1 Peteli 3:4 - ULufingwi uLupwa

⁴ nkandi kuvhanje mu mooyo giinyu mwe mutakuloleha. Havhili kuvhanje ku vintu ivwa kuyiyemvwa vwe vitakunanjiha, inza uvhutonsu nu vhutehamu. Ivwo vwe vili ni nsavho impiti pilongolela ilya Mulungu.

Tesitamenti Umupwa 1965

⁴ nkandʼumuntu wa muhati we numʼatakumwenya avanje lye liyembo lyavo muli zye zitakusila, nkutaha umwoyo umutelefu we wʼumpumaje. She zye zihondeye nkani kuminso ga Mulungu.

1 Peteli 3:4 ပူးပေါင်းရင်းမြစ်များ

Matayi 11:29

Mwitishe kulongolwa niine, ngati nkambaku zye zipinyiilwe ni ijooko, musambiilile kuli ine, mwe pe ine ne mutonsu havhili njisiizye mu mwoyo waane, pe niimwe kwe muvhe nu vhutehamu mu mooyo giinyu.

Matayi 21:5

“Muvhavhuuzye avhantu avha mu nkaaya iya Sayuuni kuuti, ‘Yeenya, uMwene wiinyu akwinza kuli imwe. Uweene mutonsu, alimbiiye pa ndogomi, indogomi inyaana.’”

Matayi 23:26

Mwe Vhafalisaayi mwe vhantonko imwe! Mupindushe suuti uvhutalamalandu vhwe vhuli muhati zyinyu inza kwozya uvhupoopo vhwe vhuli mu lupindi na mu luvhiga. Pe imbombo zyinyu ziliivha nyinza inza vwe ulupindi nu luvhiga vikuzelupa, inga woozya muhati.

Matayi 5:5

Vhalosiitwe avhatonsu, mwe pe uMulungu aliivhapa insi.

uLuuka 11:40

Mwe vhapukupuuku imwe! We ápezile munzi, te we ápezile na muhati vhweleele?

uLuuka 16:15

UYeesu ahavhavhuuzya ahati, “Imwe mukuyivhiiha mwe vhagolosu pilongolela ilya vhantu, ileelo uMulungu azimanyile zye zili mu mooyo giinyu. Ivintu vwe avhantu vhakuvimwamiha, uMulungu akuviviitilwa!”

VaLoma 1:23

Vhahaleha kumupuuta uMulungu uwa shiima, vhahavha vhakuvipuuta iviholanyo vwe viholiine na vhantu ni nyunyi ni nkanu na vwe vikukwesuha pansi, ivwo vwonti vwe vikufwa.

VaLoma 2:29

Ndaali, uMuyuuda uwa nalyoli we wula we mu mwoyo waakwe akumushindiha uMulungu. Kwope kutahiililwa ukwa nalyoli kwe kuvhulingaanya umwoyo kwe kukuvhombwa nu Mupepo uMufinjile, te kwi idala ilya kulandata indajizyo. Umushinzi uwa muntu inza uyo wutakufuma ku vhantu ndaali, wukufuma kwa Mulungu.

VaLoma 6:6

Tumanyile kuuti uvhuntu vhwitu uvhwa hali vhwáhomeliilwe pooka nu Chilisiti pa shihovhenkanyo, inga amaha aga vhuntu uvhwo uvhwa hali galovhe, tutahaavhe twe vhazya avha vhutalamalandu havhili.

VaLoma 7:22

Indajizyo izya Mulungu nkuzisungwa ku mwoyo waane wonti.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 4:16

Pe ishi, tutakuvunziha umwoyo, poosye inga amavhili giitu gakunanjiha, muhati zyitu uMulungu akutupela kuvha twe vhapwa insiku zyonti.

VaGalati 5:23

nu vhutonsu nu kuyikonzya. Lutaliipo ululajizyo lwe lukuhaana izyo!

VaEfeso 4:2

Muvhanje nu vhwahayiisye, havhili muvhanje mwe vhatonsu ku zyonti. Mujimbililanaje nu kuswilana ku shikunzi.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

Kolosi 3:3

mwe pe mufuuye. Ishi mukulandila pooka nu Chilisiti pilongolela ilya Mulungu, ileelo uvhulanzi uvhupwa uvhwo vhutakuloleha.

1 VaTesaloniki 4:11

Muvhanje nu mwoyo uwa vhutehamu. Umuntu wonti atayisanganyaaje mu zya vhanji, avhombaje imbombo zyakwe wuuyo, inza vwe twávhalajiziizye.

2 VaTesaloniki 3:12

Avhantu ivho tukuvhalajizya nu kuvhasoha kwi izina ilya Mwene uYeesu Chilisiti kuuti, vhavhombaje imbombo ku vhutehamu, inga vhavhanje ni shaakulya.

1 Timoti 2:2

Muvhalavhilaje avhamwene na vhalongozi avhanji vhonti, inga tulandilaje ku vhutehamu, lwe tukuvha nu lujendo ulwinza nu kuvhomba zye zihondeeye pilongolela ilya Mulungu.

2 Timoti 2:25

Inga avhantu vhakudalinkana nawo, avhasohaje ku vhutonsu. Lumo uMulungu angaavhapa kuvhuleha uvhutalamalandu vhwavho vhwonti, nu kuvhumanya uvhwanalyoli.

uTiiti 3:2

Patahaavhe avhantu vhe vhakuligana, poosye avha ivho, nkandi vhajimbililaje nu kulolesya uvhutonsu ku vhantu vhonti.

Yakobu 1:21

Pe ishi, muvhuleshe uvhuhandamanu vhwonti nu vhuvhiivhi vhwe muli navhwo. Muposheele ku vhutonsu izwi liila lye uMulungu alivhiisile mu mooyo giinyu. Izwi ilyo lye lili na maha aga kuvhapoha.

1 Peteli 1:23

Mukwanzilwa muvhe ni shikunzi isho, mwe pe mupafwilwe ulwa vhuvhili, te ku vhapaafi vhe vhakufwa, nkandi kwa mupaafi we atakufwa kwi idala ilya izwi ilya Mulungu lye liliipo shiima.

1 Peteli 3:15

Ileelo mumushindihaje uChilisiti mu mooyo giinyu, mwe pe uweene wu Mwene. Muyisenganyaaje ahavhaliilizyo honti kumwamula wonti we akuvhavhuziilizya izya lusuuvhilo lwinyu. Ileelo muvhombaje vhwevhulo ku vhutonsu nu mushinzi.