1 Peteli 2:7 - ULufingwi uLupwa

⁷ Ivhwe ilyo lya nsavho kuli imwe mwe mukwitiha, ileelo ku vhaala vhe vhatakwitiha, “Ivhwe lye avhazenzi vhálihaanile lye lyavha livhwe ipiti ilya pa shipembe isha nyumba.”

Tesitamenti Umupwa 1965

⁷ Imwe lelo mwe muli nulwitiho ulushindiho lwe lwinyu. Nkandʼavene avasitalwitiho ve ivwe lye valisufizyʼavazenganyumba, lye havili liyipezilʼukuva lya pashipembe,

1 Peteli 2:7 ပူးပေါင်းရင်းမြစ်များ

Matayi 21:42

Pe uYeesu ahavhavhuuzya havhili ahati, “Vhuli, mutahavhaazya uVhusimbe uVhufinjile? Yisimviilwe kuuti, ‘Ivhwe lye avhazenzi vhálihaanile, lye lyavha livhwe ipiti ilya pa shipembe isha nyumba. UMWENE uMulungu we álivhiisile ivhwe ilyo, lyope lya kusukumizya pa minso giitu.’”

uLuuka 2:32

Uno kuuti avhe vhuzelu uvhwa kukulolesya iwe ku vhe te Vhaisilayeeli, havhili kuuti aleetaje uvhushindamu ku vhantu vhaaho aVhaisilayeeli.”

uLuuka 2:34

Pisinda, uSimiyooni ahavhaloota. Havhili ahamuvhuuzya uMaliiya ahati, “Umwana uno avhisiilwe nu Mulungu kuzya vhantu avhinji mu nsi iya Isilayeeli. Avhantu vhe vhalimuhaana vhalilongwa, ileelo vhe vhalimwitiha vhaliipokwa. Uweene aliivha shilolesyo isha Mulungu kulunjisya ulukasamo lwakwe ku Vhaisilayeeli, ileelo avhantu vhalimuhaana.

uLuuka 20:17

Ileelo uYeesu ahavhazyamila, ahavhavhuziilizya ahati, “Ishi uVhusimbe uVhufinjile uvhu, kwe kuuti vhuli? ‘Ivhwe lye avhazenzi vhálihaanile, lye lyavha livhwe ipiti ilya pa shipembe isha nyumba.’

Yohani 4:42

Vhahamuvhuuzya umwantanda uyo vhahati, “Ishi twamwitiha umuntu uno, te ku ziila zyeka zye utuvhuziizye, nkandi twamwitiha, mwe pe twivwa sweneeswe zye akuyanga. Havhili twamanya kuuti, nalyoli umuntu uno we Muposhi uwa nsi.”

iMbombo izya Vhatumwa 26:19

UPaavhuli ahajendeelela kuyanga kuuti, “We mwene Agiliipa, lwe naalola injozi izyo izya pa minso amazelu zye zyáfumile ku mwanya, ntahazisuufwa.

VaLoma 10:21

Poosye vhwevhulo, izya Vhaisilayeeli, uMulungu akuti, “Musanya wonti nkagolosyaga inyoovhe zyane kuvhagalusya avhantu vhe vhatakunshindiha, na vha madali.”

VaLoma 15:31

Mundavhilaje kuuti avhantu vhe vhatamwitisile uYeesu mu nsi iya Yudeeya vhatahambombele uvhuvhiivhi. Havhili mundavhilaje, inga avhafinjile avha ku Yelusaleemu vhiitishe kuposheela ivwa kuvhaavwa vwe nkuvhatwalila.

2 VaKolinti 2:16

Ku vhe vhakupokwa umununsi uwo mwinza, wukuuvhapa uvhulanzi. Ileelo ku vhe vhakuteega umununsi uwo muvhiivhi, wukuvhapelela uvhufwe. Ishi wu naanu we ahondeeye kuvhomba imbombo iyo?

Kolosi 2:10

Niimwe muposheleeye uvhulunjisu vhwonti kwi idala ilya kusopenkana nu Chilisiti, uweene inza itwe mu muvhili, akuvikonzya ivipelwa vwe vili na maha amasisya na vwe vili na maha vwonti.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

VaHebuli 11:31

Mwe pe uLaahabu we áamile wu malaaya ámwitisile uMulungu, áponile kumugoga inza avhanji vhe vháhaanile kumwitiha uMulungu. Uweene áponile kumugoga, mwe pe ávhaposheleeye ahinza avhahapenza aVhaisilayeeli.

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,

1 Peteli 2:4

UYeesu we livhwe ilanzi ilya kuzenjela. Ivhwe ilyo avhantu vhálihaanile, ileelo uMulungu álisavhuuye, havhili lya nsavho pilongolela lyakwe. Ishi mupalamilaje kwa Yeesu.

1 Peteli 2:8

Havhili yisimviilwe kuuti, “Ivhwe ilyo livhwe ilya kupunuzya, liyalaawe ilya kuvhagwisya avhantu.” Avhantu vhakupunula, mwe pe vhatalyitisile izwi ilya Mulungu. Ilyo lye uMulungu ávhavhatishiiye kufuma hali.