1 Peteli 2:8 - ULufingwi uLupwa

⁸ Havhili yisimviilwe kuuti, “Ivhwe ilyo livhwe ilya kupunuzya, liyalaawe ilya kuvhagwisya avhantu.” Avhantu vhakupunula, mwe pe vhatalyitisile izwi ilya Mulungu. Ilyo lye uMulungu ávhavhatishiiye kufuma hali.

Tesitamenti Umupwa 1965

⁸ Havili ukuva livwe lya kupunula nivwe lya kwazyʼavantu, lye vakupunula mumwo vak ve vakusitʼukusajilʼizwi, zye zizyo vavisilwe nzila.

1 Peteli 2:8 ပူးပေါင်းရင်းမြစ်များ

uLuuka 2:34

Pisinda, uSimiyooni ahavhaloota. Havhili ahamuvhuuzya uMaliiya ahati, “Umwana uno avhisiilwe nu Mulungu kuzya vhantu avhinji mu nsi iya Isilayeeli. Avhantu vhe vhalimuhaana vhalilongwa, ileelo vhe vhalimwitiha vhaliipokwa. Uweene aliivha shilolesyo isha Mulungu kulunjisya ulukasamo lwakwe ku Vhaisilayeeli, ileelo avhantu vhalimuhaana.

VaLoma 9:22

Ileelo, mwe pe uMulungu ahanzaga kuvhalolesya avhantu uvhuhalazu vhwakwe nu kuvhalolesya amaha gaakwe, ávhajimbiliiye nkaani vhaala vhe vhali inza iviliilo vhe asivhiliiye kuuvhapa isunde.

1 VaKolinti 1:23

Ileelo iswe tukumukumusya uChilisiti we áfuuye pa shihovhenkanyo. Intumi iyo aVhayuuda yikuvhapunuzya, havhili ku vhe te Vhayuuda vhwalangani.

2 VaKolinti 2:16

Ku vhe vhakupokwa umununsi uwo mwinza, wukuuvhapa uvhulanzi. Ileelo ku vhe vhakuteega umununsi uwo muvhiivhi, wukuvhapelela uvhufwe. Ishi wu naanu we ahondeeye kuvhomba imbombo iyo?

VaGalati 5:11

Vhamwitu, vhamo vhakuyanga vhakuti ine indi she nkukumusya kuuti, vhonti vhakwanzilwa kutahiililwa. Inga vwe nkuyanga vhwevhulo, shooni she indi she nkuyimvilwa? Inga vwe nkuyanga vhwevhulo, kukumusya kwane inongwa izya shihovhenkanyo isha Yeesu, nkandi kutakuvhaviisya.

1 VaTesaloniki 5:9

Mwe pe uMulungu atátusavhuuye iswe inga atulovwe ku vhuhalazu vhwakwe, nkandi átusavhuuye inga tuvhwaje uvhuposhi kwi idala ilya Mwene wiitu uYeesu Chilisiti.

1 Peteli 2:6

Izyo zili inza vwe yisimviilwe mu Vhusimbe uVhufinjile kuuti, “Yeenya, mu nkaaya iya Sayuuni mbiisile ivhwe ipiti ilya pa shipembe isha nyumba, ivhwe lye ndisavhuuye lya nsavho nkaani. Umuntu wonti we akumwitiha we livhwe ilyo, te ahasuupile naalumo!”

1 Peteli 2:7

Ivhwe ilyo lya nsavho kuli imwe mwe mukwitiha, ileelo ku vhaala vhe vhatakwitiha, “Ivhwe lye avhazenzi vhálihaanile lye lyavha livhwe ipiti ilya pa shipembe isha nyumba.”

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.