1 Peteli 2:20 - ULufingwi uLupwa

²⁰ Ishi kuli lilonka vhuli inga mukujimbiilila, lwe mukuhomwa kuzya vhutalamalandu vhwe mukuvhomba? Ileelo inga mukujimbiilila amayimba kuzya vhwinza vhwe mukuvhomba, pe mukumuhondezya uMulungu.

Tesitamenti Umupwa 1965

²⁰ Amwe pe lutimo vuli inga mukujimba lwe vakuvahomʼimwe pamalandu ginyu? Nkandi inga mukujimba lwe mukuyimba pambombo zyinyʼinyinza, zye zya vwila kwa Mulungu.

1 Peteli 2:20 ပူးပေါင်းရင်းမြစ်များ

Matayi 26:67

Pe vhahamuswilila amati ku minso, vhahamuhoma ni mbuli. Vhamo vhahamukanza na makoofi,

Matayi 5:47

Havhili, inga mukuvhalamuha vhe vhamwinyu vhweleele, pe mukuvhomba ishooni isha kuluusya? Yeenya, vhe te Vhayuuda vhoope vhakuvhomba vhwevhulo!

Maliko 14:65

Avhantu vhamo paala vhahataliha kumuswilila amati, vhahamupinya ni shitambaala ku minso, vhahataliha kumuhoma ni mbuli, vhahati, “Twivwe kuvhwa, wu naanu we akuhoma!” Avhavhomvi vhoope vhahamunyatula nu kumukanza na makoofi.

uLuuka 6:32

“Inga mukuvhakunda vhe vhe vhakuvhakunda imwe, pe muliposheela lilonka vhuli? Avhatalamalandu vhoope vhakuvhakunda vhaala vhe vhakuvhakunda avheene!

1 VaKolinti 4:11

Poosye ahavhaliilizyo iha, tuli ni nzala ni shinyooto, havhili tuli ni nzwalo. Tukutamilwa havhili tutali nu vhuyo.

VaGalati 4:18

Hinza shiima kuvha nu mute kuvhomba inyinza, kutavhanje vhweleele lwe indi pooka niimwe.

VaEfeso 5:10

Mulondolaje zye zikumuhondezya uMwene uYeesu.

Filipi 4:18

Vhamwitu, mposheleeye ivintu vwonti viila vwe mwámusonteleziizye uEpafulodiito, kuuti andeetele. Havhili andeteeye ivwinji kuluusya vwe naasovheliilwe, pe ishi indi navwo ivwinji. Ivintu ivwo, vili ngati mpuutile iya mununsi umwinza, havhili mpuutile ye yikwitishilwa nu kumuhondezya uMulungu.

1 Peteli 2:19

UMulungu akuvhaloota inga mukujimbiilila amayimba ge mukuyimvilwa kwi idala ilya kuvhonelwa, kuzya kumulandata uweene.

1 Peteli 3:14

Ileelo poosye inga mukuyimba kuzya kuvhomba ingolosu, uMulungu akuvhaloota. Kuli izyo, mutogopaje, poosye kusagaanya kufumiilana nu kwogofwa kwavho.

1 Peteli 3:17

Nkuyanga vhwevhulo, mwe pe kwashi kuyimvilwa kuzya kuvhomba inyinza inga lwe lukasamo ulwa Mulungu, kuluusya kuyimvilwa kuzya kuvhomba imbiivhi.