1 Peteli 2:4 - ULufingwi uLupwa

⁴ UYeesu we livhwe ilanzi ilya kuzenjela. Ivhwe ilyo avhantu vhálihaanile, ileelo uMulungu álisavhuuye, havhili lya nsavho pilongolela lyakwe. Ishi mupalamilaje kwa Yeesu.

Tesitamenti Umupwa 1965

⁴ We mwinze kukwakwe, ivwʼilanzi, ilyene nashengʼavantu valisufizye, kwa Mulungu nyene kwe lisavulwa, ligomu.

1 Peteli 2:4 ပူးပေါင်းရင်းမြစ်များ

Matayi 11:28

“Nzaaji kuli ine imwe mwenti mwe mukuyimvilwa nu kunyatula amaligo amamwamu, ine kwe mbape ulutuuzyo.

Matayi 12:18

“Yeenya, uno muvhomvi waane we musavhuuye, uNkundwa waane we umwoyo waane wukuhondezelwa nawo. Ndiimupa uMupepo waane, woope alikumusya uvhwanalyoli ku vhe te Vhayuuda.

Matayi 21:42

Pe uYeesu ahavhavhuuzya havhili ahati, “Vhuli, mutahavhaazya uVhusimbe uVhufinjile? Yisimviilwe kuuti, ‘Ivhwe lye avhazenzi vhálihaanile, lye lyavha livhwe ipiti ilya pa shipembe isha nyumba. UMWENE uMulungu we álivhiisile ivhwe ilyo, lyope lya kusukumizya pa minso giitu.’”

Yohani 14:19

Hasyala ahavhaliilizyo hansi te nkaloleshe mu nsi umu. Ileelo imwe mulindola, mwe pe ine ndiivha ne mulanzi, niimwe muliivha mwe vhalanzi.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 5:26

Inza vwe uTaata waane ali na maha aga kuumupa umuntu uvhulanzi uvhwa shiima, niine ne Mwana waakwe ampiiye amaha aga kuuvhapa avhantu uvhulanzi uvhwa shiima.

Yohani 5:40

Ileelo mukuhaana kwinza ku kwane, inga mbape uvhulanzi uvhwa shiima.

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

Yohani 6:57

“Inza vwe uTaata we ansonteleziizye ine mulanzi, niine nkuvhwaga uvhulanzi kufuma ku kwakwe. Vhwevhulo, umuntu wonti we akundya ine, akuvhwaga uvhulanzi kufuma ku kwane.

VaLoma 5:10

Mwe pe inga uMulungu átukundiinye iswe nu weene kwi idala ilya vhufwe uvhwa Mwana waakwe, she twápezile twe vhalugu vhaakwe, pe nalyoli alitupoha ku vhuhalazu vhwakwe, kwi idala ilya vhulanzi uvhwa Mwana waakwe.

1 VaKolinti 3:11

Nkuyanga vhwevhulo, mwe pe ulwalo lwe luzengwilwe wu Yeesu Chilisiti wuuyo. Ataliipo umuntu we angazenga ulwalo ulunji.

Kolosi 3:4

Uvhulanzi vhwinyu vhukufumiilana nu Chilisiti. Ahavhaliilizyo he uweene aliloleha, he niimwe muliloleha pooka nawo na mavhili aga vhushindamu.

1 Peteli 1:19

nkandi ku mavhanda aga nsavho aga Yeesu Chilisiti we ali inza ahagonzi he hatali ni ibada poosye uvhunanzi.

1 Peteli 1:7

Kulingwa kwinyu kukulolesya kuuti nalyoli mukumwitiha uYeesu Chilisiti. Inza vwe avhantu vhakuyizelufwa isahaabu kwi idala ilya kuyipemba inga yivhe nyinza, vhwevhulo, ulwitiho lwinyu lukulingwa kulolesya kuuti mumwitisile uChilisiti. Kumwitiha uChilisiti kwinza kuluusya isahaabu ye yikunanjiha. Inga mukujimbiilila indingo izyo, uMulungu alivhatiima, nu kuuvhapa uvhushindamu nu mushinzi pi isiku liila lye uYeesu Chilisiti aliloleha apazelu ku vhantu vhonti.

1 Peteli 2:7

Ivhwe ilyo lya nsavho kuli imwe mwe mukwitiha, ileelo ku vhaala vhe vhatakwitiha, “Ivhwe lye avhazenzi vhálihaanile lye lyavha livhwe ipiti ilya pa shipembe isha nyumba.”

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

2 Peteli 1:4

Kwi idala ilyo, uMulungu afinzile kuutupa ivintu ivipiti havhili ivwa nsavho, inga tuvhe nu vhuliilani nu Mulungu mu lujendo lwakwe. Kwe kuuti tukupokwa mu vhunanjisu vhwe vhukufumiilana ni mpapilo izya mu nsi.