1 Peteli 2:21 - ULufingwi uLupwa

²¹ UMulungu ávhiisite inga mujimbiilile vhwevhulo, mwe pe uChilisiti woope ájimbiliiye kuyimvilwa ku zyinyu. Uweene we shiholanyo, inga tulandate idala lye átuusile.

Tesitamenti Umupwa 1965

²¹ She zye zizyo mwisitwe, shʼuChilisiti avayimbiyʼimwe, mwʼahavaleshela isha kwenyelezya mumwo, ukuti mulandate munyayo zyakwe:

1 Peteli 2:21 ပူးပေါင်းရင်းမြစ်များ

Matayi 10:38

Umuntu wonti we akwanza kundandata ine, ayikungule, ayiitishe amayimba, poosye nu kufwa. Inga atakuvhomba vhwevhulo, atankondeeye.

Matayi 11:29

Mwitishe kulongolwa niine, ngati nkambaku zye zipinyiilwe ni ijooko, musambiilile kuli ine, mwe pe ine ne mutonsu havhili njisiizye mu mwoyo waane, pe niimwe kwe muvhe nu vhutehamu mu mooyo giinyu.

Matayi 16:24

Pe uYeesu ahavhavhuuzya avhasundikwa vhaakwe ahati, “Umuntu wonti we akwanza kundandata ine, yikwanzilwa ayihaane wuuyo weeka, ayikungulaje kundandata insiku zyonti, poosye nu kufwa.

uLuuka 24:26

Vhuli, uChilisiti atanzilwaga kutuushila mu mayimba igo gonti, pe pisinda ayinjile mu vhushindamu vhwakwe?”

Yohani 13:15

Navhalolesya ishiholanyo, inga niimwe muvhombelanaje inza vwe ine navhavhombela.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 17:3

Ahalondovholaga nu kuvhahomeshezya kuuti uChilisiti akwanzilwa kuyimba nu kuzyuha. Ahavhavhuzyaga ahatinji, “UYeesu we nkumulumbiilila kuli imwe, wu Chilisiti.”

iMbombo izya Vhatumwa 9:16

Ine kuuti mulanje vwe yikwanzilwa kuuti ayimbe nkaani kuzya izina lyane.”

VaLoma 8:29

Yeenya, uMulungu ávhamanyile avhantu vhaakwe vhe ávhasavhuuye she ashiili kuvhapela, havhili ivho ávhasavhuuye, inga vhaholane nu Mwana waakwe uYeesu Chilisiti. Ávhomvile vhwevhulo, inga uMwana uyo avhe wu hatoote ku vhaana avhamwavho vhonti avha Mulungu.

1 VaKolinti 11:1

Mundandataje ine, inza vwe niine nkumulandata uChilisiti.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

Filipi 2:5

Muvhe ni nsiivho ziila, zye áali nazyo uChilisiti uYeesu.

1 VaTesaloniki 3:3

Twávhomvile vhwevhulo, inga umuntu wonti atahavunzishe umwoyo kuzya mayimba iga. Imwe mumanyile kuuti, iswe tukwanzilwa kutuushila amayimba.

1 VaTesaloniki 4:2

Mwe pe mumanyile ahinza indajizyo zye twávhalajiziizye ku maha aga izina ilya Mwene uYeesu.

2 Timoti 3:12

Nalyoli, vhonti vhe vhakwanza kuvha nu lujendo ulwinza pilongolela ilya Mulungu mwa Chilisiti uYeesu, vhoope kwe vhayimbaje.

VaHebuli 2:10

Yámuhondeziizye uMulungu we ávipezile ivintu vwonti, nu kuvivhiiha inza vwe vili, kumutemwa kuvha mulongozi uweene we vhwandilo uvhwa vhuposhi kwi idala ilya mayimba. Ávhomvile vhwevhulo, inga uYeesu avhinjizye avhiitisi avhinji mu vhushindamu vhwakwe.

1 Peteli 1:20

UMulungu ámusavhuuye uChilisiti uyo kufuma ku vhwandilo lwe insi yishiili kupelwa, ileelo ahaguliilila kufishila insiku izi izya kumpeleela. Pe ahamulolesya apazelu ku vhantu vhonti ku zyinyu.

1 Peteli 2:24

UYeesu wuuyo ányatuuye uvhutalamalandu vhwitu kwi idala ilya kufwa pa shihovhenkanyo. Ávhomvile ilyo, inga tuleshe kulongolwa nu vhutalamalandu, nkandi tulongolwaje nu vhugolosu. Uweene vhámuvwalaziizye, inga imwe mupone.

1 Peteli 3:18

Yeenya, woope uChilisiti áyimviliilwe nu kufwa lwoka vhweleele, kuzya vhutalamalandu vhwitu. Uweene áali mugolosu, ahafwa kuzya vhe te vhagolosu, inga atukundanye nu Mulungu. Vhámugozile lwe ali nu muvhili uwa vhuntu. Ku maha aga Mupepo uMufinjile, ahasogola kukumusya Izwi iLyinza ku vhafwe vhe vhákunziilwe. Pe uMupepo uwa Mulungu ahamuzyusya.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.

1 Peteli 4:1

Mwe pe uChilisiti áyimviliilwe mu muvhili waakwe, niimwe vhweleele muyisengaanye kuyimvilwa inza uweene. Nkuyanga vhwevhulo, mwe pe umuntu we akuyimvilwa umuvhili, akulehaana nu vhutalamalandu.

1 Peteli 4:13

Ileelo museshelaje, mwe pe mukuyimba inza vwe uChilisiti áyimvile. Kuli izyo, muliivha nu luseshelo ulupiti nkaani, lwe uChilisiti aloleha mu vhushindamu vhwakwe.

1 Yohani 2:6

Umuntu we akuti ali nu vhuliilani nu Mulungu, akwanzilwa kuuti alandilaje inza vwe uYeesu ahalandilaga.

1 Yohani 3:16

Iswe tushimanyile ishikunzi, mwe pe uChilisiti ávhufumwizye uvhulanzi vhwakwe ku zyitu. Niiswe vhweleele, inga haafiha ahavhaliilizyo aha kuvhaavwa avhamwitu, tukwanzilwa kuyikungula kuvhaavwa, poosye nu kuvhufumwa uvhulanzi vhwitu ku zyavho.

Ishitushizya 12:11

Vhoope vhamupoosite ku mavhanda aga Hagonzi aha MWENE uMulungu, na kwi izwi lye vháhomesheziizye. Ivho vhe vhatahavhumwamihaga uvhulanzi vhwavho, havhili vhatahogopaga kufwa.