1 Peteli 3:18 - ULufingwi uLupwa

^18-19 Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

Tesitamenti Umupwa 1965

¹⁸ ShʼuChilisiti afuye lyoka vwelele pavutalamalandu vwitu, umugolosu ahavafwila avasitavugolosu, ukuti atupalamizyaje kwa Mulungu. Shʼagozilwe umuvili wa vuntu, nkandi ahapelwa umulanzi muMupepo,

1 Peteli 3:18 ပူးပေါင်းရင်းမြစ်များ

Matayi 27:19

Lwe uPilaato atendiime pa shitengo isha vhulonzi, umushi ahatumiilizya intumi ahati, “Utahamuvhombele ivhiivhi naalimo umuntu uyo we mugolosu, mwe pe uvhusiku uvhwa ileelo njimvile nkaani mu njozi ku zyakwe.”

Matayi 27:24

Lwe uPilaato aalola kuuti atangagalulanya insiivho izya vhantu ivho nu kuuti vhatalisile ivho, ahanyatula aminzi nu kugeeza mu nyoovhe zyakwe pilongolela lyavho kulolesya kuuti atali nu vhunanzi naavhumo. Pe ahavhavhuuzya ahati, “Ine ntali nu vhunanzi naavhumo ku vhufwe uvhwa muntu uno umugolosu. Izi zili mu nyoovhe zyinyu mweneemwe!”

Yohani 16:10

Alivhalolesyaga kuuti ne mugolosu, mwe pe nkusogola kwa Taata, havhili te muhandole.

iMbombo izya Vhatumwa 22:14

“Pe ahambuuzya ahati, ‘UMulungu uwa vhataata vhiitu akusavhuuye iwe, inga umanye ulukasamo lwakwe nu kumulola uMuvhomvi waakwe uMugolosu nu kumwivwa lwe akuyanga wuuyo.

iMbombo izya Vhatumwa 3:14

Imwe muhamuhaana uYeesu, we Mufinjile wa Mulungu havhili Mugolosu. Ileelo muhalaavha kuuti, umuntu we mugozi we asatulwe!

VaLoma 1:4

Uyo we uMulungu ámuzyusiizye ku maha aga Mupepo uMufinjile. Kwi idala ilyo, áhomesheziizye kuuti Mwana wa Mulungu uwa Maha Gonti. Uyo we wu Mwene wiitu uYeesu Chilisiti.

VaLoma 4:25

UMulungu ámufumwizye uYeesu kuvha mpuutile kuzya vhutalamalandu vhwitu, havhili ámuzyusiizye, inga tuvhaazilwe kuuti swe vhagolosu.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 8:11

Havhili, inga uMupepo uwa ula we ámuzyusiizye uYeesu akulandila muhati zyinyu, amavhili giinyu ge gakufwa, uMulungu we ámuzyusiizye uChilisiti uYeesu aliigapa uvhulanzi kwi idala ilya Mupepo waakwe we akulandila muhati zyinyu.

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

2 VaKolinti 1:24

Te kuuti iswe tukwanza kuvhavijiilizya zye mukwanzilwa kuvhomba mu lwitiho lwinyu, mwe pe imwe mugomile mu lwitiho. She shikwanzilwa kuli iswe, kwe kuvhomba imbombo pooka niimwe, inga museshele.

2 VaKolinti 13:4

Poosye she uChilisiti áali muyeyevhazu lwe akuhomeelwa pa shihovhenkanyo nu kufwa, ishi mulanzi ku maha aga Mulungu. Vhwevhulo, niiswe ishi twe vhayeyevhazu inza vwe uChilisiti áali, poosye vhwevhulo tuliivha twe vhalanzi ku maha aga Mulungu, inza vwe uChilisiti ali.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaGalati 1:4

UChilisiti áyifumwizye kufwa kuzya kwefwa uvhutalamalandu vhwitu, inga atuposhe kufuma mu mbiivhi zyonti izya mu nsi iya havhaliilizyo iha, inza vwe ákasiime uTaata wiitu uMulungu.

VaGalati 3:13

UChilisiti ahatupoha kufuma mu ntipo zye zili mu ndajizyo kwi idala ilya kuzinyatula intipo izyo ku zyitu, mwe pe uVhusimbe uVhufinjile vhukuti, “Wonti we ahomeliilwe pa shihovhenkanyo, atifiilwe.”

VaEfeso 3:12

Kwi idala ilya kusopenkana nu Chilisiti uYeesu nu kumwitiha uweene, tuli nu vhudandamazu uvhwa kupalamila pilongolela ilya Mulungu ishisita ilyoga.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 10:10

Mwe pe uYeesu ahalulandataga ulukasamo ulwa Mulungu, uMulungu akutuzelufwa uvhutalamalandu vhwitu kwi idala ilya Yeesu Chilisiti kuyifumwa lwoka vhweleele kuvha mpuutile.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

VaHebuli 9:26

Inga uChilisiti ahanzilwaga kuyifumwa kuvha mpuutile ulwinji, inza vwe umupuuti umupiti ahafumwaga impuutile ulwinji, pe nkandi ahanzilwaga kuyimvilwa ulwinji kufuma pe uMulungu ápezile insi. Ileelo uweene amanda iga aga vhusililishilo, ayinzile nu kuyifumwa kuvha mpuutile lwoka vhweleele, inga atuzelufwe uvhutalamalandu vhwitu.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

Yakobu 5:6

Muvhalonzile nu kuvhagoga avhantu vhe vháali vhagolosu, avhantu vhe vhatahavhadindaga naashimo.

1 Peteli 4:1

Mwe pe uChilisiti áyimviliilwe mu muvhili waakwe, niimwe vhweleele muyisengaanye kuyimvilwa inza uweene. Nkuyanga vhwevhulo, mwe pe umuntu we akuyimvilwa umuvhili, akulehaana nu vhutalamalandu.

1 Peteli 4:6

Ye nongwa avhantu vhe vhafuuye, vhoope vhálumbiliilwe Izwi iLyinza, inga vhalongwe ku mbombo zyavho izya muvhili inza avhantu avhanji, havhili vhavhe nu vhulanzi ku maha aga Mupepo uMufinjile pilongolela ilya Mulungu.

1 Yohani 1:9

Ileelo inga tukupemula kuuti tuvhomvile uvhutalamalandu, uMulungu akutuswila nu kutuzelufwa uvhuvhiivhi vhwonti, mwe pe uweene mutungamu havhili mugolosu.