impuuto zyinyu zitadindilwaje.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

Ishitushizya 16:15

UYeesu ahayanga ahati, “Yeenyi, ine nkwinza kwi idala ilya kwitushizya inza umwivha! Alosiitwe umuntu we ali minso nu kuzwala amenda gaakwe, inga atahinze asogole ishitali ukwo nu kulola insoni apazelu.”