1 Peteli 3:9 - ULufingwi uLupwa

⁹ Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.

Tesitamenti Umupwa 1965

⁹ Zye ndali ukugalushizanyʼimbivi pambivi, nga luligo paluligo. Nkandi muvanje nalyo lye lya kulota, she zye zizyo mwisitwe ukuti mupwane vwe vulote.

1 Peteli 3:9 ပူးပေါင်းရင်းမြစ်များ

Matayi 19:29

Havhili umuntu we ayilesile inyumba yaakwe, poosye avhanine vhaakwe avhanaavuli, poosye avhantanda, poosye utaata waakwe, poosye umaayi waakwe, poosye avhaana vhaakwe, poosye amagunda gaakwe kuzya izina lyane, uyo aliposheela ivwinji nu vhulanzi uvhwa shiima.

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Matayi 5:39

Ileelo ine nkuvhavhuuzya kuuti, mutalanduzyaje kwa muntu we akuvhavhombela imbiivhi. Ileelo inga umuntu akukanza uludili ulwa kundiilo kukusuufwa, muleshe akukanze nu lwamwavho.

Matayi 5:44

Ileelo ine nkuvhavhuuzya kuuti, muvhakundaje avhalugu vhiinyu. Havhili, muvhalavhilaje uvhuloote kwa Mulungu vhonti vhe vhakuvhayimvwa.

Maliko 10:17

UYeesu ahanda kwepa paala, umuntu wumo ahamushimbiilila, ahamusugamilila, ahamuvhuziilizya ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

uLuuka 10:25

Isiku limo, umusambiilizi wumo uwa ndajizyo ásogooye kwa Yeesu. Umusambiilizi uyo ahanzaga kumulinga uYeesu, pe ahamuvhuziilizya ahati, “We Musambiilizi, imbombe ishooni, inga nkaposheele uvhulanzi uvhwa shiima?”

uLuuka 18:18

Umupiti wumo ahamuvhuziilizya uYeesu, ahati, “We Musambiilizi umwinza, imbombe ishooni, inga nkaposheele uvhulanzi uvhwa shiima?”

VaLoma 12:14

Muvhalavhilaje uvhuloote kwa Mulungu avhantu vhe vhakuvhayimvwa, mutavhalavhilaje kuuti vhatipwaje.

VaLoma 12:17

Inga avhantu vhavhavhombela imbiivhi, mutalanduzyaje. Ahavhaliilizyo honti lwe mushiili kuvhavhombela avhanji ishintu shonti, musiivhaje suuti nu kuvhomba ziila zye zikuloleha nyinza ku vhantu vhonti.

VaLoma 8:28

Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

VaLoma 8:30

Havhili ivho vhe ávhasavhuuye ahavhiita. Ivho vhe ávhiisite ahavhavhaazya kuuti vhagolosu, havhili ahaavhapa uvhushindamu.

VaGalati 3:14

Izi zyávhombesile, inga uvhuloote vhwe ápeliilwe uAabulahamu, vhuvhafishile vhe te Vhayuuda, kwi idala ilya Chilisiti uYeesu. Ishi tukuposheela uMupepo uMufinjile, we uMulungu áfinzile kuutupa kwi idala ilya kumwitiha uYeesu Chilisiti.

VaEfeso 4:32

nkandi mufwilanaje uvhwila nu kuvha nu mwoyo umwinza. Muswilanaje inza vwe uMulungu ahavhaswila kutuushila kwa Chilisiti.

1 VaTesaloniki 5:15

Yeenyi, umuntu wonti atamulanduzyaje uwamwavho ku mbiivhi. Amanda gonti muvhombelanaje inyinza mweneemwe nu kuvhavhombela avhantu vhonti.

VaHebuli 12:17

Niimwe mumanyile kuuti pisinda lwe uEesavhu akwanza kuuti aposheele uvhuloote uvhwo, uyise áhaanile kumuloota. Pooka nu kuuti uEesavhu ákuusite nkaani, uyise atámuloosite, mwe pe uEesavhu atáhaazile ahavhaliilizyo aha kutonta.

VaHebuli 6:14

UMulungu álafile átili, “Nalyoli kwe nkuloote, nu kuvhavhiiha avha mu luho lwaho kuvha vhinji.”

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.