1 Peteli 2:24 - ULufingwi uLupwa

²⁴ UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

Tesitamenti Umupwa 1965

²⁴ we nuvutalamalandu vwitu ahavuzuṿwa mumuvili wakwe pikwi, ukuti lwe swe vafwe kuvutalamalandu tulandilaje kuvugolosu; we mumaṿimṿi gakwe mupozile.

1 Peteli 2:24 ပူးပေါင်းရင်းမြစ်များ

Matayi 27:26

Pe uPilaato ahavhasatulila uBalaaba inza vwe vhahanzaga, ileelo ahalajizya kuuti uYeesu ahomwe nu muchaapu nu kumutwala kuhomeelwa pa shihovhenkanyo.

Matayi 5:20

Nalyoli nkuvhavhuuzya kuuti, inga uvhugolosu vhwinyu vhutakushila uvhwa vhasambiilizi avha ndajizyo izya Moose nu vhwa Vhafalisaayi, te muhinjile naalumo mu vhumwene uvhwa Mulungu.”

Matayi 8:17

Izyo zyávhombesile, inga lilunjishe izwi lye umukuvhwi uYisaayi áyanzile átili, “Ányatuuye uvhuyeyevhazu na mavhinu giitu.”

Maliko 15:15

Mwe pe uPilaato ahanzaga kulihondezya ivhungaana ilya vhantu, ahavhasatulila uBalaaba inza vwe vhahanzaga. Ileelo ahalajizya kuuti uYeesu ahomwe nu muchaapu nu kumutwala kuhomeelwa pa shihovhenkanyo.

uLuuka 4:18

“UMupepo uwa MWENE uMulungu ali pooka niine, mwe pe uMulungu ansavhuuye kuvhalumbiilila avhapiina Izwi iLyinza. Ansonteleziizye kuvhakumusizya vhe vhakunziilwe, inongwa izya kusatulwa kwavho, na vhantonko kuuti vhatalishe kulola havhili. Ansonteleziizye kuvhapoha vhe vhakuyimvilwa,

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 19:1

Pe uPilaato ahavhalajizya avhasikaali vhaakwe kuuti vhamunyatule uYeesu nu kumuhoma nu muchaapu.

iMbombo izya Vhatumwa 10:35

Ileelo akuvhiitiha avhantu avha mu nsi zyonti, vhe vhakumunyila nu kuvhomba zye zihondeeye pilongolela lyakwe.

iMbombo izya Vhatumwa 10:39

“Zyonti izyo zye uYeesu ávhomvile mu nsi iya Vhayuuda, na mu nkaaya iya Yelusaleemu, iswe swe vhahoome. Pisinda, vhahamugoga kwi idala ilya kumuhomeela pa shihovhenkanyo.

iMbombo izya Vhatumwa 13:29

Lwe zyalunjiha zyonti zye uYeesu ásimviliilwe mu Vhusimbe uVhufinjile, vhahamwisya pa shihovhenkanyo, vhahamusyila mu mbiipa.

iMbombo izya Vhatumwa 5:30

Imwe mwámugozile uYeesu kwi idala ilya kumuhomeela pa shihovhenkanyo, ileelo uMulungu uwa vhataata vhiitu ahamuzyusya.

VaLoma 6:11

Niimwe vhweleele muyilolaje kuuti mwe vhafwe kuzya vhutalamalandu. Havhili muyilolaje kuuti ku vhulanzi vhwe mukulandila mukumuhondezya uMulungu kwi idala ilya Chilisiti uYeesu.

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

VaLoma 6:16

Nalyoli mumanyile ahinza kuuti inga mwayifumwa kwa muntu nu kuvhomba zye akwanza, pe mukuvha mukumushindiha umuntu uyo, mukuvha mwe vhazya vhaakwe. Kwe kuuti inga mwalandata insiivho izya vhutalamalandu, mukuvha mwe vhazya avha vhutalamalandu. Ilyo likuvhapelela uvhufwe. Ileelo inga mukumulandata uMulungu mukuvha mwe vhazya vhaakwe, ilyo likuvhapelela uvhugolosu.

VaLoma 6:2

Ndaali, te muumwo inga hansi! Kuzya vhutalamalandu iswe tuli ngati twe vhafwe. Kuli izyo, tutangajendeelela kuvhomba uvhutalamalandu.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

VaLoma 6:7

Yeenya, umuntu inga aafwa pooka nu Chilisiti, akuvha musatushe nziila kufuma ku maha aga vhutalamalandu.

