1 Peteli 3:16 - ULufingwi uLupwa

¹⁶ Muvhanje na mooyo aminza, pe inga lwe avhantu vhakuvhayanjila izya ilenga nu kuvhaliga kuzya lujendo lwinyu ulwinza ulwa kumulandata uChilisiti, vhalolaje insoni.

Tesitamenti Umupwa 1965

¹⁶ Inyenyezyo zyinyu zivanjʼinyinza ukuti inga vakuvaholela ukuti mwe vavombambivi, zye havili gamwamajʼamatwe gavo vuvo ve vakululigʼulujendo lwinyu ulwinza lwe mukujendela mwa Chilisiti.

1 Peteli 3:16 ပူးပေါင်းရင်းမြစ်များ

Matayi 5:11

“Mulosiitwe imwe, inga avhantu vhakuvhaliga nu kuvhayimvwa nu kuvhayanjila imbiivhi izya mavhiila mu mavhiila ni zya ilenga, mwe pe mukuniitiha ine.

iMbombo izya Vhatumwa 24:16

Kuli izyo, nkuyikungula kuvha nu mwoyo umuzelu insiku zyonti, inga ntahaavhe nu lukwinkwino pilongolela ilya Mulungu na pilongolela ilya vhantu.

iMbombo izya Vhatumwa 28:22

Ileelo tukwanza kwivwa kuli iwe zye ukusiivha, mwe pe kuzya mpuga ye ukuyilandata, tumanyile kuuti yikuyangwa havhiivhi kwonti.”

VaLoma 9:1

Nkuyanga uvhwanalyoli, mwe pe nkumwitiha uChilisiti. Havhili umwoyo waane we wukulongolwa nu Mupepo uMufinjile, woope wukuhomeshezya kuuti nkuyanga uvhwanalyoli, ntakuluma ilenga.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

1 Timoti 1:19

Ululemaje ulwitiho lwaho, nu kuvha nu mwoyo umwinza. Izyo, vhamo vhatázisajiiye, pe zihaazya ulwitiho lwavho kuuti lunanjishe lwonti.

1 Timoti 1:5

Naafumwa indajizyo izyo, inga avhantu vhavhe ni shikunzi. Ishikunzi isho shili mu vhantu vhe amooyo gaavho mazelu, havhili minza, na vhe vhali nu lwitiho lwe lutali ni shifumbo.

2 Timoti 1:3

Nkumusalifwa uMulungu we nkumuvhombela ku mwoyo umuzelu, inza vwe avhataata vhaane vhoope vhahavhombaga. Nkumusalifwa ku mbombo yaaho, havhili nkukukumbuha mu mpuuto zyane uvhusiku nu musanya.

uTiiti 2:8

Amazwi gaaho gavhanje ga nalyoli, inga ahavhaliilizyo he avhantu vhakulinga kuuti vhakudinde, vhapotwaje izwi ilya kukuliga, pe vhasupilaje.

VaHebuli 13:18

Mujendeelele kutulaavhila. Tuli nu vhwanalyoli kuuti amooyo giitu gatakutulonga naashimo, mwe pe tuli nu mute kuvhomba izya nalyoli ku vhantu vhonti.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 2:15

Nkuyanga vhwevhulo, mwe pe uMulungu akwanza muvhombaje inyinza, inga avhapukupuuku vhe vhatamumanyile uweene, vhatavhanje ni lya kuvhakwinkwina.

1 Peteli 2:19

UMulungu akuvhaloota inga mukujimbiilila amayimba ge mukuyimvilwa kwi idala ilya kuvhonelwa, kuzya kumulandata uweene.

1 Peteli 3:21

Aminzi igo sháamile shiholanyo isha lwozyo ulwa havhaliilizyo iha, ulwa kuvhapoha imwe kwi idala ilya kuzyuha uYeesu Chilisiti. Kwozelwa te kwe kugeeza, inga uyeefwe intavu mu muvhili, nkandi lufingwi kwa Mulungu lwe lukuvhombeha ku mwoyo umwinza.

1 Peteli 4:4

Avhantu ivho vhe vhatamwitisile uMulungu, vhakusukumila, mwe pe mutakuvha pooka navho kuvhomba uvhutalamalandu, pe vhakwanda kuvhasaamula.