1 Peteli 2:11 - ULufingwi uLupwa

¹¹ Vhankundwa, nkuvhalambiilizya, mwe pe muli ngati mwe vhajeni mu nsi umu, havhili mukutuuha, muzileshe impapilo izya vhuntu uvhwa vhutalamalandu zye zikulwana na mooyo giinyu.

Tesitamenti Umupwa 1965

¹¹ Mwe vankundwa, nkuvalambilizyʼimwe she mwe vasamizi vwelele, mwe vashintizi, ukuti muzilʼimpapilo zya muvili wa mbivi zye zikulwʼuvulugu numwoyo.

1 Peteli 2:11 ပူးပေါင်းရင်းမြစ်များ

uLuuka 21:34

“Muvhe minso, inga mutahinze mumenwe ni mpapilo mbiivhi nu vhwashimwela ni ntamwo izya mu vhulanzi uvhwa mu nsi umu, isiku ilya kumpeleela ilyo lilivhitushizya kuvhinzila.

iMbombo izya Vhatumwa 15:20

Tuvhasimbile ukalaata kuuti, vhatalyanje ivwakulya vwe vhafumwizye ku viholanyo, vhafupuhaje mu vhulugusu, vhatalyanje inyama zye vhabuzite, poosye amavhanda.

iMbombo izya Vhatumwa 15:29

Mutalyanje ivwakulya vwe vhafumwizye ku viholanyo ni nyama zye vhabuzite na mavhanda, havhili mufupuhaje mu vhulugusu. Inga mukuyidinda niizyo, pe mukuvhomba ahinza. Muvhalamushe.”

VaLoma 12:1

Ishi vhamwitu, mwe pe uMulungu ali nu vhwila kuli iswe, nkuvhalambiilizya kuuti muyifumwaje amavhili giinyu kuvha ngati mpuutile indanzi, imfinjile ye yikumuhondezya uMulungu. Yeenya, kuvhomba vhwevhulo lye lidala ilya nalyoli ilya kumupuuta.

VaLoma 7:23

Ileelo ivipelwa ivwa mu muvhili waane, amaha aga vhutalamalandu vhwe vhukulwa uvhulugu ni nsiivho zyane vhukuvikonzya. Amaha igo gakumbiiha kuvha ne muzya uwa vhutalamalandu vhwe vhukuvhomba imbombo mu muvhili waane.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

2 VaKolinti 5:20

Ishi, uChilisiti atusonteleziizye kuvhomba imbombo yaakwe, nu kutuushila kuli iswe, uMulungu akuvhalambiilizya kukundana nu weene. Ye nongwa tukuvhalaavha mwa Chilisiti kuuti mukundane nu weene.

2 VaKolinti 6:1

Ishi, mwe pe tukuvhomba imbombo pooka nu Mulungu, tukuvhalambiilizya kuuti uvhwila uvhwa Mulungu vhwe muposheleeye, mutahaaleshe vhuteeje vhweleele.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

VaEfeso 2:19

Pe ishi, imwe mwe vhantu mwe te mwe Vhayuuda, te mwe vhajeni havhili. Mwe vhaana vha Mulungu, havhili mwe vhahaaya pooka na vhafinjile vhaakwe.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

2 Timoti 2:22

Uzishimbilaje impapilo imbiivhi izya vhujaaha. Ulandataje uvhugolosu nu lwitiho ni shikunzi nu vhutehamu. Umulaavhaje uMwene uYeesu pooka na vhaala vhe vhakumulaavha ku mwoyo umuzelu.

VaHebuli 11:13

Avhantu ivho vhonti vháfuuye she vhakwitiha kuuti uMulungu aliivhapa vwonti vwe áfinzile kuuvhapa. Vhatáposheleeye vwe uMulungu áfinzile kuuvhapa, ileelo vhahavilolaga ukutali nu kudovhela. Avheene vhahitihaga kuuti vhajeni havhili vhantu vhe vhakutuuha vhweleele mu nsi.

VaHebuli 6:9

Vhankundwa, pooka nu kuuti tukuvhasimbila ku mazwi amahali, nalyoli tumanyile kuuti mukuvhomba inyinza zye zikusuuvhilwa ku vhe vhapokwilwe.

Yakobu 4:1

Ivho na madali ge gali muli imwe vikufuma kwoshi? Vikufuma mu mpapilo zyinyu imbiivhi zye zikulwana muhati zyinyu!

1 Peteli 1:1

Ukalaata uno nsimvile neene ne Peeteli, ne mutumwa uwa Yeesu Chilisiti. Nkuvhasimbila imwe mwe uMulungu avhasavhuuye, mwe musaasite, havhili mwe vhajeni mu shigavho isha nsi isha Ponto ni sha Galaatiya ni sha Kapadokiya ni sha Aasiya ni sha Bitiniya.

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.

1 Peteli 4:12

Vhankundwa, indingo impiti zye zikuvhaaga kwi idala ilya mayimba, mutazisukumilaje ngati shintu she shijeni kuli imwe.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

2 Peteli 3:1

Vhankundwa, uno wu kalaata uwa vhuvhili we nkuvhasimbila. Mu vhakalaata ivho vhavhili, nkuvhakumbusya inongwa zye muzimanyile, inga zivhavwaje kusiivha ahinza.