1 Peteli 4:1 - ULufingwi uLupwa

¹ Mwe pe uChilisiti áyimviliilwe mu muvhili waakwe, niimwe vhweleele muyisengaanye kuyimvilwa inza uweene. Nkuyanga vhwevhulo, mwe pe umuntu we akuyimvilwa umuvhili, akulehaana nu vhutalamalandu.

Tesitamenti Umupwa 1965

¹ Ilelo shʼuChilisiti atuyimbiye mumuvili, namwe muyijelenkanye insivo zinizi. Shʼuno wengʼakuyimba mumuvili wʼakulehʼukutalʼamalandu.

1 Peteli 4:1 ပူးပေါင်းရင်းမြစ်များ

Maliko 3:3

UYeesu ahamuvhuuzya umuntu uyo we inyoovhe yaakwe yáhataliiye ahati, “Yimiliila pahati ipa.”

VaLoma 6:11

Niimwe vhweleele muyilolaje kuuti mwe vhafwe kuzya vhutalamalandu. Havhili muyilolaje kuuti ku vhulanzi vhwe mukulandila mukumuhondezya uMulungu kwi idala ilya Chilisiti uYeesu.

VaLoma 6:2

Ndaali, te muumwo inga hansi! Kuzya vhutalamalandu iswe tuli ngati twe vhafwe. Kuli izyo, tutangajendeelela kuvhomba uvhutalamalandu.

VaLoma 6:7

Yeenya, umuntu inga aafwa pooka nu Chilisiti, akuvha musatushe nziila kufuma ku maha aga vhutalamalandu.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

VaEfeso 6:13

Kuli izyo, muzwale ivizwalo vwonti ivwa kulwila uvhulugu vwe mukupeelwa nu Mulungu, inga muvhwezye kupoota pi isiku lyonti lye imbiivhi zikuvhinzila. Inga mwamala zyonti izya kuyisengaanya nu vhulugu, mukusimpa.

Filipi 2:5

Muvhe ni nsiivho ziila, zye áali nazyo uChilisiti uYeesu.

VaHebuli 12:3

Musivhiilile zye zyámwazile uYeesu, na vwe ahajimbililaga ku ziila zye avhatalamalandu vhahamudindaga, inga mutahinze mulite nu kuvunziha umwoyo.

VaHebuli 4:10

Umuntu wonti we akwinjila pa lutuuzyo lwakwe, akutuuzya kuvhomba imbombo zyakwe zyonti, inza vwe uMulungu átuziizye kuvhomba imbombo zyakwe izya vhupezi.

1 Peteli 2:21

UMulungu ávhiisite inga mujimbiilile vhwevhulo, mwe pe uChilisiti woope ájimbiliiye kuyimvilwa ku zyinyu. Uweene we shiholanyo, inga tulandate idala lye átuusile.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.