1 Peteli 2:23 - ULufingwi uLupwa

²³ Uweene lwe akuligwa, atávhagalusiziizye izwi inga lyoka ilya kuvhaliga. Lwe vhakumuyimvwa atáyanzile naashimo isha kuvhoogofwa, ileelo ámulesheeye uMulungu zyonti we akulonga avhantu ku vhugolosu.

Tesitamenti Umupwa 1965

²³ we lwe vakumuliga atahavagalushizya nalimo ilya kuvaliga wope; we lwʼakuyimṿilwa atayanzile nalimo ilya kuvafinjila; uwene zyonti ahamuninchilizya wuyo wʼakulonjela muvugolosu;

1 Peteli 2:23 ပူးပေါင်းရင်းမြစ်များ

uLuuka 23:41

Iswe tukwanzilwa kuposheela isunde ili, mwe pe tulonziilwe ku malandu ge tutazile. Ileelo uno, atatazile umulandu naawumo.”

uLuuka 23:46

UYeesu ahavhilishila kwi izwi ipiti ahati, “We Taata! Nkuyivhiiha mu nyoovhe zyaho.” Lwe ayanga izyo, ahafwa.

uLuuka 23:9

Pe uHeelodi ahamuvhuziilizya uYeesu amazwi aminji, ileelo uweene atahamwamula poosye izwi inga lyoka.

iMbombo izya Vhatumwa 17:31

Akuvhalajizya isho, mwe pe avhiisile isiku lye alivhalonga avhantu vhonti mu vhwanalyoli, kwi idala ilya muntu we amusavhuuye. UMulungu avhahomesheziizye avhantu vhonti izyo, kwi idala ilya kumuzyusya umuntu uyo.”

iMbombo izya Vhatumwa 4:29

Ileelo ishi MWENE Mulungu, yeenya vwe vhakutwogofwa! Utwavwe iswe swe vhavhomvi vhaaho, inga tulumbililaje izwi lyaho ku vhudandamazu.

iMbombo izya Vhatumwa 7:59

Lwe vhakumuhoma uSiteefani na mavhwe, uweene ahalaavhaga ahatinji, “Mwene Yeesu, uvhuposheele uvhupuuma vhwane!”

iMbombo izya Vhatumwa 9:1

Ahavhaliilizyo iho, uSaavhuli ahajendelelaga kuvhoogofwa avhalandati avha Mwene uYeesu, kuuti kwe avhagoje. Isiku limo, ahasogola kwa mupuuti umupiti,

VaLoma 2:5

Ishi, mwe pe we mugomu, havhili utakwanza kutonta uvhutalamalandu vhwaho, ukulivhiiha isunde lyaho kuvha lipiti nkaani pi isiku ilya vhuhalazu uvhwa Mulungu, uweene alivhalonga avhantu ku vhugolosu.

VaEfeso 6:9

Niimwe mwe vhamwene, muvhavhombelaje ahinza inza vhwevhulo avhazya vhiinyu. Mutavhogofwaje kuuti mukuuvhapa isunde, mwe pe mumanyile kuuti, avheene pooka niimwe, uMwene wiinyu ali wooka, woope ali ku mwanya. Uvhulonzi vhwakwe ku vhonti vhwa nalyoli, havhili uweene atakusavhulanya avhantu.

2 VaTesaloniki 1:5

Izyo zyonti zikulolesya kuuti, uvhulonzi uvhwa Mulungu vhugolosu. Ku vhulonzi uvhwo, imwe mulihondela kwinjila mu vhumwene vhwakwe vhwe imwe mukuyimbila.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

VaHebuli 12:3

Musivhiilile zye zyámwazile uYeesu, na vwe ahajimbililaga ku ziila zye avhatalamalandu vhahamudindaga, inga mutahinze mulite nu kuvunziha umwoyo.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.

1 Peteli 4:19

Pe ishi, avhantu vhonti vhe vhakuyimba ku lukasamo ulwa Mulungu, vhajendeelele kuvhomba inyinza nu kuyivhiiha mu nyoovhe izya Mulungu we ahavhapela, havhili we mutungamu.

Ishitushizya 19:11

Pisinda, nkalola ku mwanya kwigusile, ukwo nkalola imfwalaasi inzelu, na we akuyilimbila vhahatinji, “UMutungamu” nu “Wa Nalyoli.” Uyo akulongaga nu kulwa ku vhugolosu.