VaLoma 7:6

Ileelo ishi tufuuye pooka nu Chilisiti, kwe kuuti tusatuliilwe kufuma mu ndajizyo. Ahavhaliilizyo iha tutakumuvhombela uMulungu kwi idala ilya hali ilya kulandata indajizyo zye zyásimviilwe, nkandi kwi idala ipwa ilya kulongolwa nu Mupepo uMufinjile.

1 VaKolinti 15:3

Ine návhasambiliziizye insambiilizyo imwamu zye náposheleeye, inza vwe yisimviilwe mu Vhusimbe uVhufinjile, kuuti uChilisiti áfuuye kuzya vhutalamalandu vhwitu.

2 VaKolinti 6:17

Ishi uMWENE uMulungu akuti, “Mwepe pahati yaavho, muyilehaanye navho. Mutalemaje ishintu ishihandamanu, niine pe kwe mbaposheele.”

VaGalati 3:13

UChilisiti ahatupoha kufuma mu ntipo zye zili mu ndajizyo kwi idala ilya kuzinyatula intipo izyo ku zyitu, mwe pe uVhusimbe uVhufinjile vhukuti, “Wonti we ahomeliilwe pa shihovhenkanyo, atifiilwe.”

VaEfeso 5:9

Nkuyanga vhwevhulo, mwe pe avhantu vhe vhali mu vhuzelu vhakuvhomba inyinza ni ngolosu ni zya nalyoli ahavhaliilizyo honti.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Kolosi 2:14

UMulungu ávhomvile fwe kwe kuvhuzimanya uvhusimbe vhwe vhuhatulonjelelaga iswe mwi ikalaata ilya malandu giitu. UMulungu azivhomvile fwe kwe kuvhuzimanya uvhusimbe uvhwo, lwe uChilisiti akuhomeelwa pa shihovhenkanyo nu kufwa.

Kolosi 2:20

Imwe mwáfuuye pooka nu Chilisiti, muhazileha insambiilizyo izya miiho aga vhantu. Ishi shooni she mukulandila ngati mwe vhantu avha mu nsi umu? Mukuyikunga na miiho aga kuuti,

Kolosi 3:3

mwe pe mufuuye. Ishi mukulandila pooka nu Chilisiti pilongolela ilya Mulungu, ileelo uvhulanzi uvhupwa uvhwo vhutakuloleha.

VaHebuli 10:10

Mwe pe uYeesu ahalulandataga ulukasamo ulwa Mulungu, uMulungu akutuzelufwa uvhutalamalandu vhwitu kwi idala ilya Yeesu Chilisiti kuyifumwa lwoka vhweleele kuvha mpuutile.

VaHebuli 10:5

Ye nongwa lwe uChilisiti ayinza mu nsi umu, ámuvhuziizye uMulungu átili, “Iwe utakwanza impuutile izya vihanu, poosye impuutile izyamwavho izinji, ileelo umuvhili waane uvhusengiinye.

VaHebuli 12:13

Mujendaje mu madala amagolosu, inga vhe vhali ni vinama vwe vilemaaye vhatahavwalale, nkandi vhapone.

VaHebuli 7:26

Umupuuti umupiti inza uyo we akwanzilwa kuli iswe, mwe pe uweene mufinjile, havhili atali nu vhunanzi, poosye uvhuhandamanu. UMulungu ámulehiinye na vhatalamalandu, ahamuzuvwa ku mwanya.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

Yakobu 5:16

Kuli izyo, mupemulilanaje uvhutalamalandu vhwinyu nu kulavhilana, inga uMwene avhaponiaje. Kulaavha ukwa muntu umugolosu kuli na maha, havhili kukuvhomba imbombo.

1 Yohani 2:29

Mwe pe mumanyile kuuti uChilisiti mugolosu, pe mumanye kuuti wonti we akuvhomba ingolosu, we mwana wa Mulungu.

1 Yohani 3:7

Ishi vhaana vhaane, mutahiitishe kuuti umuntu wonti avhateezye. Umuntu we akuvhomba ingolosu, we mugolosu, inza uChilisiti vwe mugolosu.

Ishitushizya 22:2

Ijenje ilyo lihiihaga kutuushila mwi idala ipiti ilya nkaaya. Mu mbazu zyonti izya ijenje ilyo mwámile amakwi ge gakufumwa uvhulanzi ge gakuhoma mala 12 ku mwaha. Kwe kuuti ku mwezi gakuhoma lwoka, amatundu gaakwe mulembo uwa kuponia avhantu avha mu nsi zyonti.