1 Peteli 4:11 - ULufingwi uLupwa

¹¹ We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

Tesitamenti Umupwa 1965

¹¹ Inga woka akuyanga zimo pe zivanje zya mwizwi lya Mulungu, inga woka akumuvombelʼuwamwavo, pʼamuvombele mumaha gʼuMulungu akumupa, ukuti muli zyonti uMulungu atundumikwaje mwe mwa Yesu Chilisiti, wʼavanje nuvumwamu namaha shimashima shisitakusila. Amen.

1 Peteli 4:11 ပူးပေါင်းရင်းမြစ်များ

Matayi 6:13

Utulongole inga tutahinjile mu ndingo, havhili utuposhe nu Muvhiivhi ula, mwe pe uvhumwene na maha nu vhushindamu vwaho shiima! Amina!’”

Yohani 13:31

Lwe uYuuda aafuma panzi, uYeesu ahavhavhuuzya avhasundikwa vhaakwe ahati, “Ishi uvhushindamu vhwane ne Mwana wa Aadamu vhwapalamila kuloleha apazelu. Havhili uvhushindamu uvhwa Mulungu kwe vhuloleshe apazelu kutuushila mu mbombo zyane.

iMbombo izya Vhatumwa 7:38

Uweene we áamile mu mpuga iya vhataata vhiitu, lwe vhávhungiine mu luugwa muula. Ukwo uhavhizya ahayangaga nawo mwi igamba uSinaayi, woope ahaposheela amazwi aga vhulanzi, inga aatupe iswe.

VaLoma 11:36

Ivintu vwonti vifumile ku kwakwe wuuyo. Havhili ku maha gaakwe vikujendeelela kuvha, vwonti viliipo, inga vilolesye uvhushindamu vhwakwe. UMulungu ashindikwaje shiima! Amina.

VaLoma 12:3

Ishi, mwe pe uChilisiti ampiiye uvhwila kuuti mbe ne mutumwa waakwe, nkuvhavhuuzya mwenti kuuti, muleshe kuyilola kuuti muhondeeye kuluusya vwe muli. Muyilolaje kuuti, mwenti mupeliilwe ulwitiho lweluula nu Mulungu.

VaLoma 16:27

UMulungu weeka we ali nu vhushindamu uvhwa njeele vhwonti, ashindikwaje shiima kuzya Yeesu Chilisiti! Amina.

VaLoma 3:2

Nalyoli kuvha we Muyuuda kuli ilonka ipiti. Ipiti kuli izyo, uMulungu ávhapiiye aVhayuuda indajizyo, inga vhazisunjiilile nu kuzilandata mu vhulanzi vhwavho.

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

1 VaKolinti 12:4

Viliipo ivikunjilwa ivwa mavhiila mu mavhiila, ileelo uMupepo we akugavha ivikunjilwa ivwo we wewuula.

1 VaKolinti 3:10

Kulandatana nu vhwila uvhwa Mulungu vhwe ampiiye, ine inza umupiti uwa vhazenzi we ali nu vhushindamu uvhwa njeele, názenzile ulwalo lwe ishi avhazenzi avhanji vhakuzenga pamwanya yaakwe. Ileelo avhantu vhonti vhavhanje minso, lwe vhakuzenga pa lwalo ulwo.

1 VaKolinti 6:20

mwe pe mwátavhuliilwe ku nsavho impiti. Ishi mumutiimaje uMulungu mu mavhili giinyu.

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

2 VaKolinti 9:13

Imbombo iyo yikulolesya kuuti mwe vhavhomvi avhinza avha Mulungu. Avhantu vhakumutiima uMulungu kuzya mushinzi wiinyu uwa kwitiha Izwi iLyinza ilya Chilisiti. Havhili vhakumutiima, lwe vhakulola uvhutesi vhwinyu ku kwavho na ku vhantu avhanji vhonti.

VaEfeso 1:19

Havhili mumanye amaha gaakwe amasisya aga kusukumizya. Amaha igo gakuvhomba imbombo kuli iswe swe tumwitisile uYeesu. Agenego, she shooka na maha gaakwe amapiti

VaEfeso 4:29

Mutayangaje amazwi amavhiivhi, muyangaje amazwi aga kuvhazenga avhamwinyu kulandatana na vwe yikwanzilwa, inga vhe vhakutejeelezya vhalyagaje ilonka.

