1 Peteli 4:18 - ULufingwi uLupwa

¹⁸ Izyo zili inza vwe yisimviilwe mu Vhusimbe uVhufinjile kuuti, “Inga shigomu kwa mugolosu kupokwa, ziliivha vhuli kwa mutalamalandu we atakumunyila uMulungu?”

Tesitamenti Umupwa 1965

¹⁸ Apene lelo ingʼumuntʼumugolosu wʼakupokwa akusyala hansi ukudumulilwa, pʼangavoneha poshi wʼakumwilʼuMulungu nawe mutalamalandu?

1 Peteli 4:18 ပူးပေါင်းရင်းမြစ်များ

uLuuka 15:1

Isiku limo, avhasonchezya musonko na vhatalamalandu avhanji avhinji, vhahapalamilaga kwa Yeesu, kumutejeelezya.

uLuuka 23:31

Nkuyanga vhwevhulo, mwe pe inga vhakuvhomba havhiivhi isho, kwi ikwi ilyolo ilyinza, pe ziliivha vhuli kwi ikwi ilyumu?”

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 27:24

Ambuziizye atili, ‘Utogopaje Paavhuli! Ukwanzilwa kwimiilila pilongolela ilya Kayisaali. Umanye ahinza kuuti vhonti ivha vhe mukushuula pooka navho, ku zyaho, uMulungu kwe avhaposhe ku vhwila vhwakwe.’

iMbombo izya Vhatumwa 27:31

Ileelo uPaavhuli ahamuvhuuzya umupiti uwa vhasikaali, pooka na vhasikaali vhaakwe ahati, “Avhavhomba mbombo ivha, inga vhatakusyala pooka niiswe mu meeli ino, imwe te mupone.”

VaLoma 1:18

UMulungu akulolesya uvhuhalazu apazelu kufuma ku mwanya kwi idala ilya kuuvhapa isunde avhantu vhonti vhe vhakumuhaana, na vhaala vhe kwi idala ilya vhuvhiivhi vhwavho, vhakuvhuhaana uvhwanalyoli vhwakwe.

VaLoma 5:6

Yeenya, lwe twápezile tuli she swe vhayeyevhazu, lwe ahavhaliilizyo haafiha uChilisiti ahinza, ahatufwila iswe twe tutáali swe vhagolosu.

VaLoma 5:8

Ileelo uMulungu átulolesiizye kuuti atukunzite nkaani, kwi idala ilya kumufumwa uChilisiti atufwile iswe she twápezile twe vhatalamalandu.

1 VaKolinti 10:12

Pe ishi, we akuyilola kuuti ayimiliiye ahinza mu lwitiho, avhe minso, inga atahinze agwe.

1 Timoti 1:9

Havhili tumanyile kuuti indajizyo zitavhisiilwe ku vhantu avhagolosu, nkandi ku vhapuvi vhe vhatakusaajila na ku vhe vhatakumushindiha uMulungu, na vhe vhakuvhomba uvhutalamalandu. Havhili zivhisiilwe ku vhe vhakuviitilwa imbombo iya Mulungu nu kusungwa imbombo izya mu nsi, na ku vhe vhakugoga avhayise na vhanyina, na vhagozi avhanji vhonti.

VaHebuli 4:1

Pe ishi, mwe pe ulufingwi ulwa Mulungu ulwa vhantu kwinjila pa lutuuzyo lwakwe luli she luliipo, pe twogopaje, inga atahinze avhe umuntu inga wooka muli imwe uwa kupootwa kwinjila penepo.

Yakobu 5:6

Muvhalonzile nu kuvhagoga avhantu vhe vháali vhagolosu, avhantu vhe vhatahavhadindaga naashimo.

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

2 Peteli 3:7

Havhili kwi izwi liniilyo, uMulungu azivhiisile imwanya ni nsi iya havhaliilizyo iha, kufishila isiku ilya vhulonzi lye alivipemba vwonti mu mwoto. Isiku ilyo alivhalonga nu kuvhalovwa vhonti vhe vhakuvhomba zye zitakwanzilwa pilongolela lyakwe.

uYuuda 1:15

kuvhalonga avhantu vhonti, nu kuvhasunda vhonti vhe vhatakumushindiha uMulungu. Akuvhasunda kuzya mbombo zyavho zyonti izya vhupuvi na mazwi amagomu gonti ge avhatalamalandu ivho vhamuyanzile uweene.”