1 Peteli 2:22 - ULufingwi uLupwa

²² Uweene atávhomvile uvhutalamalandu naavhumo, poosye kuluma ilenga.

Tesitamenti Umupwa 1965

²² Wʼatatazilʼumulandu numo nishifumbo vatashazile nashimo mwilomu lyakwe;

1 Peteli 2:22 ပူးပေါင်းရင်းမြစ်များ

Matayi 27:19

Lwe uPilaato atendiime pa shitengo isha vhulonzi, umushi ahatumiilizya intumi ahati, “Utahamuvhombele ivhiivhi naalimo umuntu uyo we mugolosu, mwe pe uvhusiku uvhwa ileelo njimvile nkaani mu njozi ku zyakwe.”

Matayi 27:4

Ahavhavhuuzya ahati, “Mbomvile uvhutalamalandu uvhwa kumuvhiiha mu nyoovhe zyinyu umuntu we atananzile naashimo.” Ileelo avheene vhahati, “Izyo zitakutwavwa naashimo, zyaho weneewe.”

uLuuka 23:41

Iswe tukwanzilwa kuposheela isunde ili, mwe pe tulonziilwe ku malandu ge tutazile. Ileelo uno, atatazile umulandu naawumo.”

uLuuka 23:47

Umupiti uwa vhasikaali lwe aalola zye zyavhombeha, ahamutiima uMulungu ahati, “Nalyoli umuntu uno aamile mugolosu!”

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

Yohani 8:46

“Ishi pahati yiinyu wu naanu we angahomeshezya kuuti ine ne mutalamalandu? Inga nkuvhavhuuzya izya nalyoli, pe shooni she mutakuniitiha?

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaHebuli 4:15

Umupuuti umupiti uyo we tuli nawo, avhumanyile uvhuyeyevhazu vhwitu, mwe pe woope álinziilwe nu Seetano ku madala gonti inza iswe vwe tukulingwa. Ileelo uweene atávhomvile uvhutalamalandu.

VaHebuli 9:28

vhwevhulo, uMulungu ámufumwizye uChilisiti, inga afwe nu kuvha mpuutile ye yilunjisile lwoka vhweleele, inga uMulungu avhaswile avhantu avhinji uvhutalamalandu vhwavho. Havhili uChilisiti aliyinza ulwa vhuvhili. Te ahinze, inga uMulungu avhaswile avhantu uvhutalamalandu, nkandi aliyinza kuvhapoha avhantu vhe vhakumuguliilila.

1 Yohani 2:1

Mwe vhaana vhaane, nkuvhasimbila inongwa izi, inga mutavhombaje uvhutalamalandu. Ileelo poosye inga umuntu wonti muli imwe avhomba uvhutalamalandu, tuli nawo we akutulaavhila kwa Taata uMulungu, uyo wu Yeesu Chilisiti. Uweene mugolosu.

1 Yohani 3:5

Mumanyile kuuti uChilisiti áyinzile kwefwa uvhutalamalandu vhwitu. Havhili uweene atakuvhomba uvhutalamalandu naavhumo.

Ishitushizya 14:5

Vhatálolesile kuluma ilenga naalumo, mwe pe vhatáali nu vhunanzi.