1 Peteli 4:6 - ULufingwi uLupwa

⁶ Ye nongwa avhantu vhe vhafuuye, vhoope vhálumbiliilwe Izwi iLyinza, inga vhalongwe ku mbombo zyavho izya muvhili inza avhantu avhanji, havhili vhavhe nu vhulanzi ku maha aga Mupepo uMufinjile pilongolela ilya Mulungu.

Tesitamenti Umupwa 1965

⁶ She mwe munumu navafwe vahaposhelʼIvangeli, ukuti nashenga vakulongwa mumuvili inza she vakulongwʼavantu, valandilaje mumupepo inza she zikuhondela kwa Mulungu.

1 Peteli 4:6 ပူးပေါင်းရင်းမြစ်များ

Matayi 24:9

“Ahavhaliilizyo iho, avhantu avha mu nsi zyonti vhalivhavitilwaga, vhalivhalemaga nu kuvhayimvwa nu kuvhagoga, mwe pe mukundandata ine.

VaLoma 8:2

Mwe pe uMupepo uMufinjile we akuuvhapa uvhulanzi, avhavhiisile kuvha mwe vhasatushe, inga muleshe kulongolwa nu vhutalamalandu vhwe vhukuvhapelela avhantu uvhufwe. Avhomvile vhwevhulo kwi idala ilya Chilisiti uYeesu.

VaGalati 2:19

Yeenya, nkazilandataga indajizyo izya Moose, ileelo ahavhaliilizyo iha, uvhulanzi vhwane uvhwa mu ndajizyo vhusizile, inga uvhulanzi vhwane vhuvhe mwa Mulungu.

VaGalati 5:25

UMupepo atupiiye uvhulanzi uvhupwa, pe ishi tulandataje uvhulongozi vhwakwe.

1 Peteli 1:12

UMulungu ávhalolesiizye kuuti imbombo yaavho iya kukuvhwa yitahavhavwaga avheene, nkandi imwe. Inongwa izyo zye mwázyivuuye ku vhantu vhe vhálumbiliiye Izwi iLyinza ku maha aga Mupepo uMufinjile we uMulungu ámutumile kufuma ku mwanya. Avhahavhizya vhoope vhakusungwa nkaani kumanya inongwa izyo.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

Ishitushizya 14:18

Uhavhizya uwamwavho, we mwimiilizi uwa mwoto uwa pa shifinjilo, ahafuma pa shifinjilo. Ahamuvhuuzya kwi izwi ipiti uhavhizya ula we áamile ni shikwakwa ishihozu ahati, “Nyatuula ishikwakwa shaaho ishihozu. Upambule ivipambulo ivwa mampensya, mwe pe amampensya aga vipambulo ivwo gatonile.”