1 Peteli 2:12 - ULufingwi uLupwa

¹² Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

Tesitamenti Umupwa 1965

¹² Ulujendo lwinyu muvakunzi luvanje lwinza, ukuti muli zila zye vakuvaholelʼimwe fwe ngati mwe vavombambivi, mwisinda mumbombo zyinyu zye nyinza lwe zikuloleha kuminso gavo vamushindishʼuMulungu kwisiku lya kwinzilwa.

1 Peteli 2:12 ပူးပေါင်းရင်းမြစ်များ

Matayi 10:25

Umusundikwa akwanzilwa kuvha inza umusambiilizi waakwe, woope umuzya akwanzilwa kuvha inza umwene waakwe. Inga vhakumwita umuhaata nyumba kuuti wu Belizabuuli, vhuli, te vhahavhiite avhantu avha mu nyumba yaakwe izina ivhiivhi nkaani?”

Matayi 5:11

“Mulosiitwe imwe, inga avhantu vhakuvhaliga nu kuvhayimvwa nu kuvhayanjila imbiivhi izya mavhiila mu mavhiila ni zya ilenga, mwe pe mukuniitiha ine.

Matayi 5:16

Vhwevhulo, vwe uvhuzelu vhwinyu vhukwanzilwa vhuvhahozezyaje avhantu, inga vhazilolaje imbombo zyinyu inyinza, pe vhamushindihaje uTaata wiitu uwa ku mwanya.”

Matayi 9:8

Ivhungaana ilya vhantu lwe lyalola izyo, lihoogopa nkaani. Lihamutiima uMulungu we ávhapiiye avhantu amaha igo.

uLuuka 1:68

“Ashindikwaje uMWENE uMulungu uwa Vhaisilayeeli, mwe pe ayinzile kuvhapoha avhantu vhaakwe.

uLuuka 19:44

Vhalikugwisya pansi, iwe na vhantu vhaaho vhonti. Te vhahakuleshele poosye ivhwe lye lilisyala pamwanya pa lyamwavho, mwe pe utahanzaga kumanya ahavhaliilizyo he uMulungu akukuleetela uvhuposhi!”

uLuuka 6:22

“Mulosiitwe imwe, inga avhantu vhakuvhaviitilwa nu kuvhazila nu kuvhaliga nu kuvhayanga havhiivhi, mwe pe mukuniitiha ine, ne Mwana wa Aadamu.

Yohani 13:31

Lwe uYuuda aafuma panzi, uYeesu ahavhavhuuzya avhasundikwa vhaakwe ahati, “Ishi uvhushindamu vhwane ne Mwana wa Aadamu vhwapalamila kuloleha apazelu. Havhili uvhushindamu uvhwa Mulungu kwe vhuloleshe apazelu kutuushila mu mbombo zyane.

iMbombo izya Vhatumwa 15:14

USiimoni atuvhuuzya vwe uMulungu ávhasajiiye avhantu vhe te Vhayuuda kwisinda ukwo, ávhasavhuuye vhamo vhavhe vhantu vhaakwe.

iMbombo izya Vhatumwa 24:13

Izi zye vhakundonjeelela, vhatangahomeshezya kuli iwe kuuti zya nalyoli.

iMbombo izya Vhatumwa 25:7

Lwe uPaavhuli aafiha paala, ahavhaaga aVhayuuda vhe vhínzile kufuma ku Yelusaleemu. Vhahamuvhungatila, vhahamulonjeelela kuuti atazile amalandu amapiti aminji ge vhahapotwaga poosye nu kugahomeshezya.

iMbombo izya Vhatumwa 28:22

Ileelo tukwanza kwivwa kuli iwe zye ukusiivha, mwe pe kuzya mpuga ye ukuyilandata, tumanyile kuuti yikuyangwa havhiivhi kwonti.”

VaLoma 12:17

Inga avhantu vhavhavhombela imbiivhi, mutalanduzyaje. Ahavhaliilizyo honti lwe mushiili kuvhavhombela avhanji ishintu shonti, musiivhaje suuti nu kuvhomba ziila zye zikuloleha nyinza ku vhantu vhonti.

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

VaLoma 14:18

We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

VaLoma 15:9

Havhili, áyinzile, inga avhantu vhe te Vhayuuda vhamushindihaje uMulungu ku vhwila vhwakwe inza vwe uVhusimbe uVhufinjile vhukuyanga vhukuti, “Kuli izyo, ndikutiima ku vhantu vhe te Vhayuuda. Havhili ndiyimba inyimbo izya kulitiima izina lyaho.”

