1 Peteli 2:19 - ULufingwi uLupwa

¹⁹ UMulungu akuvhaloota inga mukujimbiilila amayimba ge mukuyimvilwa kwi idala ilya kuvhonelwa, kuzya kumulandata uweene.

Tesitamenti Umupwa 1965

¹⁹ She vwe vwila ingʼumuntu akuyimba kunyenyezyo zyʼali nazyo mwe mwa Mulungu, ingʼavantu vakumwizizya munsitavugolosu.

1 Peteli 2:19 ပူးပေါင်းရင်းမြစ်များ

uLuuka 6:32

“Inga mukuvhakunda vhe vhe vhakuvhakunda imwe, pe muliposheela lilonka vhuli? Avhatalamalandu vhoope vhakuvhakunda vhaala vhe vhakuvhakunda avheene!

Yohani 15:21

Ileelo vhalivhavhombela zyonti izyo, mwe pe mukulilandata izina lyane, havhili, mwe pe vhatamumanyile we ansonteleziizye.

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

VaLoma 13:5

Kuli izyo, mukwanzilwa kuvhashindiha avhalongozi, te kuuti, mwe pe mukwogopa uvhuhalazu uvhwa Mulungu, nkandi, mwe pe mumanyile mu mooyo giinyu kuuti hinza kuvhomba vhwevhulo.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 8:1

Ishi vhamwitu, tukwanza tuvhavhuuzye izya vhwila vhwe uMulungu ávipiiye ivivhanza ivwa ku Makedooniya umwoyo uwa kufumwa.

2 Timoti 1:12

Izwi ilyo lye lihambiiha kuuti amayimba iga ganaaje. Ileelo ine ntakulola insoni, mwe imumanyile ahinza ula we nkamwitiha. Havhili indi nu vhwanalyoli kuuti ali na maha kuliguulila Izwi iLyinza kufiha pi isiku ilya vhusililishilo. Izwi ilyo ampiiye, inga mbasambiilizye avhantu.

VaHebuli 10:2

Inga uMulungu nalyoli ahavhazelufwaga uvhutalamalandu vhwavho avhantu ivho vhe vhahamupuutaga kwi idala ilya kulandata indajizyo, nkandi vhatahajendelelaga kuyilola mu mooyo gaavho kuuti vhatalamalandu. Havhili, nkandi vhálesile kufumwa impuutile zyavho, mwe pe uMulungu, nkandi avhazelufwizye lwoka vhweleele.

1 Peteli 2:20

Ishi kuli lilonka vhuli inga mukujimbiilila, lwe mukuhomwa kuzya vhutalamalandu vhwe mukuvhomba? Ileelo inga mukujimbiilila amayimba kuzya vhwinza vhwe mukuvhomba, pe mukumuhondezya uMulungu.

1 Peteli 4:15

Inga mukuyimvilwa, mutayimvilwaje kuzya kugoga ni zya kwivha ni zya kuvhomba uvhunanzi, poosye izya vhulumaluma.