1 Peteli 1:6 - ULufingwi uLupwa

⁶ Ishi imwe seshelaaji kuzya vhupwano uvhwo vhwe uMulungu afinzile kuuvhapa, pooka nu kuuti ahavhaliilizyo ahansi iha, yikwanzilwa muswimiililwe ku ndingo izya mavhiila mu mavhiila.

Tesitamenti Umupwa 1965

⁶ Zye museshelajʼimwe, mwe suti shinishi mukusungama mundingo zyonti mwe zivaliye,

1 Peteli 1:6 ပူးပေါင်းရင်းမြစ်များ

Matayi 11:28

“Nzaaji kuli ine imwe mwenti mwe mukuyimvilwa nu kunyatula amaligo amamwamu, ine kwe mbape ulutuuzyo.

Matayi 26:37

Ahamunyatula uPeeteli pooka na vhaana vhavhili avha Zebedaayi, ahataliha kuswimiililwa nu kupulupuuta mu mwoyo.

Matayi 5:12

Lwe zikuvhombeha izyo, museshelaje nu kudovhela, mwe pe uMulungu aliivhapa ishipeelwa ishipiti ku mwanya. Havhili vhwevhulo, vwe vhahavhayimvwaga avhakuvhwi vhe vhávhalongoleeye imwe.”

uLuuka 1:47

Havhili wukumudovhela uMulungu uMuposhi waane,

uLuuka 10:20

Ileelo inga mukuseshela, mwe pe impepo inkandamanu zikuvhashindiha, muleshe kuseshela kuli izyo vhweleele, nkandi museshelaje, mwe pe amazina giinyu gasimviilwe nu Mulungu ku mwanya.”

uLuuka 2:10

Ileelo uhavhizya ahavhavhuuzya ahati, “Mutogopaje! Mbaleteeye inongwa inyinza zye kuuti ziivhape avhantu vhonti uluseshelo ulupiti.

Yohani 16:22

Vhwevhulo, niimwe muli nu vhuswimiilizu ahavhaliilizyo iha, ileelo kwe ninze havhili kuli imwe, pe kwe muvhe nu luseshelo mu mooyo giinyu. Ataliipo we aliyeefwa uluseshelo ulwo mu mooyo giinyu.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaLoma 5:11

Havhili, te lye liniilyo lyeka vhweleele, pooka niilyo uMulungu atuvhiisile kuuti tuseshele nkaani ku ziila zye atuvhombeeye, mwe pe kwi idala ilya Mwene uYeesu Chilisiti, tukundiine nu Mulungu.

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 9:2

Nalyoli, ine indi nu vhuswimiilizu uvhupiti nu vhuvhaavi vhwe vhutakusila mu mwoyo waane,

2 VaKolinti 4:17

Nkuyanga vhwevhulo, mwe pe amayimba giitu mapupuusu, havhili ga havhaliilizyo hansi vhweleele. Amayimba igo, gakutusenganizanya uvhushindamu uvhwa shiima. Uvhushindamu uvhwo, vhupiti nkaani, vhukutuvhiiha kulola kuuti amayimba igo te shintu.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

Filipi 2:26

Niishi avhasamvile nkaani imwe mwenti. Aswimiliilwe nkaani, mwe pe imwe mwivuuye kuuti aamile muvhinu.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

Filipi 4:4

Muvhe nu luseshelo ulwa mwa Mwene uYeesu insiku zyonti, havhili nkuvhavhuuzya kuuti museshelaje!

1 VaTesaloniki 1:6

Pooka nu kuuti mwámile mu mayimba kuzya lwitiho lwinyu, ileelo mwáposheleeye Izwi ilyo ku luseshelo lwe lukufuma kwa Mupepo uMufinjile. Vwe mwávhomvile vhwevhulo, mwálandasite ishiholanyo shiitu ni shiholanyo isha Mwene uYeesu.

Yakobu 1:2

Mwe vhamwitu, museshelaje lwe indingo izya mavhiila mu mavhiila zikuvhaaga,

Yakobu 1:9

Uwamwitu wonti we mupiina akwanzilwa kuuti aseshelaje, mwe pe uMulungu amuzuvwa.

Yakobu 4:9

Muswimililwaje nu kuloosya nu kukuuta. Inseho zyinyu zigalunkane kuvha maloosyo nu luseshelo lwinyu luvhe vhuswimiilizu.

1 Peteli 3:17

Nkuyanga vhwevhulo, mwe pe kwashi kuyimvilwa kuzya kuvhomba inyinza inga lwe lukasamo ulwa Mulungu, kuluusya kuyimvilwa kuzya kuvhomba imbiivhi.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.