1 Peteli 2:1 - ULufingwi uLupwa

¹ Pe ishi, muleshe uvhuvhiivhi vhwonti ni ilenga ni shifumbo nu mwone ni ndigo zyonti.

Tesitamenti Umupwa 1965

¹ Mwe mumwo lelo mutagaje ukutali ulombwa lwonti nishifumbo shonti namafuji ningulumwo nuvukwakwa vwonti.

1 Peteli 2:1 ပူးပေါင်းရင်းမြစ်များ

Matayi 15:7

Mwe vhashifumbo imwe! Umukuvhwi uYisaayi áyanzile zya nalyoli lwe akukuvhwa ku zyinyu kuuti,

Matayi 23:28

Niimwe vhweleele, kunzi mukuloleha pilongolela lya vhantu mwe vhagolosu kwa Mulungu, ileelo muhati mu mooyo giinyu mwizuuye ishifumbo nu vhusambusu.

Matayi 24:51

Pe aliimupa isunde ipiti nu kumuvhiiha pooka na vhashifumbo. Ukwo kwe vhalikuutaga nu kuyimba nkaani.”

Matayi 7:5

We washifumbo iwe! Uyeefwe suuti ulupaliho lwe luli mwi lyinso lyaho, pe kwe ulole ahinza nu kwefwa ahababazula he hali mwi lyinso ilya wamwinyu!

Maliko 12:15

Ileelo uYeesu ahamanya ishifumbo shaavho, ahavhavhuziilizya ahati, “Shooni she mukuntega? Ndeeteli insavhaazya iya dinaali injilole.”

uLuuka 11:44

Mwasheela imwe! Muli fwe mbiipa zye zitali ni shivhulumwanya, avhantu vhakujenda pamwanya ishisita kumanya.”

uLuuka 12:1

Ahavhaliilizyo iho, avhantu amashumi na mashumi vhahavhungaana kumutejeelezya uYeesu. Vháamile vhinji nkaani, vhahahanyanaga nu kuhanyana lwe vhakusejeelela ku kwakwe. Pe uYeesu ahavhavhuuzya suuti avhasundikwa vhaakwe ahati, “Muvhe minso ni shifumbo isha Vhafalisaayi, mwe pe shikukumuha inza umulembo uwa kuluzizya vwe wukusaata.

uLuuka 6:42

Havhili ungamuvhuuzya vhuli uwamwinyu kuuti, ‘Wamwitu, leha inkwefwe ahababazula he hali mwi lyinso lyaho,’ ileelo iwe weneewe utakwenya ulupaliho lwe luli mwi lyinso lyaho? We washifumbo iwe! Uyeefwe suuti ulupaliho lwe luli mwi lyinso lyaho, pe kwe ulole ahinza nu kwefwa ahababazula he hali mwi lyinso ilya wamwinyu.”

Yohani 1:47

Lwe uYeesu amulola uNasaniyeeli akwinza ku kwakwe, ahayanga inongwa zyakwe ahati, “Yeenya, umuntu uyo we akwinza, Mwisilayeeli uwa nalyoli we atapezile alume ilenga naalumo.”

VaLoma 1:29

Vhahavha nu vhuvhiivhi uvhwa mavhiila mu mavhiila, vhahavha nu lupapilo nu mulaha. Havhili vhahiizula umwone nu vhugozi ni ivho. Vhahavha vhantu vhe vhakuhopenkanya. Vhali nu vhulumaluma ni isuufwo ni iyevho

1 VaKolinti 14:20

Vhamwitu, mutasiivhaje ngati mwe vhaana, nkandi ngati mwe vhantu avhasongo. Ileelo ku mbiivhi, muvhanje inza avhaana avhansi vwe vhali.

1 VaKolinti 5:8

Ishi tuleshe kuvhomba ishikulukuulu isha Pasaaka nu mulembo uwa kuluzizya uwa hali, kwe kuuti uvhuvhiivhi nu vhutalamalandu, nkandi tuvhombaje na makaati ge gatali nu mulembo uwa kuluzizya, kwe kuuti umwoyo umuzelu nu vhwanalyoli.

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

VaEfeso 4:31

Ishi muleshe kuvhavhwa amooyo, nu kuvha nu vhuhalazu nu mulaha nu kudalinkana nu kusamulana poosye kuvhombelana imbiivhi izyamwavho zyonti,

1 VaTesaloniki 2:3

Mwe pe ku nongwa zye tukuhomeelezya kuli imwe, tutakusivhiilila kuvhahopenkanya, poosye kuvhahandamania, poosye kuyanga imbiivhi.

1 Timoti 3:11

Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

uTiiti 2:3

Vhoope avhantanda avhagoosi, uvhasambilizyaje kuuti vhavhanje nu lujendo ulugolosu. Vhatavhanje vhakwakwa, poosye kuvha vhe vhashimwela, nkandi vhavhanje vhantu vhe vhakusambiilizya inyinza,

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

Yakobu 1:21

Pe ishi, muvhuleshe uvhuhandamanu vhwonti nu vhuvhiivhi vhwe muli navhwo. Muposheele ku vhutonsu izwi liila lye uMulungu alivhiisile mu mooyo giinyu. Izwi ilyo lye lili na maha aga kuvhapoha.

Yakobu 3:14

Ileelo inga amooyo giinyu gizuuye umwone nu lupapilo, pe mutayitiimaje, havhili mutayangaje ilenga ku zya nalyoli.

Yakobu 4:11

Mwe vhamwitu, mutayanjilanaje imbiivhi. Umuntu we akumuyanga havhiivhi uwamwavho, poosye kumulonga, akuziyanjila havhiivhi indajizyo izya Mulungu nu kuzisuufwa. Lwe ukuzisuufwa indajizyo, utakuzishindiha, nkandi ukuzihaana.

Yakobu 4:5

Mutasiivhaje kuuti uVhusimbe uVhufinjile vhukuyanga vhweleele, kuuti, “UMupepo uwa Mulungu we ahatuvhiiha muhati zyitu, ali ni shikunzi nkaani kuli iswe. Akuvwalala nkaani mu mwoyo lwe tutakumukunda weeka vhweleele.”

Yakobu 5:9

Mwe vhamwitu, mutakwinanaje, inga mutahinze mulongwe, mwe pe uMulonzi apalamiiye kwinza.

1 Peteli 2:16

Imwe mwe vhasatushe, ileelo mutavhuvhombelaje uvhusatushe uvhwo kuvhomba imbiivhi, nkandi mulandilaje inza vwe avhavhomvi avha Mulungu vhakwanzilwa kulandila.

1 Peteli 2:22

Uweene atávhomvile uvhutalamalandu naavhumo, poosye kuluma ilenga.

1 Peteli 3:10

Izyo zili inza vwe yisimviilwe mu Vhusimbe uVhufinjile kuuti, “Wonti we akusungwa kulandila ahinza, nu kuvha nu luseshelo insiku zyonti, aleshe kuyanga amazwi amavhiivhi, havhili atalumaje ilenga.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

1 Peteli 4:4

Avhantu ivho vhe vhatamwitisile uMulungu, vhakusukumila, mwe pe mutakuvha pooka navho kuvhomba uvhutalamalandu, pe vhakwanda kuvhasaamula.

Ishitushizya 14:5

Vhatálolesile kuluma ilenga naalumo, mwe pe vhatáali nu vhunanzi.