1 Peteli 1:23 - ULufingwi uLupwa

²³ Mukwanzilwa muvhe ni shikunzi isho, mwe pe mupafwilwe ulwa vhuvhili, te ku vhapaafi vhe vhakufwa, nkandi kwa mupaafi we atakufwa kwi idala ilya izwi ilya Mulungu lye liliipo shiima.

Tesitamenti Umupwa 1965

²³ She mupafilwe uvupwa, te mwe mumbeyu yʼikuvola ndali, nkandi mumbeyu insitakuvola, mwe mwizwi lya Mulungu ilanzi lye likuva shimashima.

1 Peteli 1:23 ပူးပေါင်းရင်းမြစ်များ

Matayi 24:35

Imwanya ni nsi viliyeepa, ileelo poosye zivhe vhuli amazwi gaane galilunjiha.”

uLuuka 8:11

“Ishiholanyo ishi kwe kuuti: Imbeyu lizwi lya Mulungu.

Yohani 1:13

Ivho vhe vhaana vha Mulungu, ileelo te kulandatana ni shifumo shaavho, poosye kulandatana nu kupaapwa kwi idala ilya kuhomaana umwanaavuli nu mwantanda, poosye ku lukasamo ulwa muntu, uMulungu wuuyo we avhavhiisile kuvha vhaana vhaakwe.

Yohani 1:3

UMulungu ávipezile ivintu vwonti kutuushila kwa Izwi. Shitaliipo ishintu she shápeliilwe ishisita kutuushila ku kwakwe.

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

Yohani 6:63

UMupepo uwa Mulungu we akuuvhapa avhantu uvhulanzi uvhwa shiima. Amaha aga muntu gatangaavwa naashimo kuleeta uvhulanzi uvhwa shiima. Amazwi ge navhavhuuzya gakuvhavhiiha imwe kuuti muvhe nu Mupepo uwa Mulungu, nu kuuti muvhe nu vhulanzi uvhwa shiima.

VaLoma 1:23

Vhahaleha kumupuuta uMulungu uwa shiima, vhahavha vhakuvipuuta iviholanyo vwe viholiine na vhantu ni nyunyi ni nkanu na vwe vikukwesuha pansi, ivwo vwonti vwe vikufwa.

VaHebuli 4:12

Yeenya, izwi ilya Mulungu lilanzi havhili lili na maha. Havhili likuliluusya ipanga lye lili nu vhuhozu imbazu zyonti zivhili. Likulasa nu kwinjila muhati nkaani, nu kulehaanya umwoyo nu mupepo na pe ivipelwa ivwa muvhili visopenkiine na mafuta ge gali muumwo nu kumanya zye avhantu vhakusiivha nu kwanza.

Yakobu 1:18

Kulandatana na vwe ákasiime, átuvhiisile kuvha swe vhaana vhaakwe kwi idala ilya iswe kulyitiha izwi lyakwe ilya nalyoli. Ávhomvile vhwevhulo, inga tuvhe swe vhaana vhaakwe imozi, ku vipelwa vwakwe vwonti vwe ávipezile, tuvhe inza iviyavho ivitanzi ivwa kufumwa ku kwakwe.

1 Peteli 1:25

Ileelo izwi ilya MWENE uMulungu lya shiima.” Izwi ilyo lye Lizwi iLyinza lye lyálumbiliilwe kuli imwe.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

1 Yohani 3:9

Umuntu wonti we mwana wa Mulungu, atakuvheelela kuvhomba uvhutalamalandu, mwe pe ishiholanyo isha Mulungu shili muhati yaakwe. Atangavheelela kuvhomba uvhutalamalandu, mwe pe uweene mwana wa Mulungu.

1 Yohani 5:18

Tumanyile kuuti umuntu wonti we mwana wa Mulungu, atakuvheelela kuvhomba uvhutalamalandu, mwe pe uMwana wa Mulungu akumuguulila. UMuvhiivhi ula uSeetano atangamuvhomba naashimo.