1 Peteli 3:17 - ULufingwi uLupwa

¹⁷ Nkuyanga vhwevhulo, mwe pe kwashi kuyimvilwa kuzya kuvhomba inyinza inga lwe lukasamo ulwa Mulungu, kuluusya kuyimvilwa kuzya kuvhomba imbiivhi.

Tesitamenti Umupwa 1965

¹⁷ She nukuyimṿilwa panyinza zyenga mukuvomba nukuyimṿilwa pambivi, kulusizyʼuvwinza ukuyimṿilwa panyinza ingʼuMulungu akasime palukasamo lwakwe ukuti muyimṿilwaje.

1 Peteli 3:17 ပူးပေါင်းရင်းမြစ်များ

Matayi 26:39

Ahasogola pilongolela hansi, ahagwa ishikupama, ahalaavha ahati, “We Taata, inga zingavhombeha, nkulaavha uyeefwe amayimba iga kuli ine. Ileelo utahavhombe inza vwe nkasiime ine, nkandi vwe ukasiime weneewe.”

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

iMbombo izya Vhatumwa 18:21

Ahalagana navho, ahavhavhuuzya ahati, “Inga uMulungu asungwa, ndigaluha havhili kuli imwe.” Pe ahalimbila imeeli aheepa ku Hefeeso.

iMbombo izya Vhatumwa 21:14

Lwe twalola kuuti uPaavhuli atakwitiha, tutahayanga nkaani, tuhati, “Zye uMwene uYeesu akasiime zye zivhombeshe.”

1 Peteli 1:6

Ishi imwe seshelaaji kuzya vhupwano uvhwo vhwe uMulungu afinzile kuuvhapa, pooka nu kuuti ahavhaliilizyo ahansi iha, yikwanzilwa muswimiililwe ku ndingo izya mavhiila mu mavhiila.

1 Peteli 2:15

Nkuyanga vhwevhulo, mwe pe uMulungu akwanza muvhombaje inyinza, inga avhapukupuuku vhe vhatamumanyile uweene, vhatavhanje ni lya kuvhakwinkwina.

1 Peteli 2:20

Ishi kuli lilonka vhuli inga mukujimbiilila, lwe mukuhomwa kuzya vhutalamalandu vhwe mukuvhomba? Ileelo inga mukujimbiilila amayimba kuzya vhwinza vhwe mukuvhomba, pe mukumuhondezya uMulungu.

1 Peteli 3:14

Ileelo poosye inga mukuyimba kuzya kuvhomba ingolosu, uMulungu akuvhaloota. Kuli izyo, mutogopaje, poosye kusagaanya kufumiilana nu kwogofwa kwavho.

1 Peteli 4:15

Inga mukuyimvilwa, mutayimvilwaje kuzya kugoga ni zya kwivha ni zya kuvhomba uvhunanzi, poosye izya vhulumaluma.

1 Peteli 4:19

Pe ishi, avhantu vhonti vhe vhakuyimba ku lukasamo ulwa Mulungu, vhajendeelele kuvhomba inyinza nu kuyivhiiha mu nyoovhe izya Mulungu we ahavhapela, havhili we mutungamu.