1 Peteli 4:17 - ULufingwi uLupwa

¹⁷ Ahavhaliilizyo aha vhulonzi haafiha, uMulungu akwanda kuvhalonga avhantu vhaakwe. Ishi inga uvhulonzi vhukwanda kuli iswe swe vhantu vhaakwe, vhuli, ivho vhe vhatakwitiha Izwi iLyinza ilya Mulungu, kulongwa kwavho te kuhaavhe kwa kwogofwa nkaani?

Tesitamenti Umupwa 1965

¹⁷ Shʼumwaha afisile uwa kutalihʼuvulonzi panyumba ya Mulungu. Ilelo inga vutalisile kumwitʼiswe, pe vangapona vuli ve vakusufanyʼIvangeli lya Mulungu?

1 Peteli 4:17 ပူးပေါင်းရင်းမြစ်များ

uLuuka 23:31

Nkuyanga vhwevhulo, mwe pe inga vhakuvhomba havhiivhi isho, kwi ikwi ilyolo ilyinza, pe ziliivha vhuli kwi ikwi ilyumu?”

VaLoma 1:1

Ukalaata uno nsimvile neene ne Paavhuli, ne muvhomvi uwa Chilisiti uYeesu. Ániisite kuuti mbe ne mutumwa, nu kunsaavhula kuuti nkumusyaje Izwi iLyinza ilya Mulungu.

VaLoma 2:9

Avhantu vhonti vhe vhakuvhomba imbiivhi, vhaliivha na mayimba ni ntamwo, kwandila ku Vhayuuda kufishila ku vhantu vhe te Vhayuuda.

VaGalati 3:1

Mwe Vhagalaatiya, nalyoli mwe vhapukupuuku! Wu naanu we avhalozile? Návhalumbiliiye imwe, niimwe muhamanya ahinza inongwa izya Yeesu Chilisiti, vwe vhámuhomeleeye pa shihovhenkanyo.

VaGalati 5:7

Ku vhwandilo mwajendelelaga ahinza kumulandata uChilisiti! Ishi wu naanu we avhadinda kuvhulandata uvhwanalyoli?

VaGalati 6:10

Pe ishi, ahavhaliilizyo honti he tuli naho, tuvhavhombelaje inyinza avhantu vhonti, inkaani avhiitisi avhamwitu.

2 VaTesaloniki 1:8

Uweene we alivhasunda vhonti vhe vhakumuhaana uMulungu, na vhe vhatakulishindiha Izwi iLyinza ilya Mwene wiitu uYeesu.

1 Timoti 3:15

Inga nahaavha, nkwanza kuuti umanye ahinza zyonti zye zikwanzilwa ku vhantu avha Mulungu. Ivho vhe shivhanza isha Mulungu uMulanzi, uweene we lupanda nu lwalo ulwa nalyoli.

VaHebuli 11:8

Mwe pe uAabulahamu ámwitisile uMulungu, lwe uMulungu amuvhuuzya kuuti ayeepe mu nsi yaakwe nu kusogola mu nsi ye uMulungu áfinzile kuumupa, uAabulahamu áyeefile mu nsi iyo pooka nu kuuti atámanyile kwe ahasogolaga.

VaHebuli 2:2

Yeenya, izwi lye avhahavhizya vhávhavhuziizye avhataata vhiitu lyánziliilwe kulilandata. Avhantu vhonti vhe vhálilesile nu kuhaana kulilandata vhápeliilwe isunde kulandatana ni mbiivhi zyavho.

VaHebuli 2:4

UMulungu woope ávhuhomesheziizye uvhuposhi uvhwo kwi idala ilya kulolesya ivilolesyo ni zya kusukumizya na maha aga mavhiila mu mavhiila, nu kuuvhapa avhantu ivho ivikunjilwa ivwa Mupepo uMufinjile kulandatana nu lukasamo lwakwe.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

VaHebuli 5:9

Kutuushila amayimba igo, uMulungu ahamupela kulunjisya zye ahanzaga. Pe kwi idala ilyo, uYeesu ahavha vhwandilo uvhwa vhuposhi uvhwa shiima ku vhonti vhe vhakumushindiha.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Peteli 2:8

Havhili yisimviilwe kuuti, “Ivhwe ilyo livhwe ilya kupunuzya, liyalaawe ilya kuvhagwisya avhantu.” Avhantu vhakupunula, mwe pe vhatalyitisile izwi ilya Mulungu. Ilyo lye uMulungu ávhavhatishiiye kufuma hali.