VaEfeso 5:20

Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

VaEfeso 6:10

Izyamwavho, nkwanza muposheele amaha kufuma ku maha amasisya aga Mwene uYeesu.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 2:11

Havhili ku vhushindamu uvhwa Taata uMulungu, avhantu vhonti vhapemule kuuti, uYeesu Chilisiti wu Mwene.

Kolosi 4:6

Amazwi giinyu gavhanje minza, havhili ge gahondeeye, mumanye kuvhaamula avhantu vhonti ahinza.

1 VaTesaloniki 2:4

Ileelo tukulumbiilila, mwe pe uMulungu átuvhwenyi kuuti tuhondeeye, ahaatupa imbombo iya kulumbiilila Izwi iLyinza. Tutakusuuvhila kuvhahondezya avhantu, tukwanza kumuhondezya uMulungu, we akwenyeelezya zyonti zye zili muhati mu mooyo giitu.

1 Timoti 1:17

UMulungu wu Mwene uwa shiima, ataliifwa naalumo. Ataliipo umuntu we angamulola uMulungu, havhili ataliipo uMulungu uwunji naawumo. Uweene weeka vhweleele we ahondeeye kuposheela umushinzi, havhili ashindikwaje shiima shiima! Amina.

1 Timoti 6:16

Uweene weeka we atakufwa, akutendama mu vhuzelu vhwe naawumo atangavhupalamila. Ataliipo umuntu we ahamulola, havhili ataliipo we ahondeeye kumulola. Uweene wa mushinzi na maha aga shiima! Amina!

uTiiti 2:1

Ileelo iwe Tiiti, uvhasambilizyaje avhantu kulandatana ni nsambiilizyo izya nalyoli.

uTiiti 2:15

Amazwi iga ge uvhasambilizyaje avhantu. Uvhagomwaje amooyo nu kuvhasoha ku vhudandamazu. Utahiitishe kuuti pavhe umuntu wonti uwa kukusuufwa.

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.

VaHebuli 5:12

Ahavhaliilizyo iha imwe mwaanziliilwe kuvha mwe vhasambiilizi ku vhamwinyu, ileelo imwe muli she mukwanza umuntu uwa kuvhasambiilizya insambiilizyo izya ku vhwandilo izya izwi ilya Mulungu. Muli inza avhaana avhacheeche vhe vhakwonka, vhakupootwa kulya ishaakulya ishigomu.

Yakobu 1:19

Mwe vhamwitu vhankundwa, mutejelezyaje ahinza! Umuntu wonti atavhanje wa kuyanga naluvhiilo, nkandi avhanje wa kutejeelezya suuti! Havhili atavhanje we akuviitwa naluvhiilo.

Yakobu 1:26

Inga umuntu akuyilola kuuti akuvhomba zye zikumuhondezya uMulungu, ileelo atakuyenyeelezya vwe akuyanga, akuyihopela wuuyo weeka. Imbombo zye akusiivha kuuti zikumuhondezya uMulungu zya vhweleele.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Peteli 4:10

UMulungu avhapiiye avhiitisi ivikunjilwa ivwa mavhiila mu mavhiila. Kuli izyo, vhonti vhakwanzilwa kuvhombela ivikunjilwa vwavho kuvhavhombela avhanji inza umwimiilizi umwinza uwa vipeelwa ivwa mavhiila mu mavhiila ivwa Mulungu.

1 Peteli 4:16

Ileelo umuntu inga akuyimba, mwe pe Muchilisiti, atalolaje insoni, nkandi amutiimaje uMulungu, mwe pe akwitwa kuuti Muchilisiti.

1 Peteli 5:11

Amaha gavhe nu weene shiima. Amina!

uYuuda 1:25

Uweene wu Mulungu weeka, havhili Muposhi wiitu, kwi idala ilya Mwene wiitu uYeesu Chilisiti. Uvhushindamu nu vhupiti na maha amasisya na maha, vili nu weene kufuma hali, ishi, havhili poosye shiima. Amina.