1 Peteli 3:8 - ULufingwi uLupwa

⁸ Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

Tesitamenti Umupwa 1965

⁸ Ilya kumalilizya lelo nkuti muvanjʼumwoyo woka mwene mwenti, muvanje nulupepelezyo, mukundanaje mwe vuvo vatupu mwe vanamuntu, muvanje nishikuku nuvwahayiṿizye.

1 Peteli 3:8 ပူးပေါင်းရင်းမြစ်များ

Matayi 18:33

Vhuli, utanzilwaga kumufwila uvhwila umuvhomvi uwamwinyu inza vwe niine nkufwiliiye uvhwila iwe?’

uLuuka 10:33

Pisinda, ahinza uMusamaliya wumo, we ahashuulaga kutuushila mwi idala liniilyo. Ileelo uweene lwe amulola umuntu uyo, ahamufwila uvhwila,

iMbombo izya Vhatumwa 2:1

Lwe isiku ilya Pentekoositi lyafiha, avhantu vhonti vhe vhámwitisile uYeesu, vhávhungiine pooka.

iMbombo izya Vhatumwa 27:3

Lwe kwasha, tuhafiha pa nkaaya iya mu luvhazu mwa sumbi mu Siidoni. UYuuliyo ahamuvhombela ahinza uPaavhuli, ahamwitishila kuuti alolane na vhamanyani vhaakwe, inga vhamwavwe vwe asovheliilwe.

iMbombo izya Vhatumwa 28:7

Pe twámile ipo, páali pe papiipi na magunda aga mupiti uwa nsi iyo, ye yáamile pahati pa sumbi. Izina lyakwe umupiti uyo vhahatinji uPabuliyo. Ahatuposheela ahinza, tuhadiila insiku zitatu ku kwakwe.

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

VaLoma 12:10

Mukundanaje inza avhanine vwe vhakukundana. Uvhashindihaje avhamwinyu kuluusya vwe ukuyishindiha weneewe.

VaLoma 15:5

UMulungu we akuutupa uvhujimbiilizu nu kutusuvhaalizya amooyo giitu, avhavhiishe kuuti muvhe ni nsiivho zyoka lwe mukumulandata uChilisiti uYeesu.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 12:26

Inga ishipelwa shooka shavwalala, vwonti vikuvwalala pooka nasho. Havhili inga ishipelwa shooka shatiimwa, vwonti vikuvha nu luseshelo pooka nasho.

VaEfeso 4:2

Muvhanje nu vhwahayiisye, havhili muvhanje mwe vhatonsu ku zyonti. Mujimbililanaje nu kuswilana ku shikunzi.

VaEfeso 4:31

Ishi muleshe kuvhavhwa amooyo, nu kuvha nu vhuhalazu nu mulaha nu kudalinkana nu kusamulana poosye kuvhombelana imbiivhi izyamwavho zyonti,

VaEfeso 4:32

nkandi mufwilanaje uvhwila nu kuvha nu mwoyo umwinza. Muswilanaje inza vwe uMulungu ahavhaswila kutuushila kwa Chilisiti.

Filipi 2:3

Havhili mutavhombelaje ishintu shonti ku lutumvanyo, poosye kuzya kuyitumvwa, nkandi ku vhwahayiisye. Umuntu amushindihaje uwamwavho kuluusya uweene.

Filipi 3:16

Ileelo she shikwanzilwa, tujendeelele kulandata zyonti ziila zye tufishiiye.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

VaHebuli 13:1

Ishi mujendeelele kukundana inza avhanine vwe vhakukundana.

Yakobu 2:13

UMulungu te ahaavhe nu vhwila, lwe akumulonga umuntu we atali nu vhwila. Inga umuntu ali nu vhwila ku vhanji, woope uMulungu alimufwila uvhwila pi isiku ilya vhulonzi!

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

Yakobu 5:11

Inza vwe mumanyile, vhalosiitwe vhaala vhe vhajimbiliiye. Mwivuuye inongwa izya vhujimbiilizu uvhwa Yobo, havhili muvhwenyi vwe uMWENE uMulungu ámuvhombeeye pisinda. Uweene ali nu vhwila uvhupiti, havhili uvhwa mavhiila mu mavhiila.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 2:17

Muvhashindihaje avhantu vhonti, nu kuvhakunda avhamwinyu. Mumunyilaje uMulungu nu kuumupa umushinzi umwene.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”

2 Peteli 1:7

Kuvha nu lujendo ulwinza pilongolela ilya Mulungu, kuvhalilanaje ni shikunzi ku vhamwinyu inza avhanine vwe vhakukundana. Ishikunzi isho, mutavhakundaje vhe vhamwinyu vhweleele, nkandi na vhantu vhonti.

1 Yohani 3:14

Iswe tumanyile kuuti tufumile mu maha aga vhufwe, nu kwinjila mu vhulanzi uvhwa shiima shiima. Tumanyile vhwevhulo, mwe pe tukuvhakunda avhamwitu. Umuntu we atakuvhakunda avhamwavho ali she asyaye mu vhufwe.