1 VaKolinti 14:25

Zye zili mu mwoyo waakwe, zikuvha apazelu, pe akusugamila nu kumupuuta uMulungu kuuti, “Nalyoli uMulungu ali pahati yiinyu!”

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 13:7

Tukumulaavha uMulungu kuuti mutavhombaje uvhutalamalandu. Tutakwanza tuloleshe kuuti tuhondeeye, nkandi kuuti imwe muvhombaje inyinza, poosye she iswe tukuloleha ngati tuposiitwe.

2 VaKolinti 8:21

Insiivho zyitu, tukwanza kuvhomba ahinza pilongolela ilya Mwene na pilongolela ilya vhantu.

VaEfeso 2:3

Nalyoli niiswe swenti tuhalandilaga inza avheene. Tuhavhulandataga uvhuntu vhwitu uvhwa vhutalamalandu, kwe kuuti tuhazivhombaga zyonti zye uvhuntu vhwitu uvhwa vhutalamalandu vhuhasiivhaga nu kwanza. Mwe pe twápafwilwe nu vhuntu uvhwa vhutalamalandu inza avhanji, iswe swenti tuhasogolaga kwi isunde ipiti ilya Mulungu kuzya vhutalamalandu vhwitu.

VaEfeso 4:22

Mwásambiliiye kuleha ulujendo lwinyu uluvhiivhi nu kuzuula amooyo giinyu aga vhutalamalandu vhwe mwáli navhwo. Impapilo zyinyu zye zikuvhahopenkanya zikuvhananganya amooyo giinyu.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

1 VaTesaloniki 4:12

Ipo mukuvha mwalolesya ulujendo ulwinza pilongolela ilya vhe vhatamwitisile uMulungu, havhili mutakuvha mwe vha kusuuvhila ivwa vhanji.

1 Timoti 2:2

Muvhalavhilaje avhamwene na vhalongozi avhanji vhonti, inga tulandilaje ku vhutehamu, lwe tukuvha nu lujendo ulwinza nu kuvhomba zye zihondeeye pilongolela ilya Mulungu.

1 Timoti 4:12

Atahaavhe umuntu uwa kukusuufwa, mwe pe we mujaaha, nkandi uvhe we shiholanyo ishinza ku vhiitisi, mu hayanjile haaho na mu lujendo lwaho na mu shikunzi shaaho na mu lwitiho lwaho na ku mwoyo waaho umugolosu.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

VaHebuli 13:18

Mujendeelele kutulaavhila. Tuli nu vhwanalyoli kuuti amooyo giitu gatakutulonga naashimo, mwe pe tuli nu mute kuvhomba izya nalyoli ku vhantu vhonti.

VaHebuli 13:5

Mutavhanje nu lupapilo ulwa mpiiya, nkandi amooyo giinyu gitihaje kuuti vikwiliiye vwe muli navwo. Nkuvhavhuuzya vhwevhulo, mwe pe uMulungu áyanzile átili, “Te nkakuleshe, poosye kukuluvwa naalumo.”

Yakobu 3:13

Ishi kuli limwe, inga kuli umuntu we ali nu vhushindamu uvhwa njeele, avhulolesye vhwenevhwo ku lujendo lwakwe ulwinza. Havhili avhombaje imbombo ku vhutonsu vhwe vhukufumiilana nu vhushindamu uvhwa njeele.

1 Peteli 2:15

Nkuyanga vhwevhulo, mwe pe uMulungu akwanza muvhombaje inyinza, inga avhapukupuuku vhe vhatamumanyile uweene, vhatavhanje ni lya kuvhakwinkwina.

1 Peteli 3:16

Muvhanje na mooyo aminza, pe inga lwe avhantu vhakuvhayanjila izya ilenga nu kuvhaliga kuzya lujendo lwinyu ulwinza ulwa kumulandata uChilisiti, vhalolaje insoni.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

2 Peteli 3:11

Mwe pe uMulungu alivinanganya ivintu vwonti kwi idala ilyo, vhuli, imwe mukwanzilwa kuvha mwe vhantu vhe vhali inza vhuli? Mukwanzilwa kulandila mu vhufinjile nu kuvha nu lujendo ulwinza pilongolela ilya Mulungu,